بخصوص تخصص اللغة الانجليزية ( عنوان مبهم تم تعديله )

[احمد السيف]

قبل شوي امي الله يطول بعمرها تدرس اختي الصغيره بالإبتدائي قرآن

حجرت عند كلمه ( نسيتها الكلمه ) بس كانت من اسهل الكلمات
والصغيره تصايح وتقول مستحيل مستحيل اقرأ

والله إنها عطتني همه وعزيمه على العلم , لأن يوم كنا صغار كنا نشوف الاملاء والقراءه كابوس مستحيل نقدر نكتب ونقرأ

إنتي الحين إخت دعوه , لو سألتك كيف تعلمتي كتابت وقراءة اللغه العربيه ؟ تقولين ما اذكر لكن سهله ماواجهتني صعوبه
وتأكدي أن اللغه العربيه اصعب من اللغه الإنجليزيه بمرات مضاعفه

اللغه الانجليزيه سهله وبسيطه وممتعه
ولها قواعد قليله وثابته

لاتفكرين انه شي سحري او شي متغير لايعرفه سواء ناس معينين
لا بالعكس مجرد حفظ القواعد

شوفي نتيجة تركيزك شهر واحد بس على الانقليزي
او مثل ماقالوا الاخوان الترم هذا , وقارني قبل وبعد الترم ,,,
راح تقولين ما ادري كيف تعلمت لكن ماواجهت صعوبه ,,
الإنسان يتعلم وهو ماحس ولايتذكر صعوبات أي علم
بل يتذكرها ويتحسر , يقول هذي كنت اشوفها عقبه ؟

انا اكلمك إذا كان حلمك انقليزي راح تحققينه
توكلي على ربك , وركزي على الانقليزي

اما إذا صار حلمك ثاني , تستطيعين ان تصبحين مدرسة انقليزي ولكن ليس حلمك

يعني مثل ماقالت الاخت جود


أسأل الله لك التوفيق في كل حياتك