نبذة عن مواد المستوى الأول ^^"

[OMAMA]

السلام عليكم ورحمة الله وبركاته ..
مساء الخيرات للجميع و ان شاء الله تكونوا خلصتوا حذف وإضافة ووضعكم هادي بدون توترات عشان نبدأ في الشغل ..

++ خصوصاً انوا باقي يومين ع بداية الدراسة

نبدأ دحين في أول مادة وأتوقع انوا أكترنا ما يعرفها حق المعرفة <<< ياريت الكبار يساعدونا فيها شويه ويارب تتوفقوا في مشاريعكم الكبيرة ..


# أساليب الكتابة العلمية Technical Writing :
هيا مادة صممت أو وضعت (في الجدول ) لمساعدة الطلاب في تحسين مهاراتهم الكتابية وتسهل لهم النجاح الكتابي في الكلية أو اي مكان تاني من حيث تقوية العبارات الكتابية ، ومنها الطلاب يقدروا يحللوا المقالات كمان <<< خخخخ الشرح ختييير


وبالنسبة للكتب هي عندها كتابين :
1- English Composition and Grammar : Complete Course
2- Research Strategies for a Digital Age

وبالنسبة للاستاذات ياريت احد يفيدنا <<<

--------------------------------------------------------------------------

# مقدمة حوسبة Introduction to computing :

يهدف إلى
1- تعليم الطالب مبادئ الحساب الثنائي وطرق تمثيل البيانات بأنواعها المختلفة
2- يعطي مقدمة عن مكونات الحاسب الداخلية وكيفية عملها
3- أساسيات الخوارزميات وكتابة البرامج ونظم تشغيل الحاسبات
4- يعطي مقدمة عن قواعد البيانات وشبكات الحاسبات

الصراحة هي شوية يبغالها شغل لأنوا محتويات المقررة شوية دسمة بس ان شاء الله تكون سهلة علينا ...

بالنسبة للكتب :
1- “Foundations of Computer Science
الكتاب التاني عنوانه طوووووووويل
2- Foundations of Computer Science: From Data Manipulation to
Theory of Computation: From Data Manipulation to Theory of Computation,
-------------------------------------------------------------------------

# نظرية الاحتمالات Probability Theory :

زي مايقولوا البنات انوا المادة هادي عبارة عن تكملة لأحصاء التحضيري ..
وأهم حاجة لازم تكونوا فاهمينها كويس في المادة هادي هي انوا
1- مبادئ الاحتمالات وتوزيعاتها والمتغيرات العشوائية
2- المقدرة على استخدام حزم البرامج الاحصائية لحل المشكلات
3- تقنيات المحاكاة <<< هادي الفقرة اتمنى احد من الكبار يكون فاهمها كويس ويعطينا نبذة بسيطة عنها ..

وبالنسبة للكتب هادي المادة الوحيدة بالإضافة للثقافة عندها كتاب واحد
1- A First Course in Probability

-----------------------------------------------------------------------

# برمجة 1 Programming I :

يهدف الى تعليم الطالب مبادئ ومفاهيم البرمجة : يعني زي كيفية كتابة البرامج لحل المسائل البسيطة وكيفية استخدام البرمجة لحل المشكلات والمسائل العلمية والعملية ..

وهادي المادة شوية دسمة لأنوا حندرس لغة جافا وسي بلس بلس عشان كدا لازم نعرف الخوارزميات الاساسية لحل المسائل <<< وهادي مهمة مرررة

بالنسبة للكتب : عندها كتابين
1- Java for Students
2- C++: The Complete Reference

-----------------------------------------------------------------------
آخر مادة .....
# الثقافة الاسلامية المستوى الاول .... طبعاً
حندرس فيها أهمية الثقافة و مفهومها و مصادرها وعلاقتها بالثقافات الأخرى و ، و ، و أشياء زي كدا أتوقع انوا انتوا ملمين بالمنهج هدا منذ الصغر

------------------------------------------------------------------------


وأخيراً ...

أتمنى ادا احد عندوا ايى اضافة خصوصاً من الكبار ياليت تسمحوا لنا انوا ننهل من علمكم وتساعدونا في أول سنة لينا وان شاء الله يكون في موازيين حسناتكم وتتسهل دراستكم كمان


وبالتوفيق للجميع ....