الحذف والاضافه .. اي تطوير في جامعه ماتحترم المواعيد ؟

[شيخ الزين]

السلام عليكم

من ايام ماكنا في اولى ابتدائي وقبلها

واحنا نسمع الوقت كالسف ان لم تقطعه قطعك وانواع واشكال السيوف اللي يحطونها في اللوحات في المدارس والشوارع والسيارات
ومن اساسيات التربيه في حياتنا اننا تعلمنا حديث الرسوال اللهم صلي وسلم عليه اية المنافق ثلاث اذا حدث كذب واذا وعد اخلف واذا اؤتمن خان

ومن ايام (( ماخطت )) اشنابنا واحنا ننام ونصحى ونقول اليوم لازم يكون غير امس لازم نبني شي للمستقبل ونحاسب انفسنا ونطور بحالنا وحياتنا ونعدي بعض الامور ونقول ان غد لناظره قريب يبي يتعدل الحال وينصلح ومؤسساتنا وشركاتنا وصروحنا العلميه والعمليه راح تكون افضل وافضل بيجي يوم وراح ننافس الدول المتقدمه

وعااااااااااااايشين

لكن ........ للاسف كلام في كلام تبني من هنا ويهدمون من هنا

جابو لنا الضغط والسكر والكوليسترول والزهايمر على وشك واحنا في مقتبل العمر

الواحد منا متعب نفسه من بعد الاختبارات اللي فاتت وهو يفكر انه خريج هالترم يحاول يرتب مصروفه وايجاره وفواتيره ورسوم هالجامعه < واهمها الرسوم يبديها على كل شي هالترم حتى لو ينطرد من بيته وينام في شقه مفروشه على حساب الفيزا كله بس عشان يرتب جدوله عند دكاتره نظن فيهم خير وماندري وش المخبى لنا في رصدهم للدرجات
متربعين من ذيك الايام عند موقع الجامعه بس نبي نشوف وقت السداد والحذف والاضافه وغيرها وقلنا حلو وعدت على خير ونزل التقويم الجامعي وبدينا بالضغط من هنا وهنا كله عشان 12/ 3 الحذف والاضافه مدري الهم والكسافه
راح 12 وجاء 13 وراح وجانا 14 واحنا ماعندنا شغل الا افتح وقفل بهالجهاز
البارح طلبت طلبيه من المدينه حبق ونعناع ودوش وطايفي وكل شي له علاقه بتعديل الوضع المتأزم داخلي ......الضغط وصل ترليون
طيب ياجامعتنا البهيه ويادكاترتنا اللي الواحد يشوفكم يقول محاضرين في جامعة اكسفورد
فيه اختراع اسمه جوالات ايميلات او حتى لاتتعبو انفسكم موضوع صغير في اخر سطر في اي زاويه بموقع الجامعه يعطينا خبر بتاجيل الحذف والاضافه يوم يومين اسبوع شهر او الى وقت غير محدد خلونا نشوف اشغالنا ونرتاح ونريح
طيب منزلين لي التقويم الجامعي على اي اساس واللي قاهرني انه يتحدث ولاجديد وكمان بعد معاملاتكم الالكترونيه اللي ماتردون عليها الا بعد طلعت الروح واخرتها اتصل بالقسم الفلاني التحويله الفلانيه عند فلان ؟
لا وكمان شغله الدكاتره تشوف الحذف والاضافه مقفله مابعد شرفت وطلت علينا وكل يوم زايد عندهم شخص في البحث والتدريب شلون اضيفو هالاشخاص والحذف والاضافه مقفله
يعني لازم اكون من سكان جده عشان ارتب اموري اتصل عالدكتور مايرد ارسل له مسج مايرد
احمد الله واشكره اني انتساب في هالجامعه واخر ترم ان شاء الله والا كان انجلطت من كثر مااروح واجي عالجامعه

من جد شي يرفع الضغط تروح يمين يجون يسار تروح يسار ينحاشون ولاحقني
ادري ومتاكد اننا ان شاء الله امورنا تبي تتيسر وكل شي راح يكون اوك وكل دقيقه اقول انا رافع ضغطي ليه الحين الله اكبر عاد كل ترم اشوف الحذف والاضافه وغيرها من معاملات وو قدامي شي عادي ليه هالترم ذابح عمري
لكن ارجع واقول من حقي مو انا طالب ولي 4 سنوات في الجامعه واترام صيفيه زياده عليها كمان
تشبعت من شي اسمه جامعة الملك عبدالعزيز مضغووط لحد الجنون من كل حدب وصوب
مو ناقصين مواعيد تحسسنا اننا عايشين في دوله من العصور المتخلفه واساليب تحسسك انك في دوله لاانسانيه
قدرو تعبنا وجهدنا وسهرنا عالاقل أعطو احلامنا وخيالنا الواسع شي بسيط من الاحترام والتقدير
خلونا نحس اننا اوادم بشر قدمنا شي بسيط لحياتنا العمليه ونطمح بالافضل ماستر ودكتوراه وعلم وعمل وووو واخرتها هالشي بيرجع لنا ولمجتمعنا
من حقنا نعيش بخيال واسع من حقنا اننا نلاقي حصاد بعد مازرعنا < على فكره هذي بعد سمعناها من سنة جدي من جد وجد ومن زرع حصد وطبعا هذي ترجع لحياتنا عامه بعيده كل البعد عن جامعتنا الموقره
والله لو مااوقف كتابه ان مايردني الا اسبوع الاختبارات

لكن نقول ان شاء الله ربي يبي يسرها مثل مايسرها سنين وسنين

والا لو على جامعتنا واساليبها اللي مانخلص كان باقي لنا 6 سنين للتخرج

انا ودي بس تدخلون على اي جامعه عندها انتساب وتسوون مقارنه بسيطه

شكل بطول بالحكي لالا خلاص


ونرجع نفتح الاوديس < كرهته وكرهت حتى اسمه اللي مدري وش يبي