ضروري يالانتظام بخصوص التحويل

[دانة جدة]

هلا اختي الانس وياكي يااارب انا حقولك على التخصصين من ناحيتي بصراحه الانجليزي صعب شويا الادراة مررررة سهله ومن ناحية المطلوب احسهم الثنين نفس الشي وبالتوفيق ياعسل انتي اختاري الشي الي حابته وتحسي حتعدي فية

[الانس]

جزاكي الله كل خير أختي دانة جدة
واتمنى لك التوفيق والنجاح من كل قلبي

[دانة جدة]

وانا كمان اتمنى لكي كل الخير والتوفيق وترتاحي فالتخصص الي قررتي او تفكري تتخصصي فيه يالانس انتي بس شدي حيلك

[الانس]

تسلميلي حبيبتي انت بس ادعيلي ربنا يختار لي اللي فيه الخير ويوفقني له

[عطر الايام]

يادانه انا انتظرك يوم السبت لازم تردي علي
ابغى اسالك معدلك ثابت نزل ولا لين دحين مانزلوه على النت؟
والله يوفقك ويكون معاكي
لاتتحطمي ولا حاجه روحي بنفسك وقدمي طلب التحويل وخليك واثقه لاتبيني لهم انك خائفه اوكي

[دانة جدة]

هلا ياعسل معدلي نزل بس بعدين اختفى فماادري متى حيثبتوة ؟؟؟؟؟
وابشري حروح العمادة يوم السبت واقولك ايش صار معايا وولا يهمك حتكلم بثقه لاني من جد تعبت وانا ابغى احول وذي المرة انا وراهم لين يحولوني وبالتوفيق ياعسولة

[صبـا]

دانة متى رايحة الجامعة لانو حتى انا رايحة بكرة ان شاءالله

[اكابر]

يااااارب تحولو بس حاااااااااااااااااااااااااااااااولو لا تستسلمو
كل يوم روحولهم لانو الجامعه لها 100كلمه وباي لحظه يطلع قرار عندهم
وان شاء الله تحولو...

[وجل !]

السلام عليكم ..

بنااات الحال من بعضه .. أنا جايبه معدل 3,40 ممكن يحولوني ؟!!

ومتى اروح الجامعه هالاسبوع اجازه والا فيه دوام ؟!!

مره نفسي بالانتظام احسني تحطمت مافيني بعد احتري ترم ثاني ..

افيدوني يابناات .!!

الله يوفقني واياكم ياارب ..

[سوسا]

وجل معدلك كويس الترم اللي فات قفلو التحويل على 3.60 بس ازا رحتي و كان التحويل ما عليه ضغط يسير تقدري تحولي ان شا الله حتى لو قالولك مافي ارجعي تاني همه كدا

اعرف وحده قالولها مافي تحويل ليكي و رجعوا حولوها