ممكن تساعدوني باحسن الدكتورات انا مستجده :)

[t0o07a]

السلام عليكم ورحمة الله وبركاته

انا مستجدة حاسبات ده الترم ومااعرف عن الدكاتره شئ فلو سمحتو افيدوني بااحسن الدكاتره واللي يراعو اكيد في الدرجات.
1)مقدمة حوسبة
2)نظرية الاحتمالات
3)برمجه 1
4)أساليب الكتابة العلمية
5) الثقافة الاسلامية 1
وجزاكم الله خيرا

[Hamsa }~]

انت بالسليمانية ولا بالفيصلية ؟

[t0o07a]

انا بالسليمانية بكره ان شاء الله راح نروح للشؤون عشان نختار الشعب لانو الحذف والاضافه خلص ياريت تساعدوني بالاستاذات الكويسات

[Hamsa }~]

البرمجة : هذا إلترم مأفي إلا مع وحدة استاذة اسمها وفاء ومافي أحد يدري كيف تدريسها
الحوسبة : فريدة السعد إذاكانت تدرس ذا إلترم
الأساليب : سارة السيد برضه ذا إذا كانت تدرس ذا إلترم
ثقافة مع أي استاذة ماتفرق
الإحصاء : بس نعيمة بشير تدرسها كويسة نوعا ما بس يبغالك تذاكري المادة أول بأول ..

موفقة ..

[asma'a]

1)مقدمة حوسبة - درستني استاذة عائشة عسيري .. طيوبة وحبوبة وكويسة ماشاء الله تبارك الله ..

2)نظرية الاحتمالات - مافي غير استاذة نعيمة بشير اللي تدرسها .. بس يبغالك تذاكري اول بأول .. عشان تسهل عليكي المادة .. وكمان عشان المحاضرات متصلة ببعض ^^..

3)برمجه 1 - دا السمستر زي ماقالت همووسة مافي غير أستاذة وفاء ^^.. وماانعرفها ^_^..

4)أساليب الكتابة العلمية - انا درستني غادة العمودي .. صح شديدة شويتين بالدرجات .. بس لو رحتي راجعتيها وناقشتيها في الدرجات وبينتي ليها وجهة نظرك .. تعدلك الدرجة ^^.. وهيا ماشاء الله طيووبة وحبوبة ^^.. بس يقولوو سلايدات أستاذة ساارة مختصرة وكوويسة :p .. بس عن نفسي ذاكرت من سلايدات أستاذتي ..

5) الثقافة الاسلامية 1- اذا استاذة هدى باجبير تدرس دا السمستر خذي عندها ^_^.. المادة دي ماتفرق مع مين تاخذيها .. لأن مذاكرتها عبارة عن قراءة بتركيز .. بس كمان مدامك حتجلسي ساعة كاملة ع الكرسي .. حلوو تغذي رووحك مع ناس كوويسة

بالتوفيق حبيبتي وان شاء الله تتيسر اموورك

دمتـِ بخير

[The love roots]

حياتي الكلية نظام القبول فيها صار سنوي وماهيمديكي تاخدي اي مادة من مواد التخصص الان لازم دا الترم تنزلي مواد حره وعامة وتدرسي مواد الحاسب مع المستجدات السنة الجاية وترا دا الكلام مو من عندي انا معتذرة الترم الي راح وقالولي ماهننزلك مواد الحاسب دا الترم وسولي جدولي على اساس المواد الحرة والعامة

[t0o07a]

يعطيكم العافيه ع المعلومات كفيتو ووفيتو مرررره شكرا . the love roots ايوه حتى انا سمعت كده ان شاء الله نروحلهم بكره . ماعندي مشكلة مع المواد العامة والحرة اهم شئ انا في الكلية اللي ابغاها شكرا مره تانيه

[dreamy g!rl]

^^
The love roots

طيب كم نقدر ننزل مواد يعني كم ساعه نقدر ناخذ حرة

وايش هيا المواد الي نزلتيها

وفين روحتي وضفتي عند اي استاذه .. انا مستجده برضو وخلص بكرة آخر يوم فمني حابه اتمشور واضيع الوقت

[t0o07a]

كنت حسأل نفس السؤال :) ياريت تقوليلنا ايش نزلتي

[asma'a]

صح كلامكم توي شيكت عالشعب ومالقيت أساليب كتابة علمية وحوسبة ^^..

بس ترى موجودة مادة برمجة 202 ؟!!

اسألوو لو يمديكم تاخذوو المادة مع مواد حرة لأن احصاء 210 مافي دا السمستر ^_^..

بالتوفيق ي حلوين

دمتم بخير