سناء عطاس مايكرووو

[0877]

السلام عليكم ورحمة الله وبركاتة
اليوم انصدمت صدمه عمري انا شعبتي ga
على اساس الاودس كاتبين انو نجاح الي تدي الماده
وتفاجانا كلنا انو سناء داخله علينا والله الي يشوفنا
مايقول الا ملطوشن كف من الصدمه.
الله يعين بس

انا ابغى اعرف كيف اسلوبها في الماده
وكيف طريقه الاسئله
ومن فين نذاكر لان قالت لنا من الكتاب
وماراح تعطينا السلايدات ياليت تساعدوني
وشكراا

[Noory =)]

انآآ نفسسس الحآله :(
بليزز بنآت اللي درست معآها تقول لنآ كيف اسألتهآآ
وكيف اسلوبهآ , والاسئله مقالي والا خيآرات ؟ :(

[Reenoa]

بنات بليز نبغى معلومات عنها اليوم
بصراحة محنا ناقصين ينزل المعدل :( :(

[Glucose ~]

انا برضه معاها

بس فشعبة db

والله البنات يقولو انها معقده الامور شويه وتدي هوم وورك كتير وتطلب بحوث
واسألتها يبغالها مزاكره مزبوطه

وفي وحده كاتبه انها مره ممتازه وكويسه وياناس عليها ..

لكن انتي سوي اللي عليكي كأنك ماتدري عن شي وانتي احكمي بنفسك احسن

اللهم زاكري كويس وشاركي معاها لأنها واضح انها تحب تدي العلم من قلبها .. ومخلصه فيه

هدا كل مافي الامر

وانا ما اشوف انو المزاكره من الكتاب مشكله .. بالعكس الكتاب يشرح اكتر وتفهمي انتي فين بالزبط موقعك ..

وربنا يسهل ونجيب a+ كلنا يارب

[Noory =)]

Glucose ~

يعطييك العآفيه ..
بس اذا هي تصعب الاسئله افضل لي احذفهآ واريح رآسي

بليييز بنآت اللي قد آخذت عندهآ وجربت اسألتهآآ تسساعدنآ :(

[جناان]

هدي شعبتي كمان سمعت انها تكره حقين الكيمياء الحيوي

انا ماحضرت اليوم ايش اعطتكم وايش قالت مهم واخدت حضور ولا لا

[الشيمآء]

^
يب أخدت حضور و غياب ..

أخدنا شي بسيط .. كلها أشياء نعرفها ..

الكتاب بيرسون ميكروبيولوجي .. ح يجي في الخوارزم الأسبوع الجاي إن شاء الله ..
ح يكون فيه أون لاين .. بس ما أعرف كم عليه :$
و ح يكون فيه بروجكت في اللاب عليه درجات كتير .. بين 20 لـ 25 درجة :/

بالنسبة للاختبارات .. دوري أول و ميد تيرم و فاينل .. بس ما قالت كم عليه ..

[إيـلاف]

انا اخذت معاها الترم اللي فات

ونفس الحاله اعطتنا السلايدات وفي نص الترم قالت خلاص معد تبغة تعطينا

بس مدام من الكتاب ترى هيا ماتقول كل شي في الكتاب

واهم شي في الحياه انو احنا على الفاينل اكتشفنا التست بنك اللي تجيب منو اسىلتها

نفس الاسئلة جابتها بالترتيب الاختيارات وكل شي انا حنزلكم هو وانتو لازم لازم لازم تذاكرو منو

احنا في الفاينل حلينا واحنا مغمضين جابت منه

[0877]

مرررررررره شكرااا ايلاف
الله يسعدك ياشيخه والله ريحتينا
يعني اسئلتها بس اختاري

[goga]

بنااااات الله يسعدكم ردوا عليا
انا اخد "فيروسات" مع زينب المديفر
انا ماكنت ابغا اسأل عنها عشان لا اسمع كلام احد بس
غصبا عني اليوم سمعت كلام بنات يقولوا انها مرااااااا تحب التعقيد
و اسألتها تجي مقالي و كتير بنات يرسبوا معاها
بالمقابل الي ياخدوا الماده مع سناء عطاس ينجحوا بال a+ لانها تجيب
اسألتها من التيست بانك ... وانا مراا محتاره معدلي في الارض
مو ناقص رسوب بماده ٣ ساعات
الي عندها اي معلومه الله يخيلكم ترد عليا .. بجد بنات انا محتاره
ومو عارفه ايش اسوي ؟؟؟؟ !!!!