ما هو الافضل عشان انزله في الصيف؟؟؟

[relax]

السلام عليكم ورحمة الله وبركاته

شباب طبعا انا كلمتكم على جدولي اول

على اساس انه اجباري احذف الفيزيا حذفها وحطيت لغه عربيه

وانا ابغا اتخلص من الفيزيا والرسم الهندسي هذي السنة إن شاء الله

بس لما جيت احسبها ما تجي . لانه الترم الثاني بيكون عندي انقلش وما اقدر انزلهم الاثنين سوا

فاحنزل الفيزيا مثلا الترم القادم . واخلي الرسم الهندسي في الصيف

ولا افضل العكس؟

وسمعت انهم يقولو مافي رسم هندسي في الصيف عشان مافي عدد

ياريت تفيدوني

تحياتي لكم

ريلاكس

[أبو فيصل]

فيزياء 102 أخذتها صيفي بصراحة متعة و خفيفة

بس لاتنزلها لحالها

نصيحة إذا أخذت صيفي خذ 9 ساعات

يعني خذ ثقافة و ما ثكاد

عشان ترتاح قدام في الجدول

[AbO FahaD]

وين 9 ساعات ابوفيصل
حبه حبه عالرجال تبي تدمره انت
الرسم ماينزل في الصيف
بعدين الرسم المفرووض ماتشيل همه ابدا
لان مافيه مذاكره يعني لو نزلته مع مواد صعبه ماراح يأثر عليك

[triples]

عزيزي ريلاكس

انا بنصحك من حكم خبره

لاني في السنه الاخيره في الهندسه

خذ الفيزياء في الصيف ومعاها ثقافه

لانه الرسم ماينزل في الصيف


تحياتي

[خالد]

الصراحة شوف أهم شي أنت وقدراتك وأنت وأجتهادك

لأن الصيفي يكون فصل صغير ومضغوط

يعني ساعات الأتصال - ساعات الدراسة في الأسبوع - تكون الضعف
المادة اللي تكون محاضرتين وكل محاضرة ساعتين في الصيف تكون اربع محاضرات وساعتين
هذي نقطة أولى

والنقطة الثانية شوف انت قدراتك أش تقدر تنجز
أول صيفي أخذت ثقافة وعربي وثاني صيفي أخذت مقاومة المواد وثالث صيفي ماثكاد وستات

أهم شي أنك تفتح الخطة حقتك وتشوف المواد اللي راح تفتح لك مواد ثانية تركز عليها

وأعتقد الفيزياء 102 مهمة برضو ماجربتها صيفي
بس 6 ساعات حلوة في الصيف

والمواد العامة اللي تفتح لك مواد في التخصص حاول تدرس امكانيتها

[أبو فيصل]

حبيب قلبي بيني و بينك

ههههههههههه

كأننا في المجلس ما حنا بالنت



يعني فيزياء و ثقافة و ماثكاد يعتبر خفيف و لذيذ و 9 ساعات

وتقريباً 45 نقطة تضاف إلى الرصيد

الفيزياء 102 زي 101

ما جبت جديد

زيها من ناحية المذاكرة يعني ملخص أشرف بركات يكفي

و الماثكاد أتفه مادة

بشهادة واحد ما عندك أحد

أول حرف في اسمه أبو فهد

و الثقافة خذها عشان تكمل 9 ساعات و تسمع الكلام مني و ترضيني

ولا مصيرك زي الحبيب خالد كل سنه صيفي وقعده في جده

هــالــ 9 ساعات تعطيك دفعة للأمام قوية جداً

بس حاول تبعد عن دوام الصباح بدري














بعدين مو كأنه بدري على الصيفي الله يصلحنا و ياك

[relax]

ههههههههههههههههههههههههههههههههههههههه


يعطيكم الف عافيه حايبي

مشكورين ما قصرتوو

والله الواحد ما وده ياخذ الصيف بس وش نسوي .. نبغا الفكه

وبعدين 9 مو كأنه دوام رسمي ما صار صيف

على العموم ترا الفكره بدأت تدخل راسي وإن شاء الله ارسملها خطه من بدايه الترم الثاني لاني مخطط

انزل الترم القادم الرسم الهندسي والانقلش 2 واي مادتين

وإن شاء الله ابذل كل مافي وسعي

وانتو والله ما قصرتو معايا الله يعطيكم العافيه ويوفقكم جميعا

تحياتي لكم

( شباب الي عنده فكره عن الاستاتك يعطيني الفكره ) لاني منزلها متأخر وفاتتني 3 محاضرات ولما جيت اذاكرها

ضربت الفيوز في راسي

ياريت الي عنده خبره لا يبخل علينا >>>>>>>>> لسى دوبه غشيم

تحياتي لكم