بخصوص مخالفات لبس البنطلون ..!

[{halah..]

ميمو 99

ايشمعنا كدا منجد الدونيا حظوظ

ولا مرا ولا وحدا كدا افتكري

الموهم

يا Hoofa

السنا اللي فاتت كتبت تعهدات كتير مو عشين لبسي غلط
بس اغلب بلايزي فتحاتها كبيرا واكون متكيا ونازلا البلوزا حبتين
ووحدا من الامن الصداع تمر

ويلا تعالي تعهد

الزبدا

محد قلي شي وماسرلي شي هيا التعهدات اتوقع زي نضام المتوسط
يبغو يخوفونا بيها

ماتعتلي هم يابطا

[عذبة الرووح]

مــــــــــــــــره قويه

انا خالفت 3 مرات الرابعه سحبوو بطاقتي وانهنت لحد ماعطوني اياها

توووووووووووووووووبه مااخالف ثاني

[student kau]

لا عادي انا البس بنطلون وبلوزة طويله محد كلمني وسألت قالو عادي

[RHF]

ممممممم

ترا مع نفسهم

اول كانو مشغولين بجوالات الكاميرا ،

بعدين طنشو الجوالات و انشغلو بالتنانير القصيرة ،

دحين سار اهم شي تنورة تحت الركبة و انشغلو بالبنطلونات هههههههههه

كل مرة يطلعو بحاجة جديدة

//

المهم

انا كل مرة البس بنطلون يكلموني على حاجة معينة

مرة قالولي يا طالبة طولي بلوزتك ،

قولتلهم طيب :( حسبت دي البلوزة طويلة :(
قوليلي تبيني البس بلوزة قد ايه طولها :(


//

مرة مسكوني وانا خارجة من الجامعة

قالت لي يا طالبة بلوزتك قصيرة وانتي شكلك بنت محترمة



قولتلها :( انا لابسة جاكيت طويل مرة و حاطتو في الشنطة عشاني خارجة :(
مرة سوري :(

//

وكمان مرة خلاص كانت كفشة تايم ،، اول ما كلمتني حقت الشؤون
سرت اضحك < حسيت نفسي ورطت

قولتلها : يعني هو كل ما اروح مكان انمسك :(
خلاص في وحدة اخدت بطاقتي :( وكتبتني مخالفة :(
خليني امشي بالبنطلون :(
قيدي اخدت المخالفة خلاص

<< كدابة

//

وفي مرة كنت لابسة بلوزة طوووووووووووووويلة من جد طويلة
قامت جات حقت الشؤون تقولي بنطلونك ضيق ؟؟

//

رضا الشؤون غاية لا تدرك

مهما لبستي حتتمسكي ، بنطلون واسع ، بلوزة ططويلة ،

اي حاجة المهم انها لو عدت من قدامك لازم تكلمك

وعلى فكرة انا تقريبن بشكل شبه يومي يكلموني الشؤون لازم يرمولك كلمة

يا طالبة البسي بنطلون واسع ، يا طالبة طولي بلوزتك

هههههههههه

وانتي قوي قلبك وصفي النية وكلو حيكون تمام

[Astronomer]

^^^^^^

ههههههههههههه

الله يعينك


انا مرة لبست تنورة مو مرة قصيرة يعني نص الساق

بس كنت لابسة تحتها بنطلون استرتش الى حد التنورة

قالت لي ياطالبة لما تمشي باين كل شي !!!!

خبله قسم بالله انها خبلة بس تبغى تقول لي اي شي عشان ترضي فضولها اللا عقلي