مشكلة في حياتي ، واحتاج مساعدتكم

[كرزه...]

رهوفه حبيبي لا تشيلي هموم الناس والله كدا راح تتعبي طول حياتك ..الصداقه جميله لاتخيلي التفكير في هموم غيرك بزياده تحرمك منها .. ماشاء الله انا اشوفك هنا اجتماعيه حاولي تتطبيقي الي هنا في حياتك مع الناس برا..لازم تختلطي بالناس كثير عشان تتعلمي يعني يكون عندك زميلات كثير شوفي اقصد زميلات يعني علاقه صطحيه والأصدقاء قليل يعني 2 ولا 3 من الي تثقي فيهم مره ..وحاول تخالطي الناس من طباع مختلفه وجنسيات مختلفه والله تتعلمي كثير طيب دحين لو جلستي بس مع امك واخوانك وبكره راح تتزوجي كيف رح تتعاملي مع زوجك واهله حتكوني لوحدك بدون ماما طلعات و خرجات حاولي تدخلي في المجتمع أغلطي وتعملي مو مشكله عشان الناس ماتستغل عاطفتك الزايده وتضحك عليك ..الله يسعدك حبيبي لاتشيل هموم غيرك الدنيا ماتستاهل انبسطي لسه في بداية عمرنا ..