استفسار عن الوظائف الإدارية بالجامعة..الله يخليكم ردو

[رقة الورد]

كيف حالكم جميعا ....ان شاء الله كلكم بصحة وعافية..
انتوا عارفين طبعا انه في كثير من الأماكن في الجامعة تعمل فيها اداريات..مثل عمادة الدراسات العليا..عمادة القبول والتسجيل..عمادة شؤون الموظفات..عمادة شؤون الطالبات..المكتبة المركزية وغيرها من الأماكن التي لايسع المجال لذكرها...
سؤالي..فين تقدم من ترغب بالعمل ادارية في هذه الآماكن؟
والطلب الي تكتبه وتحطه في ملفها تقدمة الى سعادة(ايش)؟
وكمان حابة أسأل عن الوظائف الي بنظام الساعات فين التقديم لها؟


الله يدخلة الجنة الي يجاوبني
وشكرا لكم

[nona22]

شوفي أختي انا الترم اللي فات قدمت عند خدمــة المجتمع و كانت ههي المسؤولة عن التوظيف في العمادة و المكتبة المركزية و إدارية في كليات الجامعة
و ممكن كمان تروحي للادارة العامة في مكانها الجديد هناك مكتب اسمه التوظيف بس ما أعرف وين يوظف بس اكيــد انه يوظف إداريات
و ممكن تروحي تسألي في الشؤون عن الدوام بالساعات
و الله يوفقك إن شا الله

[رقة الورد]

الله يسعدك يارب..
وشكرا لك
لكن أبغى أعرف فين مكان الإدارة العامة..وشؤون الموظفات

[فكر]

حتى انا أسأل :(

روحي مبنى 6 الدور الثاني شؤون الموظفين اخذواا مني السيرة الذاتية

ومبنى الادارة العامة هو نفسه 420
او 430
عند البوابة الشمالية بعييييييد الموهيم انا مااعرف شي اذا عرفتي بلغيني :(

شرط يكون معك الرخصة الدولية :)

[nona22]

الادارة العامة كان المبنى اللي مقابل للمسرح اللي جنب العيادة
بس اللحين فيه إصلاحات و مدري فين نقلوا بس ممكن تسألي بعض الموجودات هناك
أما شؤون الموظفات في المبنى السادس

[رقة الورد]

الله يسعدك ياnona22 وانتي كمان يافكر

[فكر]

آمين يا ورد ورقته


:)

ويرزقنا بوظايف فيها وتعليم عالي

آمين

[shahad yms]

طيب الوظائف هذه مثبته والا عقود ؟