انطباعكم عن اختبار تخطيط استراتيجي

[الشمري9999]

والله الصراحه انا لم اذاكر الماده بسبب ظروفي الطارئه ولكن جالست جنب واحد وماقصر الذيب ضبط اموري الله يوفقه ولا ادعي له من كل قلبي وبيض الله وجه

[خالد المالكي]

ان شاءالله اذا رجعت الرياض انزلها لكم

[ابو ريناد 2]

المشاركة الأصلية كتبت بواسطة خالد المالكي ان شاءالله اذا رجعت الرياض انزلها لكم

توصل بالسلامة
بانتضارك

[على بركة الله]

السلام عليكم و رحمه الله و بركاته
في البدايه اتمنا ان الدكتور يقرا كلامنا هذا ( حسبي الله و نعم الوكيل )
اعتقد انو ما في احد ذاكر مثلي و اقسم بالله لدرجه أني حسيت أني احضر الدكتوراه في الماده

بالنسبه للماده لايوجد لها كتاب و كلمت الدكتور بنفسي و الله على ما اقول شهيد و قالي يا ابني بتحصلها في الخوارزم قلت ما علينا و اروح الخوارزم و القى المذكره عباره عن بويربوينت و الي عندي تفسها بس الاخ الي منزلها منزلها وورد
ذاكرت الى اخر درجه و توقعت أني اجيب اعلى درجه
بس اقسم بالله انها اخر مره أخذها عنده ابو شكيم هو و المزجاجي
الاسئله مررررررره صعبه و معقده
أنا الي قاهرني الجامعه ماتقدر تجيب دكاتره سعوديين
وين السعوده في الجامعات

اهييييييييييب يا وجه الروابده
يا حليله توه جاي الجامعه و متحمس يحسب الدكتور الي بيحط اسئله صعبه بيصير وزير مايدري انه ابو شكيم
حسبي الله و نعم الوكيل حسبي الله و نعم الوكيل

[أغدا ألقاكــ]

الماده نفسها صعبه ومدري كيف تنقري

يارب اعدي بس والجميع

[خالد المالكي]

ابو ريناد الله يسلمك
بالنسبه للشباب الي بياخذ الماده السمستر الجاي بخلي الاسئله بوقتها لهم
واقولكم لا تستعجلون
يمقن انزل الاسئله الحين والروابده يفرفر هنا وهناك ويغير
ان شاءالله ما راح ابخل عليكم بالاسئله
والسمستر الجاي اذا رلي احيانا بكون متابع وداعم لكم
ان شاء الله اعدي الماده هذي والله يستر
ولا انسى اخواني الطلاب الي اختبرو هذا السمستر
وفي الختام تقبلو تحياتي واعتذر للشباب الي ع الخاص ولي رجعه لهم بأذن الله

[H-nurse]

بالنسبة للأسئلة تم السماح لنا بالخروج بها من قاعة الإختبار
انا عندي نموذج ب ,,,,,, ليس تصوير بل النموذج الاصل

[جافنشي]

الحمدلله على كل حال

اللي يزعلنا .. ان الدكتور قال اعتمدوا على ملخص الروابده .. ومع ذلك فيه تقريباً 6 اسئله من خارج الملخص

تحس الدعوه لعااانه .. حسبي الله عليه ..


بشكل عام الاختبار من سهل الى متوسط

[fares15]

يا شباب ما فيه مصطفى و يحل لنا النماذج و متأكد 100%

[اطفائي 911]

بصراحه انتم ما ادري وش تبون
الامتحان ما خرج عن الملخص ال 28 صفحه
ما تبون تذاكرون بالمره احفض اسئلة الاختبار و خش
بالله ما شفتم بعض الدكاتره كيف يطلع عينك في كتاب 300 صفحه و يجيب لك من التفاصيل الدقيقه حيل
اقول ابلعو العافيه و احمدووو الله


>>>> وش هنده الدافور هههههههه
التقيبم العام مو صعب>>> رأيي و انا حر فيه