* تصميم أزياء *

[(كبرياء)]

السلام عليكم ورحمة الله ...
أنا حبيت أخصص هذا الموضوع لطلبات المواد .
مثلا .. تقنيات الحياكة اش طلبت الاستاذة ... مبادئ التصميم .... وهكذا ....

[نظـــ تفائل ـــرة...]

حلو ماشاء الله،،،ان شاء الله اذا بدأت اداوم جيت هنا وسدحت الطلبات هنا ^^

[(كبرياء)]

طلبات أسس تصميم ......
- علبة مرسام HB - مسطرة - مساحة - كراس كانسون مقاس A3 - قلم أسود uni-ball مقاس 7 مل - شبلونة - ورق شفاف .. باقي اسم الكتاب اجيبه

[skip]

على كتر الطلبات المكافأة حتخلص:s

[نظـــ تفائل ـــرة...]

المشاركة الأصلية كتبت بواسطة (كبرياء) طلبات أسس تصميم ...... - علبة مرسام hb - مسطرة - مساحة - كراس كانسون مقاس a3 - قلم أسود uni-ball مقاس 7 مل - شبلونة - ورق شفاف .. باقي اسم الكتاب اجيبه

اسم الكتاب ياعسل{التصميم عناصره واسسه في الفن التشكيلي لي إسماعيل شوقي}<<<بعد اذنك يعني

[نظـــ تفائل ـــرة...]

مادة تقنيات الحياگهـ
أ.نسرين السليماني
اسم الكتاب/دراسات في الماكينات وأسس تنفيذ الملابس لي عليا العابدين<<حصلتوا في مكتبة البوادي النموذجيه

مقص(ورق+قماش+العراويه)-شريط قياس(المتر)-مارك(صابونه)-قلم اخذ العلامات-دبابيس(عاديه+الابي راسها لولو)-عجله-ابر(عاديه+تطريز)- أزارير بكل انواعها-مسطره-كشتبان-لضامه-طاره صغيره-كربون+شفاف A4-دفتر الورق الطبيعي زي الدفاتر الايكتبوا فيها للعرايس (*n_n*)-كبس/قسام الا تقولوا عنو بس يكون ابو ثلاثه

خيوط قطن+قطن بارليه (أحمر -ابيض-اسود)+شافروليه<<اذا ماغلط ياليت وحده تأكد
مكوى صغيره +شرشف صغير<<عشان نكوي عليه
قماش اما قطن او كتان (ابيض او بيج) لكن الاسهل للعمل عليه القطن <<الاستاذه قالت^^
مكينة خياطه يفضل انو يكون موجود فيها ع الاقل عشره غرز عشان يستفاد منها في المستويات القادمه
وماركات الماكينه الا اعطتنا هيا وقالت انها الأفضل ( جوكي - برذر -والتالته نسيت اسمها والله)

[kau_fanonh]

معليش حبيت اسالكم ايت مادة اسهل اسس تصميم ولا تقنيات حياكة ؟؟
عشان باخذها مادة حرة

[نظـــ تفائل ـــرة...]

اذا تمشي في الخياطه ادخلي تقنيات

واذا تمشي في الرسم الحر ودمج الالوان وزي كدا تقدري تاخدي اسس تصميم

بس في النهايه الاسهل يعتمد ع الدكتوره نفسها كيف بتعطيكي الماه نفسها


وبالتوفيق ...

[Om tote]

ياليت اللي درست اسس التصميم ،، مباديء التصميم الداخلي ،، علم المنسوجات ،، سيكولوجيا النسيج ،، تقنيات الحياكه ،، التصميم الزخرفي ،، المبادئ الفنيه للجرافيك ،، نسيج التريكو ،، خامات الديكور

تقولي معلومات بسيطه عنها وكل ماده قد ايش صعوبتها لأنو انا كنت مأجله سنتين وبنات دفعتي مادرسو دي المواد

[نظـــ تفائل ـــرة...]

المشاركة الأصلية كتبت بواسطة om tote ياليت اللي درست اسس التصميم ،، مباديء التصميم الداخلي ،، علم المنسوجات ،، سيكولوجيا النسيج ،، تقنيات الحياكه ،، التصميم الزخرفي ،، المبادئ الفنيه للجرافيك ،، نسيج التريكو ،، خامات الديكور تقولي معلومات بسيطه عنها وكل ماده قد ايش صعوبتها لأنو انا كنت مأجله سنتين وبنات دفعتي مادرسو دي المواد

طبعاً كل ماده اعطيكي موجز عنها يختلف عطائها من استاذه لااستاذه او دكتوره
اسس تصميم*
كانت في البدايه تعطينا اساسيات الرسم من تنقيط وخطوط وزي كدا بعدين بدانا في عمل تصاميم حره بمعنى اخر الرسم الحر وتستخدمي بس قلم الاسود للتلوين وفي النهايه تسوي تصميم كمان حر بس زياده تستخدمي علي خامات واذا حابه كمان الوان ...

علم المنسوجات *
الماده تتكلم عن الانسجه الطبيعه والصناعيه زي القطن والحرير ...الخ
في الجزء النظري طلبت مننا بحث شاامل عن اي نسيج سواء طبيعي او صناعي
في الجزء العملي كان تكتشفي نوع الانسجه عن طريق عدة اختبارات في معمل كيميا نسيج

مبادئ التصميم الداخلي*
هادي ماده تعلمك اساسيات تصميم ديكورات وغرف وطول السنه تختاري طراز معين تصممي ع اساسو الغرفه الاراح تعطيكي مساحتها الاستاذه ..

خامات ديكور*
المادة تتكلم عن الديكورات وزي كدا وتتعلمي فيها عمل مخدات ولحاف وستائر...الخ كلها تتعلق بديكور المنزل
واختبارها العملي الاستاذه تعطيكي خيارين بين. شيئين من الاشياء الادرستوها وانتي تختاري الانسب..

تقنيات حياكه *
هادي الماده تعلمك اساسيات في الخياطه وكيفية استخدام ادواتها من ابره وخيط الى ماكينه
وكمان تعطيكي غرز. بسيطه وبعض الزيادات زي عمل كسر وزي كدا..

نسيج التريكو*
طول الترم تستخدمي سنارتين وخيوط وعن طريقها تتعلمي عدة غرز وتسوي من هادي الغرز اعمال زي شنطه فستان حزام زي كدا واختبارها العملي تطبيق لبعض الغرز الااخذتيها طول الترم...


*المواد كلها فيها جزء نظري وتختبري في كمان ..

وبالتوفيق ياعسل :)