"يـــالغـــــادر" (بقلمــــي)

[سكون الورد k.a.u]

-مناسبة القصيدهـ // وحده من صديقاتي من 4 سنوات تقريباً انخطبت وانكتب كتابها على واحد امدحوه الجميع .. صديقتي هذي انسانه قمه بكل شي ماشاء الله عليها نحسبها والله حسيبها ملتزمه وتحب خطيبها حيييييل لان فترة خطوبتهم طولت ومع الايام حبته،، المهم ، في ليله من الليالي حلمت بأن احد يقولها : فلان لايصلح لك ِ زوجاً !! ، طبعاً هي تعوذت من ابليس وطنشت وكانت تحسن النيه .. وبعد فتره ويتكرر عليها المنادي لكن بكلام ثاني :: رآآآقبي فلان وانظري بأخلاقه !!
سبحان الله البنت قلبها صار يعورها وقامت تدور حول نفسها وماهيبـ عارفه شتسوي ، استشارت اختها وقالت لها : ادعي الله انه يكشفه لك ِ ،، المهم وبعد شهرين من هذا الكلام .. صديقتي انقبلت بجامعة القصيم .. وانشغلت بدارستها ،، وتعرفت على بنات كثير الصالحه والطالحه ، وكانت تبتعد عن الشبه من البنات .. وفي يوم من الايام جاتها صاحبتها .. وقالت لها : انت ِ وش اسم خطيبك ؟؟ قالت لها : فلان بن فلان الفلاني
قالت : متأكده ؟؟؟ قالت : ايه شلون مااتأكد هذا خطيبي !! ، قالت : طيب خلاص عن اذنك .. راحت البنت وخويتي مره خافت من ردة فعل البنت وحست انه في شي .. اتصلت علي وقالت لي السالفه كلها ، قلت لها : خلاص انا بعزمها عندي ونسحبها بالكلام ونشوف وش عندها ،، وفعلاً عزمتهم اثنينهم وجلسنا وسولفنا وسحبتها باسلوبي وبطريقتي ووصيت خويتي انها تقول : انها تركت خطيبها لان اخلاقه سيئه ..
طبعا بس كذا كلام علشان البنت تأمن لنا .. قامت البنت وقالت لنا : ان فلان على علاقة محرمه وخلوه غير شرعيه من بنات كثير !!! وقعدت تطلع كل علومه وتقول عن سواياه اللي منتشره بين البنات اللي مالهن لاذمه ولاضمير ولادين ، اللي تآصل بهم الامور للمقابله والخلوه والعياذ بالله ،، صاحبتي انهارت من البكاء وثارت اعصابها ، وصارت تبكي وتندب حظها ،، اتصلت عليه وهي بعز انهيارها وطلبت الطلاق .

انا من الناس اللي مااكتب الا بالمناسبه يعني اذا تأثرت وتحركت مشاعري سبحان الله اكتب حزتها لكني موبـ مثل الباقيين ماشاء الله عليهم من قوة الهوايه يكتبون بأي وقت ولآي غرض ، وهذا وصفي لحال البنت ..

تجاهلت الاحاسيس اللي بداخلي مجبوره
وخمدت براكين الحب الثايره بدمــي

ونويت اعدم نفسي اللي بحبـه مسحوره
لجل انسى شخــص ٍ بغــرامه فتنـــي

لين سالت دموعي على خدي بغـــزوره
وانقطــع حبل الامل مع الود عنــدي

وطاحت جذور الحنايا بالياس معصوره
وانطفا شمــع الأمـل من كبر همـــي

كنت اعتب على القمر لاتوارى نـوره
ماودي لحظة يغيب النور عنــي

ماهقيت اني بترك هالحب وشعــــوره
لين سيوف الغــدر بقلبي اطعننـــي

ليه يالغادر نسيت الغرام وعــهوده
سلبت العقل والحب مع الثقه منـــي

ابدعت بعذابي وانا اللي بك مأسوره
وآآآه حسافة على قلب ٍ بالندم مِكَني

صحيح اني بغدرك يشهد الله مقهـــوره
ماودي اذكر خداعك اللي وشمنـــــي

عهد ٍعلي وانا بالله ثم بالعهد منصوره
لأنسى غــرامــك اللي جرى بدمـــــي

وسلامتكم ..

[gold king]

nice words
مشكورة على الطرح

[موفقة يارب]

.. يـآآ حيـآآتي عليها

.. الله يعوضهـآآ خير و يسعد قلبهـآآ يـآآرب

.. مـآآشا الله عليكِ يـآ سكون ..

بجد عجبتني كلمـآآتك

.. الله يعطيكِ العـآآفية يـآآ قمر

[عـالي مستواه]

مبدعة .... مبدعة .... مبدعة

.... دائماً الكتابة عند المواقف تكون أصدق إحساس ...

عند قرائتي لها ... أحسست اني قرأتها قبل ذلك ... فلا يمكن أن تمر علي قصيدة مثل هذه وأنساها

فوجدتها أخيراً .... في أحد المنتديات الثقافية التي كنت أكتب بها ...

وكانت القصيدة مسجلة بإسم (( سكون الورد )) ووجدت تعليقي عليها

سأبحث عن هذا الإسم .... حتى أعيش لحظات كهذه

[O-DODY-O]

اصلاً كل الريجال الصايعين ما يدورو الا احسن البنات ويخطبوهم

الله لا يوفقهم

مررررره حلوه خيتو

[tota7]

مره مؤثره صراحه
ماشاء الله تبارك الرحمن سكون
أبدعت بكتابتك
احساسك جدا رائع
يعطيك العافيه ياعسوله
دمتِ بسعاده

[Brilliant Shores]

ماشاالله تبارك الله عليكي ياسكووون


حسك الأدبي رآآآقي الله يحميكي


الله يوفقك ياقلبي ويسعدك ،،،

[موت اهواك]

؛؛ مــآ شــآآء آلله عــليــكِ .. أإبــدعتــي وربـــي ؛؛

؛؛ شكـــرآ لــكِ عــلى هـــذهـ آلآبيــآآآت آلــرآآئــعـــه .. وعــوض آلله صــديقتك خيــرآ ؛؛

؛؛ أستمتــعنــآ بـ قلمــكِ كثــيرآ ؛؛

؛؛ دمــــتـــي ؛؛

[مشعل العجمي]

يعطيك العافيه سكون
ابيات جميله جداً

بس عاد خلي صديقتك تتأكد لا يكون الرجال مظلوم

تحياتي

[سكون الورد k.a.u]

المشاركة الأصلية كتبت بواسطة gold king nice words مشكورة على الطرح

اللطيف والرائع هو وجودك
العفوو ، وياهلااااا بك ، نورت