المستجدين اول ترم لهم حذف واضافه تفضلوا

[TeeNa....]

المشاركة الأصلية كتبت بواسطة 7abeeba في قائمة الشعب الدراسية لقيت شعبة فاضية لكن لما جيت أضيفها مي راضية تطلع لي أروح الجامعة واكلمهم يحطولي ياها وللا إش اسوي؟ مع العلم إنو ال ٥ مواد كلها مخليتها سبت واثنين وربوع ودي السادسة أبغاها تكون معاهم في نفس الايام، يمكن عشان كدا؟ > من مكة مافيا انزل واطلع كل يوم يكفي اللطعة في الجامعة ايام التحضيري :\

يمكن الشعبه فل او تعارض مع ماده منزلتها انتي
عادي تحطي 3 ايام مو هنا المشكله

[صفاء الحازمي]

يا جمااااعه ايش دا
انا كنت في التحضيري اداري ونقلت مسار علمي عشان التخصص وقالولي عشان احول المسار لازم ادرس يا كيمياء او فيزياء واخترت فيزياء
دحين ارووح الخطة الاقي مواد المسار العلمي كلها عندي
ولما اعدل الجدول المواد المتاحه فيها كيمياء ورياضيات واحياء
وبعدين ابغى اعرفف انا درست في التحضيري لغه انجليزية 1 و 2 رمزها elc ودحين نازلتلي في المواد المتاحه
والمفرووض اني ما اخدها اخد لغة انجليزية متقدمة كيف اسوووي دحين من جد مو فاهمة شي

[يالبى انا]

يا ناس ما عبيت ورقة التخصص ولا جاتني رسالة الجوال ولا كنت عارفة اصلا يقوموا من نفسهم يختاروا ؟؟!!

[chσcσℓiηe]

^
روحي الشؤون التعليمية في الكلية وسوي طلب تخصص يدوي

ولا مارح تعرفي تضيفي شي

[يالبى انا]

مااا عبيت ورقة التخصص ماااا كنت عارفة شي
ايش الحل

[يالبى انا]

طيب الله يسعدك يعني ان شاء الله يرجعوني علمي وكيف قصدك يدوي
ونفسي ادخل محاسبة ايش اقولهم

[chσcσℓiηe]

^

حبيبي انتي علمي مو اداري الجدول غلط من عندهم

قوليلهم انك ما عملتي طلب تخصص في الاودس

يدوي يعني يعطوكي ورقه ترتبي التخصصات الي تبغيها ويدخلوكي على حسب معدلك

اذا تبغي محاسبة اختاري الرغبة الاولى مستجد اعمال عام ( وبعد 3 سمسترات تتخصصي محاسبة ان شاء الله )

[يالبى انا]

ثنكيوووو يا قمر من اول استناكي الله يسعدك

[الحائرة دائما]

عندي سؤال انا ابغا احذف واضيف بس الصراحه خايفة اني مااقدر اعدل بعد الحذف والاضافه اقدر اعدلها ولا خلاص بتثبت ومشكوورة على مساعدتك لنا^^

[TeeNa....]

المشاركة الأصلية كتبت بواسطة الحائرة دائما عندي سؤال انا ابغا احذف واضيف بس الصراحه خايفة اني مااقدر اعدل بعد الحذف والاضافه اقدر اعدلها ولا خلاص بتثبت ومشكوورة على مساعدتك لنا^^

عادي ياعسل الحذف والاضافه موجود لحد الجمعه من النت واول اسبوع مفتوح من الجامعه