بخصوص دفعه 10 ومن بعدها في حضور الدورات في الجامعه ( طالبات)

[ملكه ..]

المشاركة الأصلية كتبت بواسطة صدى الصوت احتــرم رايكم جميعاً . بس انتم ياطلاب وطالبات اللي ساكنين بجده عندكم الخيارات متعدده في مجال انكم تحضرون بالجامعه وفي مجال انكم تحضرون عن طريق السنترا . لكــــــن إحنا ياللي ساكنين برا جده مانعتمد الا على الله سبحانه وتعالى ثم على السنترا. السنترا ماشوف فيها شي ،،، بالعكس هذي ثاني سنه لي وانا استخدم نظام السنترا ولله الحمد افهم على شرح الاستاذات عن طريق السنترا واعرف منهم كل شي يخص الاختبارات ونظام اسئلتهم والحمدالله ماادخل الامتحان الا وانا عارفه شنو اللي لــي واللي علي . فأرجـــــــوا منكم على هذا الأستطــــــلاع انـــكم ماتحرمونا من ابسط حقوقنا بالجامعه اللي هي نظام السنترا. وتخلــــــونا مثل ماحنا عليه نظام سنترا ،،، واللي تبي تحضر محاضرات بالجامعه تتفضل على مقر الجامعه وتطلب تحويل انتظام او تستأذن من استاذه الماده بحاله انها مازالت انتساب وتدخل القاعه حالها حال البنات المنتظمات وتحضر المحاضره . وبالنسبــه للدروات التأهيليه / اللي يبي يحضرها بمقر الجامعه يحضرها واللي مايبي يحضرها مو إلـــزامي الحضور فيها. يعني بالمختصر المفيــــد / خلونا مثل ماحنــــا عليه ،،، اللي يبي نظام السنترا فهو موجود واللي يبي الدورات التأهيليه فهي ايضاً موجوده واللي يبي حضور للجامعه ،، يشد حيلــه ويرفع معدله ويحول إنتظام . وبالنسبه لي انا / انا من اشد المؤيدين لنظام السنترا ،،، لأني من خارج جده ومااقدر احضر لجده الا فقط بنهايه كل ترم . لو يلغــون نظام السنترا ،، انا وش اســوي ؟؟ اتفرج على الكتب وانا ماني فاهمه شي ؟؟ إذا كانت الخيارات لكم متعدده ،، فأحنا الخيارات عندنا ضيقه ومحدوده ــ مثل ماقلت لكم معتمدين على الله ثم على السنترا فقط . بالتوفيق لكم جميعاً.

شوفي عزيزتي انا احترم رأيك
بس اذا انت برا جده حنا وش ذنبنا هذي مشكلتك مو مشكلتنا
ومين قال انه عندنا خيارات بالعكس اللي قلتيه مو صحيح
وبالنسبه لسالفة التحويل للانتظام اكيد انك قرأتي الشروط وعرفتي انه بكليتنا
مافي تحويل واذا احنا مرتاحين بالانتساب ومانبي نحول نجبر انفسنا على دراسه خايسه
سموها سنترا عشان كم وحده برا جده بدل ماتقترحي علينا نحول ليه انت ماتحولي عن بعد
وبعدين حنا صوتنا عشان يخيرونا وكل واحد يختار اللي يبي
وبم انك سجلتي انتساب هذا يعني انك كنتي تقدري ع الحضور
عموما ان شاء الله يوصل صوتنا
بس نفسي اعرف اللي صوتوا ب لا وش قصدهم
اذا حنا طلبنا يكون سنترا وحضور بنفس الوقت
مدري استهبال والا ايش بالضبط