عضو في ضيافة الشعر

[بــنــت الــوطــــن]

المشاركة الأصلية كتبت بواسطة بــنــت الــوطــــن السلام عليكم ورحمة الله وبركاتة مسأكم وصباحكم ندى كـ ارواحكم العذبهـ.. احاسيس دافئـه تجبرنا على الاصغاء تزخر بكثير من عذوبه لتحاكي مشاعرناولنعيش طقوسها بتفاصيلها وتناقضاتها لنبحر معها حد الغرق احاسيس يترجمها نبض قصيـــدة..!! من هناوفي كل مره سيكون في ضيافة الشعر عضو سنبحر معه لننتشي عذب المشاعر وأروعــها ونستمتع بعذب ذائقتهم الشعريـة و يمتعنا بروعـة اجاباته على الاسئلـة التاليه: 1_ ماامدى علاقتكـ بالشعر؟؟!! علاقتي بالشعر قوويه احب اسمعه واقراه مثل علاقة تنفس الانسان للهواء 2_ من هـو شاعركـ المفضل؟!! والله مافيه شاعر بعينة بس أقدر القصيدة نفسها 3_ أعضاء في منتدانا تعجبكـ ذائقتهم الشعريهـ؟؟! ايه فيه كثير ماشاء الله 4_ بيت شعر يحضركـ داائمــآآ؟؟! الله معكـ لاتحسب اني بأناديكـ .... صحيح غالي بس الاغلى الكرامه 5_قصيدهـ تعدهـآ من اروع القصاائد؟؟! قصيدتي زاد بعيوني جمالها ....واخذت انقي بالمعاني جزالها واكتب معانيها من الشوق والغلا ....لأمي وأنا أصغر شاعر من عيالها كتبتها في غربتي يوم رحلتي ....لما طرالي بالسفر ما طرالها امي وانا بوصف لها زود حبها....وان ماحكيت لها قصيدي حكالها امي لها بالقلب والجوف منزله....مكانة ما كل محبوب نالها اقرب من ظلالي وانا وسط غربتي ....وانا تراي اقرب لها من ظلالها ما شافت اعيوني من الناس غيرها....ولا خلق رب الخلايق مثالها اغلا بشر في جملة الناس كلهم ....واكرم من ايدين المزون وهمالها اتبع رضاها ورتجي زود قربها ....واللي طلبته من حياتي وصالها الصدق مرساها والاشواق بحرها....والعطف واحساس الغلا راس مالها اهيم فيها وابتسم يوم قلبها ....يسأل وانا قلبي يجاوب سؤالها وان اطلبتني شي فزيت مندفع ....اموت انا واحمل تعبها بدالها واصبر على الدنيا والاحزان والتعب ....واحمل على متني فطاحل جبالها واسهر اعذب راحة القلب بالشقا....واعيش اعاني بس يرتاح بالها تربية ابوي اللي على الطيب بذكره....اللي وهبني الحياة ومجالها نور لي ادروبي وانا طفل مبتدي ....حتى تركني واحد من رجالها الوالدين اولى بالاحسان لجلهم....وأولى بتكريم النفوس وعدلها اقولها وانا على الله متكل ....والله عليم بقدرتي واحتمالها ياكلمه اغلى من الناس كلهم ....ياشمس بقلبي بعيد زوالها يافرحة تملي لي الكون باكلمه ....ياشجره تكبر ويكبر ظلالها تضحك لي الدنيا ليا شفت زولها....مثل السما تزها بطلة هلالها والبعد عنها ياهل العرف ما قدره ....لا شك ناري زايده بشتعالها ما عيش ببلاد ولا هيب بأرضاها ....ولابي عيوني كان ماهي قبالها ارض تدوس امي بالاقدام رملها ....اموت فيها واندفن في رمالها 6_ أن لم تكن / تكوني شاعر/هـ ..هل لديكـ محاولات لكتابهـ الشعر؟؟! لدي محاولات من زماااان بس لاتحضرني الان 7_هـل مر يووم تمنيت ان تكوون /ي شاعر/هـ؟؟! ومشهوره؟؟؟ تمنيت الشعر وليس الشهره 8_ لديكـ مساحهـ بلا حدوود أمتعنا بقصيدهـ على ذوقكـ؟؟! 9_قصيده اعجبتك في المنتدي هذا؟؟ وتستمع \ين بقراتها؟؟ شيلة الصديق و قصايد العضو موت اهواكـ رائعه ماشاء الله 10_لو انت \ي مشرفه على القسم ماهي الشرووووووط اللي تحب\ين ان تضعينها؟؟ اني اضع مسابقه مثبته بأأجمل قصيده او خاطره لكل اسبوع يتم اختيارها بالتصويت اي عضو يتفضل يكتب مشاركته هنا .. كان ودي استضيف بس مااقدر اتواجد كثير بالمنتدى تحياتي بنت الوطن