كافتيريا رابيس اللي بكلية العلوم

[زهور العشب]

مساء الخير على الجميع طبعا زي ما شفتوا الموضوع يتكلم عن كافتيريا رابيس اللي بكلية العلوم
وانا مافكرت انزل موضوع عنها الا لانه بجد طفح الكيل
تصدقون اني اليوم اكلت من عندهم مرتين لأن دوامي كان طويل
وفي المرتين هذي لقيت في الفطيرة عيدان خشب>>>شوفوا الصدفة
ايش رأيكم؟
والله العظيم اني الاسبوع الماضي شايفة الصينية الكبيرة اللي يحطون فيها البيتزا مكشوفة والذباب يجي على البيتزا والبنات مساكين يشترون وياكلون ماهم دارين باللي كان عليها من شوي
بالله عليكم يرضي مين الحال هذا؟
يعني مستحملين الاسعار الجنونية واللطعة بالساعات على ما يجيبون الطلب والاكل اللي بعضه ماهو مستوي (بالعربي عجينة) وآخرتها ذباب وخشب ؟!!!!!!!!!!!!!!!!!!!
وعشان ما اكون ظالمة انا مااعرف اذا كانت بقية كافتيريات رابيس اللي بالجامعة على نفس المستوى من الاهمال وقلة النظافة او لا انا اتكلم عن الكافتيريا اللي بالعلوم
وشي ثاني حابة اتكلم عنه هو المبالغة في الاسعار في كل شي بالجامعة من كافتيريات ومكتبات وحتى الالات احيانا يبيعون الشي بضعف سعره بصراحة اموت واعرف السر هل هو استغلال للطلاب و الطالبات لأن عندهم مكافآت ولا ايش بالضبط؟
حتى الحجات اللي يبيعون برا عند مدخل الجامعة ركبوا الموجة وصاروا يرفعون الاسعار>>>ههههههههههه
اتمنى اشوف تفاعلكم
وشكرا لكم مقدما

[مربط الجن]

سلااااام

عزيزتي زهور العشب .. لقد سردتي عدة ظواهر في هذا الموضوع وبكل صراحة جميع ماذكرتيه يحتاج لحاجة من الوقت للتفرغ والاستطراد فيه من جميع نواحيه , لذلك سأكتفي بإيجاز هذه الظواهر من وجهة نظر شخصيّة

أختي .. في البداية أحب أن أنوّه لإرتفاع الاسعار لسببين لاثالث لهما

اولهما : ارتفاع قيمة إيجار الموقع .
بمعنى أن الجامعة تؤجر موقع هذه الكافتيريا أو المكتبة بسعرٍ باهظ مما يؤدي إلى ارتفاع مصروفات تلك الكافتيريا مما يؤدي إلى ارتفاع التكاليف وادخالها ضمن السعر النهائي لأي منتج لتغطية هذه التكاليف ولكي ينتج لمالك هذا المتجر ( ربح ) وليس خسارة .

أمّا السبب الثاني : قد يكون استغلال قاسي من قبل هؤلاء التجّار لأوضاع الطلبة واحتياجاتهم الضرورية واحتكارهم لتلك المواقع .


أما ما ذكرتيه من سوء الاغذية فهذا يرجع إلى إهمال الرقابة على هؤلاء ويجب عليكن كطالبات أكاديميات برفع شكوى للعمادة لكي يتم النظر بالموضوع .. العمادة ليست شمس شارقة على جميع مايحصل فيها ولذلك يستوجب في بعض الاوقات ان يشتغل عندكن عنصر الدبوس << ( الدبوس = لفظٌ كان يطلق للجواسيس بالفصول ايام المراحل الثانوية )

[زهور العشب]

مشكور اخوي مربط الجن على تفاعلك
بالنسبة لما ذكرته من اسباب لأرتفاع الاسعار أعتقد ان كلامك منطقي بدرجة كبيرة لكن الامر لايخلو من الاستغلال والجشع لأنه صاير موضة هالايام حتى ان بعض الاستاذات كانوا ينصحونا اننا نشتري الكتب من برا الجامعة
اما بالنسبة للدبابيس (ضحكتني اضحك الله سنك) فأنا اقترح على جميع الدبابيس قصدي الطالبات بالجامعة اننا نتحد ونصير دبوس واحد كبير قصدي ايد واحدة ونوصل الموضوع لادارة الجامعة عشان يحطون حد لهذي المهزلة

[حلا*و*غلا]

حتى لووصل محد راح يسمعكم
مجربينها من قبل
اختي جيبيلك اكل من البيت وريحي نفسك
انا عن نفسي الكافتريا الي في مبنى العلوم ماطيقها
الله يعين

[A.r.s]

انا اذا جعت اطلع برى الجامعة افطر واجي لأن صراحة مافي كافتيريا زي الناس
الا الي في مبنى 30 او كافتريا الثمرات ا الي جنب المستشفى
اما بالنسبة للبنات الله يعينكم جيبو اكلكم من البيت

[Astronomer]

اللي يفقع قلبي انهم بطييئات جدا جدا جدا نفسسسي اتضارب معاهم عشان يعرفون ان الله حق

يقعدون يتكلمون مع بعض والبنات ينتظرون مايدرون اننا ورانا محاضرات فاضية انا لوجيهكم استناكم

وياليت على اكل صاحي اللهم لك الحمد

مثل ماقلتم بسوي لي اكل من البيت انظف واطعم


مااقدر اقول الا ياحظ الاولاد بكل شيييي

[زهور العشب]

حلا وغلا ممكن توضحين كيف يعني مجربينها من قبل يعني وش سويتوا؟
A.r.s الله يصلحك على الفيس اللي حطيته قهرتني فوق ما انا مقهورة >>ههههههههههه
استرونومير تصدقين احيانا يكون عندي بريك ساعة كاملة تروح كلها انتظار ولا يبقالي منها ولا خمس دقايق افطر فيها واحيانا اتأخر على المحاضرة ما اقول الا الله يعين بس

بس انتم اتفقتوا على نقطة مهمة وهي اني اجيب اكل من البيت والظاهر هذا اللي راح يصير

[برآءة حروف]

وي وي

وانا كل مارحت الجامعة اروح لكافتريا العلوم .. ومرات لرابيس (الاستراحة المركزية)
اجل ببطل

مع انو البيتزا مليانة زيت .. بس كنت امشي حالي من الجوع

اهئ
قرفتيني الله يصلحك .. دُبان مرررة وحدة

اللهم لك الحمد

^^

[زهور العشب]

المشاركة الأصلية كتبت بواسطة برآءة حروف; وي وي[/center وانا كل مارحت الجامعة اروح لكافتريا العلوم .. ومرات لرابيس (الاستراحة المركزية) اجل ببطل مع انو البيتزا مليانة زيت .. بس كنت امشي حالي من الجوع اهئ قرفتيني الله يصلحك .. دُبان مرررة وحدة اللهم لك الحمد ^^

لاتستغربين حكاية الذباب لأن مستوى النظافة في الكلية بكبرها زفت فشي طبيعي ان هذا ينعكس على الكافتيريا الموجودة فيها
كم مرة جاني غثيان على الصبح بسبب المناظر المقرفة اللي اشوفها في دورات المياه (اكرمكم الله) وعند المغاسل واللي لو اسردها لك راح تنسد نفسك مو بس عن الاكل الاعن الدراسة وطاريها
وانا بصراحة كنت اسمع عن الكافتيريا وقلة النظافة فيها ولا صدقت الا لما شفت بعيني وحسيت انه من واجبي اني انبه باقي البنات
شاكرة لك مرورك وتفاعلك يا عسل

[اداب]

مادام انو في بنات يشترو منهم ماراح يتغير شي ..........