جامعة المك عبدالعزيز vs جامعة الملك فهد

[عاصم العاصم]

المشاركة الأصلية كتبت بواسطة mr. Engineer حنا هنا نبي نعرف ليه الشركات الكبيرة تفضلهم هل هو سمعة فقط. لا . غير مالها دخل بالمستوى لانوا مستوى جامعة سعود الان افضل منها بكثير جدا ...

ياأخي الغالي ..
أنا اقول انها سمعة ... والسمعة هذه ماجاءت من فراغ
أما حاليا الوضع يختلف كثيرا عن أول .. كان الفرق شاسع بين الجامعتين
من( ادراة ونظام ومهنج ) ..
أما الآن أقول الفرق قد يكون تقلص كثيرا .. لأن الطلاب المتخرجين من هذه الجامعة اثبتوا نفسهم ..
...
جامعتنا ينقصها ( ادارة واعية .. ادارة داعمة )
...
ان تكون مسؤولا هذا لا يعني التشريف ولكن يعني التكليف

[gentle man]

New man

ارى كثير من التنااقض في رأيك ف تارة انت ... وتارة انت ...

حدد موقفك

- لحد يقلي انا منحاز لجامعة الملك عبد العزيز
بالعكس انا دايما اقول عنها قهوة بس هادا ما يمنع انو فيها ناس بتتعب من طلاب ومن دكاترة
حرام نضيع تعبهم وما نقدرهم

اداارة سيئة اتفق معاك لكن الحمد لله في الاونة الاخيرة رأينا كثير من التعديلات في الاداة تثلج الصدر

على فكرة ترى الموضوع دا طرح قبل كدا
ودايما ما نوصل لحل

اخيرن

الي قاعد يشتغل من قلبو ويتعب هوا الي شايف الجامعة قوية

والي قاعد يلعب ويبزوط وكبي بيست هوا الي شايف الجامعة بزوطة

ياريت تتقبلو راأي
وحديكم دليل

احد الدكاترة المعروفين ما يغيرو اسألتهم اعرف شخصيا طالب يخش الاختبار وهوا مزاكر المادة صحيح يشوف الاختبار_اقصد الي دايما يجي _ بس ما يحفظو يزاكر الاختبار زيو زي كنو يزاكر اسئلة قديمة في اي مادة

عكس اغلب الشباب الي يجو مو فاهمين شي في المادة بس الي يسويو انو يحفظو الاختبار يخشو يعملو كبي بيست ويطلعو

شفتو انو يعتمد ع الطالب

IE201,IE202

مواد جدا قوية ناس تخشها وتخرج منها ما استفاادت ولا شي كلو غش من التيم الي عند الدكتور التاني وبههلة واستهبال واستخفاف بعقلية نفسو

وناس تكرف وتخرج ايش يا استفاادة

تتعمد على كل شخص كل طالب كل موظف كل عامل

فــ كل يرى الناس بعين طبعه

[م/ المستقبل]

شباب انا حقول رأيي عن تجربة سارت ليا وقدامي

انا حتكلم عن تخصصين في جامعة الملك عبد العزيز وحقارنهم بنفس التخصصين في جامعة البترول

صناعية وكيميائية ...

بحكم إني على وشك التخرج بإذن الله بعد اسبوعين .. عملت وانا واصحابي من الصناعية والكيميائية أكثر من انترفيو قبل التخرج وحتى رحنا يوم المهنة الهندسي بجامعة البترول .. طبعآ كان في عنصرية وتحيز من الشركات لطلاب البترول عن باقي الجامعات

بس برضو مرررررره اتقبلنا دا الشي بصدر رحب وكلنا قلنا الأفضل هوا اللي حيثبت وجوده وحياخد الوظيفة اللي ربك كاتبه له

والله أقسم بالله وانا في رمضان .. اول ما خلصت اختبارات الترم الثاني ..على طول وقعنا عقود مع ارامكو وسابك وبيبسي والبنك الأهلي وبنك سامبا وشركة الوفاق والخطوط السعودية وبن لادن

والحمد لله كلنا متوظفين وفي جدة ما عدا اللي وقعوا عقود مع ارامكو وسابك في ينبع والشرقية .. بعكس اصحابنا من البترول من نفس التخصص إلى الآن ما اتوظفو او حتى انعرض عليهم عرض عمل ..

شباب الصناعية والكيميائية من جامعة الملك عبد العزيز .. أحب اقلكم أطمنو ترا الشركات يبغوا طلاب عزوز من التخصصين اللي ذكرتهم .. لأنو دراستنا أقوى ومناهجنا أشمل وأحدث


حبيت اقول للجميع الأرزاق بيد الله .. وجامعتنا قويه بس يعيبها التنظيم والمحسوبية من بعض الدكاتره

[عاصم العاصم]

المشاركة الأصلية كتبت بواسطة م/ المستقبل شباب انا حقول رأيي عن تجربة سارت ليا وقدامي انا حتكلم عن تخصصين في جامعة الملك عبد العزيز وحقارنهم بنفس التخصصين في جامعة البترول صناعية وكيميائية ... بحكم إني على وشك التخرج بإذن الله بعد اسبوعين .. عملت وانا واصحابي من الصناعية والكيميائية أكثر من انترفيو قبل التخرج وحتى رحنا يوم المهنة الهندسي بجامعة البترول .. طبعآ كان في عنصرية وتحيز من الشركات لطلاب البترول عن باقي الجامعات بس برضو مرررررره اتقبلنا دا الشي بصدر رحب وكلنا قلنا الأفضل هوا اللي حيثبت وجوده وحياخد الوظيفة اللي ربك كاتبه له والله أقسم بالله وانا في رمضان .. اول ما خلصت اختبارات الترم الثاني ..على طول وقعنا عقود مع ارامكو وسابك وبيبسي والبنك الأهلي وبنك سامبا وشركة الوفاق والخطوط السعودية وبن لادن والحمد لله كلنا متوظفين وفي جدة ما عدا اللي وقعوا عقود مع ارامكو وسابك في ينبع والشرقية .. بعكس اصحابنا من البترول من نفس التخصص إلى الآن ما اتوظفو او حتى انعرض عليهم عرض عمل .. شباب الصناعية والكيميائية من جامعة الملك عبد العزيز .. أحب اقلكم أطمنو ترا الشركات يبغوا طلاب عزوز من التخصصين اللي ذكرتهم .. لأنو دراستنا أقوى ومناهجنا أشمل وأحدث حبيت اقول للجميع الأرزاق بيد الله .. وجامعتنا قويه بس يعيبها التنظيم والمحسوبية من بعض الدكاتره

الله يرضى عليك
مهندسنا الغالي

[عـز]

شي عجيب ،

طلاب البترول يعانون من صعوبة المواد + النظام السيء المتبع عندهم ،

حسب ما سمعت / نظام الرسوب في المواد مو ثابت زي المواد عندنا ( -60 = f ) ، يعني مره الرسوب اقل من 70 ، مره اقل من 75 ،

حسب المزاج + العقليات اللي يدرسون الماده ،

التذبذب في أي موضوع يدل على ضعـفه !

النقطه الثانيه ، حسب ما شفت بعيني بجامعتنا ،

المواد الصعبه هي اللي يكون فيها مساعده للطلاب ،

وسبحان الله اذا ساعدوكم تقولون بزوطه ، واذا ما ساعدوكم تقولون جامعة غبيه .... الخ ،

بعدين انتو تبون تدرسون الجمع والطرح ولا كيف يعني ؟؟؟؟؟؟

لازم تكون فيه نسبه من الصعوبه ، لآنكم في مرحلة جامعيه ،

لكن الخطأ من التعليم العام السيء اللي عودكم على الدلع =) ،

رأيي الشخصي ، جامعة الملك فهد تعامل الطلاب على اساس انهم علماء ، < لا تفوتك ماجستيك

اما جامعتنا تعاملنا على اساس اننا طلاب جامعيين بكل ما تعنيه الكلمه ،

وصعوبة المواد عمرها ما كانت المقياس لنجاح الجامعه او فشلها ،

شوفو ( نفسية + عقل ) اللي يتخرجون من جامعة الملك فهد واللي من جامعتنا ، بعدين احكمو ،

كلمة أخيره ،

الفاشل يروح الجامعه كأنه رايح لجهنم ،

والمجتهد يروح الجامعه كأنه رايح للجنه ،




شكرآ جامعة الملك عبدالعزيز ،،

[اسامـــه]

المشاركة الأصلية كتبت بواسطة عـز الفاشل يروح الجامعه كأنه رايح لجهنم ، والمجتهد يروح الجامعه كأنه رايح للجنه ، شكرآ جامعة الملك عبدالعزيز ،،

وانا اقول ليش اروح الجامعة وكلي سعادة

[مغترب للدراسة]

يا شباب معليش على الشطحة لكن عندي استفسارين
1_أنا سمعت أنو اللي يخلص 30 ساعة بالهندسة يقدر يوقع عقد مع أرامكو وسابك ياليت اللي يعرف عنه شئ وعن شروطه ومميزاته يخبرنا وله جزيل الشكر والتقدير؟؟؟؟
2_ie201 and ie202 وماهي هذه المواد وكيف أقدر أجيب بها درجة حلو؟؟؟؟
أخير أسف على الشطحة لكن المعذرة

[mr. engineer]

معليش اضافة للي سبق المحتوى الدراسي والخطة الدراسيه تغيرت بعد الاعتماد واذا كنت لاتعرف هذا فلا ادري باي.. جامعة انت

[Majest!C]

مدري وش ذا الابيت .. لكن اللي اعرفه ان كليتنا كل يوم بخطة وتغيير مدربين وذا الشيء يضر بمصلحة الطالب
وعموما ، التغييرات بنشوفها مع بداية الترم الجديد لأن الادارة تغيرت من العميد نفسه القديم للجديد + الوكيل + ادارة التطوير والجودة ، والبركة فيهم ..

[mr. engineer]

معليش اخوي اسامه كنت اقد الاخ new aman