التدريب الصيفي .. [ استفسارات ] ..

[pharm.d .s]

السلام عليكم ورحمة الله وبركاته
كيف حالكم يا صيادلة ؟!
معاكم زميلتكم من جامعة طيبة

حابة اسألكم كم سؤال عن التدريب الصيفي ..

1- ايش المستشفيات اللي تقدم تدريب صيفي في جدة .. سواء كانت حكومية او خاصة ؟! وايش مميزات وعيوب التدريب في كل واحد ؟ ( يعني ايش الافضل ؟! )

الحرس :)الافضل ومن وجهة نظري وبقية المستشفيات قالولها لك

2- طبيعة التدريب ؟

شهر كامل الدوام على زمني كان من 8الى 4بعد سنة تالت في الصيدلية حقت العيادات وبعد رابع في الصيدلية الداخلية

3- شروط التسجيل ؟ وهل في مقابلة او اختبار ؟ وهل يعتمد القبول على المعدل أو ؟

انا اختبرت عندهم اختبار انجلش وكمان عملت مقابله شخصية وسالوني على المعدل بس مو مرا يفرق وفي المقابله الشخصية كان في كم سؤال عن الادوية :)

4- متى عادة يتم الاعلان عن موعد بدء التسجيل ؟

تقدري تقدمي باي وقت في مركز التدريب وهما يرجعوا يتواصلوا معاكي

5- هل حستفيد لو اتدربت قبل الفارماكولوجي ؟

لا في المستشفى ماراح تستفيدي ابدا بس في المصنع ينفعك لانو راح تطبقي الي اختية في المعامل وراح تشوفي اشياء ماراح تصحلك تشوفيها اوقات الدراسة يعني راح تربطي معلوماتك

6- التدريب مجاني أو برسوم ؟

المكان الوحيد الي برسوم الطبي الدولي

7- اذا اتدربتوا قبل كدا ياريت تذكرولي تجاربكم ..

انا ادربت في الحرس الوطني وصراحة كانت تجربة رائعه بكل معنى الكلمة تقريبا الستاندر مطبق عندهم وفي تدرج في التدريب يتناسب مع الي درسناه اتعلمت تقريبا كل الاشياء الي لازم اتعلمها عندهم الوصفه كيف اقرها كيف اقيهما كيف اشيك على الادوية كيف احضر الادوية كيف اتعامل مع الممرضات الدكاترة كيف ابحث عن المعلومة اش المصادر الي استخدمها متى وكيف استخدم المعلومة بمهنية كيف اقدم برزنتيشن بروفشينال بالاضافة كيف اعمل روند خاصة بالصيادله واقرا ملف المريض اش الجزء الي يهم الصيدلي في ملف المريض
وادربت كمان على الاشياء التقنية زي ادراجح الادوية في نظام المستشفى واستخدام برنامج المايكرومدكس
طبعا مو تعصب للحرس بس ايام الامتياز كان في فرق واضح بين البنات الي ادربوا في الحرس وبقية المستشفيات :)