لو سمحتوا بعد الكرف ابغا ارتاح ممكن ؟؟؟ ابي جدول من خبرتكم

[احاول اخفي احساسي]

السلام عليكم ورحمة الله وبركاته
وكل عام وانتم بالف خير
كيف الحالكم شباب ؟؟ ان شاء الله بخير
يا نااس والله كرفنا في التحظيري الين قلنا بس
ان شاء الله لو ادخل هذا التخصص ابي منكم
كل واحد يرتب لي جدول الله يوفقكم
بحيث انوه ما فيه كررف كثير يعني لو عليه انا
ابي اداوم من ثمانيه او تسعه الصبح واطلع 1 الظهر
ويا حبذا لو فيه ايام ما فيها الا محاظره وحده من جد
يصير ترم خرااافي !!!
يالله الهمه يا شباب
وعذرا ع الاسلوب السريع لكن من التعب الي فيني ابي ارتاح الترم الجاي

وشكرا

[سكووت]

الوقت الله اعلم على حسب اوقات المحاضرات في محاضرات بدري و كلاسات متأخر ..
بالنسبة للمواد
كبداية حتاخد مبادئ قانون
قانون تجاري
دستوري
و اصول فقه مع الاستاذ خالد الجفري
و ثقافة
المواد خفيفة مقارنة لمن تتعمق بالتخصص و التجاري يبغالو شويا تركيز و ترا مهم عشان حيفتح لك مواد قادمة ..

[مستفيض العبرات]

شوف حبيبي ..
انا من ناحيتي اول ترم ليا في التخصص

أخذت 5 مواد ( 15 ساعة ) ولكن في يوم الاحد والثلاثاء ، يعني عندي ثلاثة ايام اف .
هيا حلوة ومو حلوة ، فيها تعب في اليومين هذي ، لكن بصراحة ريحتني كثير في الايام الي عندي فيها اف .


لكن اذا انت تبغى تكون مريح وما تبغا تتخرج بدري ومن هذا الكلام .
يمديك تنزل 4 مواد وتكون في يومين بس ، بحيث تكون 12 ساعة بس .

اذا تبغا تمشي على نظام اربعة مواد في يومين بس اختار :
1- مبادي قانون .
2- أصول فقه .
3- قانون تجاري أو دستوري ( يفضل دستوري لانها اسهل )
4- تحرير كتابي


اذا تبغا تنزل 5 مواد في يومين بس :
نفس المواد الي فوق بالاضافة الى التجاري او الدستوري اذا اخذت وحدة منهم .



وكل محاضرة منهم مدتها ساعة وثلث اذا كانت في يومين .

ولكن نصيحة أخوية أخوية ..
مادة مبادئ القانون ابعد من المعيد فهد الزويلعي لانه من أسوأ اسوأ الدكاترة بالجامعة .
مادة القانون التجاري ابعد عن عبدالهادي الغامدي لانه يحط اسئلة غريبة ومو مفهومة ، مع ان شرحه ممتاز .
مادة الدستوري ، الدكاترة الي فيه كلهم كويسين وممتازين .
مادة أصول الفقه ، الدكتور هشام أزهر ممتاز جدا أو الجفري أيضاً ممتاز ، هشام أزهر ميزته يحط اسئلة سهلة جدا .
تحرير كتابي ما تفرق معاك لانها مادة حرة ومتطلب .


أهم شئ لازم تختار دكاترة كويسين لان المادة مهما كانت صعوبتها ، راح تصير سهلة مع الدكتور الكويس والمتعاون بالدرجات .

والمادة السهلة راح تكون صعبة ومالها داعي ، إذا كانت مع دكتور سيئ التعامل .

وموفق بإذن الله

[احاول اخفي احساسي]

يعطيك الف عافيه
وما تقصرون ان شاء الله
يكون جدولي خفيف
مشكورين