حافز يستبعد خريجي جامعة عبد العزيز والسبب لانهم طلاب !!!!!!!!!!!

[مطلع الفجر]

السلام عليكم

أنا قبل شوية كلمت الموظفة في حافز على هذا الرقم 92001155 واخترت خدمة العملاء وبعد انتظار ردت الموظفة وقلت لها أنا متخرجة ليه اكثر من 6 شهور وأنتوا كاتبين إني غير مؤهلة لأني طالبة ، وكلمنا الجامعة وقالوا لنا إنهم خلاص عدلوا بياناتنا من طلاب لمتخرجين ..

قالت طيب خلاص روحي للموقع ، وروحي لأكمال البيانات وحدثي بياناتك عن طريق إنك تروحين لآخر صفحة في إكمال البيانات اللي هيه الدخل الثابت وضغطي فيها على ايقونة إرسال الطلب ، وبكذا خلاص تكون تحدثت بياناتك عندنا وجانا طلبك وتسلتمين بعدها .

حبيت أفيدكم ، والله ييسر أموركم

[zozo33]

متخرجة من جامعه حكومية لازم تعدي 12 شهر على تخرجها والخاصه 6 شهور
شروووط حاجز

[مطلع الفجر]

المشاركة الأصلية كتبت بواسطة zozo33 متخرجة من جامعه حكومية لازم تعدي 12 شهر على تخرجها والخاصه 6 شهور شروووط حاجز

ليه أيش الفرق بين حكومي وخاص ؟؟

أنا لما كلمت الموظفة اليوم قلت لها : إني متخرجة من جامعة الملك عبدالعزيز من أكثر من 6 شهور
وكنتم حاطيني غير مؤهلة لأن الجامعة ماعدلت حالتي إني متخرجة ، والآن مدير الجامعة أصدر بيان إنه تم تعديل بيانات المتخرجين ومافي عندهم أخطاء في بياناتنا .

بعدها ردت عليه وقالت لي : خلاص طيب الآن بس حدثي بياناتك في موقع حافز عن طريق أنه تضغطي على ايقونة ارسال الطلب مرة ثانية وبس .انتهى كلامها معي.

ماجابت لي سيرة انه لأن انا متخرجة من حكومي من 6 شهور عشان كذا غير مؤهلة وأنه ماراح اتأهل إلا بعد سنة !!

وفي شروط حافز مو مكتوب كذا ..

أنتِ من قالك هذا الكلام ؟؟

[الأسطّورة]

المشاركة الأصلية كتبت بواسطة zozo33 متخرجة من جامعه حكومية لازم تعدي 12 شهر على تخرجها والخاصه 6 شهور شروووط حاجز

عزيزتي مدري من فين جبتي هالكلام المغلوط ؟!

هذآ الكلام من موقع حآفز

12- مضي المدد التالية قبل تقديم المتقدم لطلبه:
‌أ- ستة أشهر على الأقل من تاريخ حصوله على شهادة اجتياز الدراسة فوق الجامعية أو الجامعية أو شهادة الثانوية العامة أو ما يعادلها أو شهادة اجتياز التدريب.
‌ب- ستة أشهر على الأقل من تاريخ انسحاب المتقدم من الدراسة أو التدريب إذا كان لا يستحق مكافأة من الدولة خلال هذه الدراسة أو التدريب.
‌ج- سنة كاملة على الأقل من تاريخ انسحاب المتقدم من الدراسة أو التدريب إذا كان يستحق مكافأة من الدولة خلال هذه الدراسة أو التدريب.

نقطه (أ) تنطبق علينآ إحنآ المتخرجين بشهر 7
هذي السنه.
نقطه (ب) للمنسحبين من الدراسه يعني اللي سحبوآ ملفهم بدون مايكملوآ درآسه (( للي كآنوآ يدرسوآ على حسآبهم بجامعه خآصه و مآلهم مكآفآه )) ينتظروا سته شهور قبل تقديم الطلب .

نقطه (ج) للمنسحبين من الدراسه يعني اللي سحبوآ ملفهم بدون مايكملوآ درآسه (( آللي كآنوآ يدرسوآ بجآمعه حكوميه و تصرفلهم مكآفآه من الدوله و آنسحبوآ ينتظروآ سنه )) .




أي كلام غير كذه إشآعه أو مغلوط

[دلع واسلوبها ولع]

المشاركة الأصلية كتبت بواسطة zozo33 متخرجة من جامعه حكومية لازم تعدي 12 شهر على تخرجها والخاصه 6 شهور شروووط حاجز

ايش مصدرك ؟؟؟؟؟؟؟؟
انا بنت خالتي استلمت حافز واحنا متخرجين بنفس السنه 1432 وانا تاريخ تخرجي قبلها باكثر من اسبوع و كل بنات دفعتها نزلهم مؤهل واستلموا
بنت خالتي من جامعه ام القرى

[Dr. statestic]

هذي اشاااااعاااااااااااااااااات مافي اي مصدر لهاااااااااااااااااااااااااااا

[الأسطّورة]

ماذا لو أظهر موقع حافز أني غير مؤهل لأن سجلات وزارة التعليم العالي تشير بأني طالب جامعة/كلية في المملكة
ويجب علي زيارة الوزارة لتصحيح بياناتي، وعند زيارة الوزارة تم إبلاغي بأن الوزارة ليست مصدر البيانات؟

جواب:
هناك بعض المشاكل في بيانات طلاب الجامعات/الكليات. فريق حافز على علم بهذه المشاكل ويعمل حالياً على حلها. وسوف يتم ضمك للدفعة التي تتبع حل هذه المشكلة إذا انطبقت عليك باقي معايير الاستحقاق. نرجو عدم زيارة وزارة التعليم العالي حيث أن فريق حافز يراقب عن كثب خطوات حل المشكلة.

المصدر موقع حآفز - الأسئلة المتكرره

نقول يـآرب [/center]

[اغلى حبيبة]

غريبه المفروض لما نسوي اخلاء طرف خلاص يجي انك متخرجه

بس يدورو الزلات

[Dr. statestic]

بنااااااات الي قدمت اعتراض واعطوها رقم طلب ردوا عليها ولا إلى الان طلبها ما صار فيه شي

[على بالي]

اوووووووووووووووووووووووووف و النهايه مع عدم التاهيل