تنبيه بخصوص مادة الاقتصاد الكلي econ 102

[أبو فاتن]

السلام عليكم ورحمة الله وبركاتة




اخواني الأفاضل أمس كلمني أحد الشباب وقال نبه الطلاب بالمنتدى والله على ما أقول شهيد ( يعني أنا ناقل حباً لكم فقط لا غير والشكر كل الشكر لاخوانا الفاضل .. والعهدة على الراوي )


يقول أمس كانت فيه محاضرة بالدورة التأهيلية لمادة الاقتصاد الكلي وأثناء شرح الدكتور طمر واحد ملقوف من الطلاب وأعطى الدكتور نموذج أسئلة للترم الماضي ( عاد ما أدري هل هي حقت الترم الصيفي أو

الترم الثاني ) بصراحة ما أدري العالم هذي شلون تفكر ما أتوقع فيه ناس الحسد مالي قلوبها والغباء مكتنف عقولها إلى هذه الدرجة ولكن مانقول غير .. سبحان مسير الضعفاء بهذا الكون

عموماً الدكتور تفاجأ وعصب وقاله هذي شلون ومن وين جبتها

قال له الطالب منتشرة بكل المنتدى


قال الدكتور آهاااااا أجل هين .. وراح تتغير الأسئلة ونشوف الموضوع


الجميل في الموضوع إنه بعض الطلاب كانوا ناوين يحشرون هالملقوف بعد المحاضرة حشرة القطو ويعلمونه أصول الدوفرة المصطنعة بس الله سلمه ههههههههههههههه



عشان كذا يا شباب اللي عنده هالمادة يحاول إنه يركز فيها ولا يحاول يعتمد على النموذج المذكور بشكل كبير يعني خلوه للمراجعة فقط

تمنياتي لكم بالتوفيق والنجاح

[mare5421]

حسبنا الله ونعم الوكيل
يعني مالقى الا الإقتصاد الكلي يوريه الله يسامحه ويهديه ويصلحه بس والله يابو فاتن فيه ناس ودك ,,,,,,, لكن وش نقول عموما بيض وجهك ووجه خويك اللي وصلك الخبر هذا وإن شاء الله الدكتور ما ياخذها بشكل سلبي علينا ويقحمنا بأسئلة تعجيزية لكن الله يسامح خوينا اللي فضحنا مسوي فيها صديق الدكتور اجل

[أبو فاتن]

المشاركة الأصلية كتبت بواسطة mare5421 حسبنا الله ونعم الوكيل يعني مالقى الا الإقتصاد الكلي يوريه الله يسامحه ويهديه ويصلحه بس والله يابو فاتن فيه ناس ودك ,,,,,,, لكن وش نقول عموما بيض وجهك ووجه خويك اللي وصلك الخبر هذا وإن شاء الله الدكتور ما ياخذها بشكل سلبي علينا ويقحمنا بأسئلة تعجيزية لكن الله يسامح خوينا اللي فضحنا مسوي فيها صديق الدكتور اجل

صديق الدكتور ههههههههههههههههههههه


عموماً الله يكتب لكم اللي فيه خير يارب وترى المادة مو بذيك الصعوبة 80% منها نظري وحتى العملي فيها مقبول ومهضوم

ويمكن هالشيئ راح يكون دافع لكل طالب عنده هالمادة إنه يجد ويجتهد ويجب أعلى الدرجات إن شاء الله



والله يوفقكم

[ابو عبدالهادي]

المشاركة الأصلية كتبت بواسطة mare5421 حسبنا الله ونعم الوكيل يعني مالقى الا الإقتصاد الكلي يوريه الله يسامحه ويهديه ويصلحه بس والله يابو فاتن فيه ناس ودك ,,,,,,, لكن وش نقول عموما بيض وجهك ووجه خويك اللي وصلك الخبر هذا وإن شاء الله الدكتور ما ياخذها بشكل سلبي علينا ويقحمنا بأسئلة تعجيزية لكن الله يسامح خوينا اللي فضحنا مسوي فيها صديق الدكتور اجل

هههههه الحمدالله الي مااضفتها
المادة هذي ماراح اضيفها الى مايتخرج هالملقوف

[العلم نور والجهل ضلام]

الله لايعطيه عافيه هذا اماحسود عظيم او غبي عظيم

[خلف]

الله يهديه هذا الطالب،، المفروض انه ما يسئاله نهائياً عن موضوع الاسئلة اذا عنده شي يسئاله عن الملخص والتحديد،، ولكن نقول الله يجيب اللي فيه خير لانه عندي هذه الماده هذا الترم

والف الف شكر اخوي ابو فاتن على هذا التنبيه...........

[خالد الخالدي1]

حسود وهو حاضر الدورة لاوالله
إلا الغباء كله فيه

[d7om_1]

متقصدني هالملقوف أجل مسوي مع الدكتور ما صديقنا إلا أنّا
أخ عليه بس
ياجعله ......
وابو بندر1 الله يجزاه خير تعبان على النموذج وأنا فرحان فيه قلت يمكن يكون الأختبار نسخه منه
لكن مثل ما تفضلت يابو فاتن الواحد كذا ولا كذا لازم يفهم الماده زين ويخلي النموذج حق مراجعه
أشكرك يابو فاتن
والله يجزاك خير

[أبو فاتن]

المشاركة الأصلية كتبت بواسطة العلم نور والجهل ضلام الله لايعطيه عافيه هذا اماحسود عظيم او غبي عظيم

هههههههههههههههههههههههه


الثنتين الله يسلمك

[أبو فاتن]

المشاركة الأصلية كتبت بواسطة خلف الله يهديه هذا الطالب،، المفروض انه ما يسئاله نهائياً عن موضوع الاسئلة اذا عنده شي يسئاله عن الملخص والتحديد،، ولكن نقول الله يجيب اللي فيه خير لانه عندي هذه الماده هذا الترم والف الف شكر اخوي ابو فاتن على هذا التنبيه...........

اي والله الله يكتب اللي فيه الخير ( وعسى أن تكرهوا شيئاً وهو خير لكم )

وشد حيلك وأنا أخوك وأتكل على الله وما خاب منهو ترجى الواحد القهار


الله يوفقكم يارب