وش رايكم في اختبار بحوث العمليات bus 322

[J o O o K i]

انا اللي هبل فيني المراقب .. استلمت الاسئلة وحليت الصح والخطأ شوي اشوف السمبلكس .. قلت في نفسي وين الجدول .. يالله نرسم الجدول دام اني حافظه ولله الحمد .. الا وشوي المراقب يقول عدا نصف الوقت .. قلت وش به ذا قام يخبص .. تركت السمبلكس ويالله على سؤال النقل ادنى تكلفة وطريقة فوجل اشوف انه في لخبطه .. قلت اتركه ونروح حق شبكات الاعمال المسار الحرج واسلوب بيرت اللي من ضمنها الوقت المبكر والوقت المتأخر وخلصتها الا شوي باقي ربع ساعة .. قلت في نفسي لا حول ولا قوة الا بالله نرجع لحق النقل خلصت واخر شي السمبلكس .. الا اتفاجئ انه في سؤال خارج نطاق التغطية .. وش مفهومك لبحوث العمليات .. هذا الفت فيه تأليف لاني ما ادري عنه .. ولا احد جاب طاريه لا الدكتور ولا احد .. لا حول ولا قوة إلا بالله ..
مراقب غريب لاحد ياكل لبان ولا فصفص الا وش دخله في اللبان والفصفص هذي حرية شخصية .. يمكن ما احل الا بالفصفص خخخخخخخخخخخخـ

المفيد الوقت كان ضيق كالعادة في المواد العملية مثلها مثل المحاسبة والتحليل الكمي ومالية شركات .. مدري اخاف اجيب درجة شينه .. الله يستر

لا خرجت ادور على السيارة نصف ساعة مدري وين وقفتها .. اثاري المادة هبلت فيني

[Saad M Subeiy]

اول ياشباب الاسئلة والله ماهي صعبة بسيطة بس عندي ملاحظات
اولاً مدري وش يحس فيه اللي حط الاسئلة لاني اجزم ان فيها اغلاااط كثيررة
وثانياً عامل الوقت مايساعد نهائياً اقل شي السؤال الاخير لاتجيب لنا الاوقات المبكرة والمتاخرة لانك بترجع تطلع وقت كل مسار لحاله وتطول

بالنسبة للنماذج يا ابطااال انا نموذج ب والسؤال حق الصح والخطا انا حطيتها كلها خطا

لكن املنا ليس في زيد ولا عبيد ولا كاسر ولا غيره

املنا في الله سبحانه وتعالى

فالكم النجاح يارب

[ابوفصولي]

المشاركة الأصلية كتبت بواسطة saad m subeiy اول ياشباب الاسئلة والله ماهي صعبة بسيطة بس عندي ملاحظات اولاً مدري وش يحس فيه اللي حط الاسئلة لاني اجزم ان فيها اغلاااط كثيررة وثانياً عامل الوقت مايساعد نهائياً اقل شي السؤال الاخير لاتجيب لنا الاوقات المبكرة والمتاخرة لانك بترجع تطلع وقت كل مسار لحاله وتطول بالنسبة للنماذج يا ابطااال انا نموذج ب والسؤال حق الصح والخطا انا حطيتها كلها خطا لكن املنا ليس في زيد ولا عبيد ولا كاسر ولا غيره املنا في الله سبحانه وتعالى فالكم النجاح يارب

ميه ميه ياكابتن انا نفس نموذج وصح وخطا طلعت كلها خطا عندي والله يوفق الجميع

[أسير الذكرى]

الأسئلة فيها خبث وحقد دفين ليس فقط على الطلاب المنتسبين ولكن على العرق البشري بأكمله من أبونا آدم إلى يومنا هذا ،

حسبي الله ونعم الوكيل ، الاسئلة صعبه جدااا والوقت قصير جدااا وهنالك مواضيع كثيره متوسطة الصعوبة لم يتطرق لها الدكتور لامن قريب ولا من بعيد مع أنها من مواطن الأسئلة في كثير من الإمتحانات السابقة ،

لا أعلم ماهو سبب تجنب هذا الدكتور لكثير من الأبواب المطلوبة في المفردات ؟؟؟



هل يعقل انه يوجد بابين من المقرر ولا سؤال عليهم ... باب القرارات في حالة عدم التأكد
وباب تحليل سلاسل ماركوف .

؟؟؟؟؟



أرجووووووووووووكم لاتسكتون على هالمهزله ودعونا نتكاتف إيجاد حل لايقاف ارتكاب جرائم العنف ضد الانسانيه وخصوصا الطلاب المنتسبين

فما يحدث في الدول العربيه الأخرى من الربيع العربي يشاهد بالعين أمام جميع الناس ،
وما يحدث في قاعات جامعة الملك عبدالعزيز لطلاب الانتساب أدهى وأمر من مايحدث في أزقة درعا وحمص ولا يشعر بها إلا من حضر اختبار بحوث العمليات هذا اليوم ،،

الشعب يريد حل لاختبار مادة بحوث العملياااااااااات .

[أمير القلوب]

حيا الله الشباب .. موفقين يارب

هي ثلاثة مشاكل واجهتنا اليوم :
أولها : وهو المعضلة أكثر من الوقت اللي هو الفصفص والبان <~ ما أدري وش يحس فيهـ المراقب اليوم
وثانيها : الوقت ( نبي الجامعة ترحم هـ المنتسبين وتراعي ظرفهم من ناحية الوقت )
ثلاثها : لخبطة الأسئلة وعامل ضيق الوقت سبب ربكة للكثير والحمدلله أنو الشباب كانوا حسبين ولا راحت علينا ربع ساعة ..

وسلامتكم ،،
فالكم التوفيق يارب ||~

[tal3at]

الأسئلة متوسطة بس الوقت مايسعفك تفكر او تراجع
والمشكلة فالخطئين الموجودين بالسؤال الثالث تقريبا حق المخزون نموذج ب حاستني وضيعت وقت كثير فيها
لكن الله المستعان

[شهـاب]

الاسئله متوسطه
ودايم المشكله بالوقت
وفي سؤال على ماعتقد غلط
نسيت كم رقمه اغلب ارقام ومافيه خيار ان الاجابه خاطئه
يارب ننجح ونتخرج
هالترم جداً صعب محاسبه102 واقتصاد وبحوث عمليات واخر يوم ماده حره
الله يوفقنا وياكم

[البدر_15]

الله كريم ..

[kald]

بالتوفيق يا شباب

كلمة حق الاسئلة كانت واضحت واغلبها نفس النموذج اللي بالمنتدى .... يعني لو اننا ذاكرنا هالاسئلة وعرفنا طريقة حلها راح نجيب درجات حلوة ...... بس الحمد لله على كل حال

وكمان اهم قضية الوقت مرة ضيق.....

املنا في الله سبحانة

[ابوميعاد5096]

ياشباب فعلا الاسئله فيها اغلاط بس مع عامل الوقت الي مشى بسرعه ما انتبهنا للغلط بالنسبه لي الحمد لله حليت معظم الاسئله ولكن الوقت كان فعلا قصير يعني مايمديك تراجع اذا عندك غلط تصححه وهذا ماحصل معي

اولا ماانتبهت للسؤال للمقالي وثاني شي مع الاستعجال نسيت بعض الاشياء البسيطه لكنها عند الشعيبي مصيبه

يالله الحمد لله رب العالمين