أسلوب الدراسة والاختبار لمادة الانجليزي (للتحضيري)

[بنت الضحى]

بسم الله الرحمن الرحيم
السلام عليكم ورحمة الله وبركاته

طريقة دراسة الانجليزي في الجامعة ما تختلف عن الثانوي من ناحية القاعدات (قرامر) والمفردات (فوكابلاري)
لكن الفرق في الشفوي (سبيكنق) و الكتابي أو التعبير (رايتنق)
الانجليزي كل مستوى له اختبارين (نصفي ونهائي) وكل واحد من منهم له ثلاث اختبارات
الاختبار الأول اختبار اختياري زي أي اختبار لمادة ثانية فيه كم جزء ،، أظنها 4 أجزاء
ـ قطعة وعليها أسئلة اختياري( احنا في المستوى الثاني جات في الاختبار قطعتين وحدة من الكتاب و الثانية من برا لكن المستوى 3 و 4 كان بس قطعة وحدة من برا لكن ذاكرنا كم كلمة تكون موجودة في بداية الدرس حق القطعة قبل لا تبدأ القطعة ممكن يجي منها في جزء المفردات)
- جزء القاعدات زي في الثانوي يا تصريف أفعال أو أفعال مساعدة وهكذا (نسيت ليا كم شهر عن الانجليزي)
- جزء المفرداتيكون شبيه بـ (word study ) حق الثانوي وفي الجامعة من الفوكابلاري وأحيانا من الكلمات اللي قبل القطعة
- جزء المحادثات: تكون محادثة صغيرة من 2 أو3 جمل بس وحدة منهم ناقصة وتختاروها من الإجابات اللي عندكم
كنا نذاكرها من الكتاب موجودة غالبا على شكل توصيل
الاختبار الثانيالتعبير وينقسم أيضا إلى قسمين
ـ الأول قواعد كتابية زي القاعدات اللي في كتاب التعبير حق ثالث ثانوي
ـ الثاني نكتب قطعة يكون فيه موضوعين و نختار واحد منهم
احنا في المستوى 2 كانت التعابير اللي درسناها في الكتاب نفسها جات في الاختبار لكن المستوى 3 و4 ما كان نفسها بس شبهها
الاختبار الثالث الشفوي وبالنسبة لنا نظامه كان كل مستوى مختلف عن نظام المستوى اللي بعده
المستوى 2 كان جزأين الأول أسئلة واحنا نجاوب والسؤال احنا نختاره من أوراق (يعني قرعة) والثاني نسحب ورقة (أيضا قرعة) من خمسة أوراق فيها أسماء مواضيع واللي نختاره نتكلم عنه وهذه المواضيع الخمسة والأسئلة اللي قبل كانت تنعاد على الفصل كامل يعني بعد ما اختار ورقة و أقولها أرجعها
مواضيع المستوى الثاني كانت مرة سهلة
المستوى 3 كان شيء غريب !،، مواضيع على عدد بنات الكلاس ولا زم تسحبي ورقة وعندك دقيقتين بس لتجهيز الكلام وبعدها تتكلمي
والمواضيع مو مرة سهلة زي المستوى 2 لكن كثير منها كان من الكتاب
المستوى 4 من البداية قالولنا اختاروا موضوع وبعدين إذا وافقت عليه الأستاذة تكتبي عنو ولازم كل شوية تشوفه عشان لو كان في أخطاء أو تبغى تعدل وزي كذا وبس بعدين يوم الاختبار تلقي الموضوع
ملاحظة : في المستوى الثاني كان كلا من الاختبار النصفي والنهائي له الثلاثة أجزاء التي ذكرتها
أما المستوى 3 و4 كان بس النهائي له 3 أجزاء والنصفي بس اثنين يعني من غير شفوي

هذا بالنسبة لنا وإذا كان فيه تغيير أو حتى كان نفسه فأكيد أساتذتكم ح يبلغوكم

و إن شاء الله تكونوا استفدوا من الموضوع
موفقين إن شاء الله

[Deev]

جزاكي الله الف خير على المعلومات

مرا حلو كدا الوضع يعني انا اختار الموضوع اللي اتكلم فيلو واحضرو

سؤآآآآل


انتي من فين زاكرتي الانجلش؟

[بنت الضحى]

المشاركة الأصلية كتبت بواسطة deev جزاكي الله الف خير على المعلومات مرا حلو كدا الوضع يعني انا اختار الموضوع اللي اتكلم فيلو واحضرو سؤآآآآل انتي من فين زاكرتي الانجلش؟

الله يعافيكـ
احنا اخترنا الموضوع بنفسنا بس في المستوى 4
لكن في المستوى 2 و3 المواضيع كانت في ورق وانتي ما تعرفي اش تختاري تكون مقفلة يعني صدفة

أما من فين ذاكرت من الكتاب لأنو أصلا الانجليزي ما سمعت إنو له ملخصات يعني ما عندك إلا الكتاب

[Deev]

المشاركة الأصلية كتبت بواسطة بنت الضحى الله يعافيكـ احنا اخترنا الموضوع بنفسنا بس في المستوى 4 لكن في المستوى 2 و3 المواضيع كانت في ورق وانتي ما تعرفي اش تختاري تكون مقفلة يعني صدفة أما من فين ذاكرت من الكتاب لأنو أصلا الانجليزي ما سمعت إنو له ملخصات يعني ما عندك إلا الكتاب

اها طيب
وهل حتناقشك فيه الدكتوره ؟؟

ولا بس تقومي تقرأيه ؟؟

طيب هل في محاضره للسبيكنق
يعني يعلموكي كيف تردي وتسألي وزي كدا؟؟

[LoOoly..]

طيب حبيبتي يعني كل شيء من الكتاب

[ططال عمري]

جزآآكي آلله آلف خخير ..
بس باسأل .. للحين آلموآضيع آللي نختآرها بورق ذي .. نكون آحنآ مذآكرين و عآرفين ويش السسالفة حقتها ولا بالصصصدفة أقعد أألف كلآم من رآسي !

[محمد عماد]

جزاك الله الف خير ( بنت الضحى ) .. يعطيك الف عافية ^^

سؤال : في اي كلية اتسكنتي ؟؟

---

المشاركة الأصلية كتبت بواسطة deev اها طيب وهل حتناقشك فيه الدكتوره ؟؟ ولا بس تقومي تقرأيه ؟؟ طيب هل في محاضره للسبيكنق يعني يعلموكي كيف تردي وتسألي وزي كدا؟؟

الإختبار السبيكنج بعد ما تخلصي من الموضوع الي تتكلمي فيه ممكن الأستاذة تسألك كم سؤال

طبعا ، طول السنة وانتم تتدربو على السبيكنج .. وممكن اذا كلمتم استاذتكم تخليها تسوي لكم اختبار تجريبي ..

المشاركة الأصلية كتبت بواسطة loooly.. طيب حبيبتي يعني كل شيء من الكتاب

يب كل شيء من الكتاب ،
لكن فيه قطعتين ريدنج وحدة من الكتاب وحدة من برا الكتاب
والليسننج مقسم ثلاث اجزاء .. الجزء الأول من الكتاب والجزئين الأخرين من برا

المشاركة الأصلية كتبت بواسطة ططال عمري بس باسأل .. للحين آلموآضيع آللي نختآرها بورق ذي .. نكون آحنآ مذآكرين و عآرفين ويش السسالفة حقتها ولا بالصصصدفة أقعد أألف كلآم من رآسي !

في المستوى الثاني حيكون السبيكنج مجرد اسئلة واجوبة مباشرة
اما المستوى الثالث والرابع يعطيك الأستاذ موضوع ( مثلا : ما هي مميزات وعيوب الإنترنت ) وانت تتكلم عنه لمدة خمس دقائق

مستحيل تعرف الموضوع الي تتكلم عنه قبل ما تبدأ الإختبار لأن الإختبار عشوائي .. الأستاذ راح يعطيك 3 دقائق فقط تجمع معلومات عن الموضوع الي حتتكلم فيه

[Abdullah Al-juhani]

وعليكم السلام ورحمة الله وبركاته

والله حسيت في الليفل 4 صعوبة شوية ولكن راح أشد حيلي ان شاء الله
بنت الضحى تجربتك أكييد راح نستفيد منها وشكراً ليك لمشاركتك لينا هـ التجربة

دكتور محمد أستفدت من ردك فوق شكراً

[محمد عماد]

المشاركة الأصلية كتبت بواسطة a . Y . J وعليكم السلام ورحمة الله وبركاته والله حسيت في الليفل 4 صعوبة شوية ولكن راح أشد حيلي ان شاء الله بنت الضحى تجربتك أكييد راح نستفيد منها وشكراً ليك لمشاركتك لينا هـ التجربة دكتور محمد أستفدت من ردك فوق شكراً

العفو اخوي :)

لفيل فور مو صعب بس لازم تشد حيلك فيه
كمية الفوكابلري كبيرة .. والقرامر ممكن يلخبط شوي
لكن يبقى سهل باذن الله

واي شيء تحتاجوه في الرايتنج او السبيكنج انا اساعدكم
عندي قطع كثيرة جاهزة ومواقع ممتازة .. اذا احتجتوها ممكن انزلها لكم

[Deev]

المشاركة الأصلية كتبت بواسطة ريال سعودي العفو اخوي :) لفيل فور مو صعب بس لازم تشد حيلك فيه كمية الفوكابلري كبيرة .. والقرامر ممكن يلخبط شوي لكن يبقى سهل باذن الله واي شيء تحتاجوه في الرايتنج او السبيكنج انا اساعدكم عندي قطع كثيرة جاهزة ومواقع ممتازة .. اذا احتجتوها ممكن انزلها لكم

ياليت والله تاخذ فينا اجر

طيب انا ابغى اسألك الحين الموضوع عشوائي يعني متلا ماتقول الاستاذه ايش المواضيع اللي ممكن نتكلم عنها قبل الاختبار ؟؟
طيب وهل في 3 الدقايق يبنفع اجمع المعلومات متلا من النت ولا مايسمح باستخدام اشياء مساعده ؟؟