تعبت الظلم واجحافه , ع قوله محمد عبده!!

[medo al-sherimi]

بسم الله الرحمن الرحيم

الجامعه والكليه والدكاتره كلهم حاطين حرتهم بالطالب والطالبه ,لماذا ؟؟ ككككككككككك

وربي احنا ناس طيبين نبغا نتخرج ونفتك ,ليه نسير ضحيه تجارب اداره كليه الاداره والاقتصاد

فقط كي يحصلو ع الاعتماد الاكاديمي ,ويكون الضحيه هو مستوى الخريج ومستوى تعليمه سيء

جدا ,: 59:
المفروض الكليه توفر لنا بنيه تحتيه (كككك) من تعلييم اللغه ,وبعد ذلك ترمينا في مقرارات باللغه الانجليزيه ,
فكيف اقدر اذاكر من هالكتب وانا ماعندي لغه ؟؟! وهذا اللي يجعل كثير من الطلاب والطالبات يسقطون بالمواد ,ع الرغم من انها سخيفه ,ولكن فقط لكون اللغه تعمل حاجز ..!

اتمنى من الطلاب والطالبات ان يضعو خطط لتعلم اللغه سواء جربوها او مقتنعين بها كي نفيد اخواننا واخواتنا الاخرين اللي ضايعين بمستنقع اللغه ,,وثانكس ع تحملكم ^^

[Alaa Al ghamdi]

سالفة البنية التحتيه
اشوف كفاية مستويات التحضيري اللي اخذناها على ايامنا مستويين لكل طالب
وانجليزي متقدم 1
انجليزي متقدم 2
وكمان اعداد تقارير
مرة كفايه القرمر في كل كتاب يعيد نفسو
عتبي الوحيد على مادة اعداد التقارير توقعتها من جد تعلمنا كيف نسوي تقارير مو نكتب ايميل رسمي وغير رسمي
وناخذ قرامر كمان
توقعتها مادة عادية بالانجلش
عموما
انا اشوف المشكلة فينا احنا واننا مانمارس اللغه بشكل كافي
لدرجة الدكتورة الهندية مرة مافهمت عليا رحت اكلمها عربي مكسر وكان المفترض انها تفهم
لاني تكلمت عربي مكسر ولانها هندية !!
غير كذا لو تلاحظ الاغلبية ماتبغى تمسك الكتاب وتذاكر ودايما يمدحو معدلات دفعتنا
وانا احس الرابط العجيب هو انو اغلب الاختبارات تجي من التست بانك نصا ومن السلايدات


بالنسبة لخطط تعلم اللغه
ماانصح بالمعاهد الا في حالة تبغى شهاده
غير كذا انا احس اللغه مكتسبة
اذا انت عندك اساسيات القرمر
يصير يبغالك تجمع فوكابلري وتعرف مرادفات كل كلمة
لان الكلمة الوحده يتغير معناها حسب سياق الحديث

بالنسبة لي شخصييا مادخلت معهد ابدا
بديت اتعلم انجلش من المتوسط
طبعا اتكلم عالكلمات العادية والجمل البسيطه,,

وكان السبب الرئيسي الافلام والمسلسلات
الين 2 ثانوي صرت عادي اشوف مسلسل من غير ترجمة

تقدر تتعلم مرررة كثير من المسلسلات الاجنبية ,,شوفها مترجمة في البداية و الكلمة اللي تحسها غريبة اقرا ترجمتها
الين ماتتعود
غير كذا راح تصير اللهجه عندك طبيعيه زي الامريكان,,
احيانا انا لما اسمع كلمة جديدة كنت ارجع اقولها بصوت عالي
ماكان عندي هدف اني اتعلم بس مدري كذا جات

هذا اللي كنت اسويه ودخلت الجامعه وحسيت بفايدة الاشياء البسيطه هذي

وطبعا فرق كبير بين اول ترم تحضيري وبين اللي وصلت له في سادس ترم

حتى المذاكرة صارت اسهل لاني خلال الاترام هذي تعلمت كلمات كثييييرة من دراستنا

وبس,,

[جامعة المؤسس]

لابد اول ترم يكون متعب .. لازم تكثر من الترجمه.. وصدقني بعد ترمين او ثلاثه بتكون تقراء من غير ترجمه وبيكون الوضع جدا ايزي.. انا مجرب ..

[_OCTOBER]

ارحب والله

اول شئ , الاعتماد هذا شئ حاصل ولازم تتاقلم معه
انت تشوف الناس اللي سقطو ..وانا اشوف الناس اللي اتعلمو ..

وبنسبة للغة ...شف ياخوي , الكلية عارفه هذا الشئ عشان كدا عندنا
انجليزي متقدم 1 , انجليزي متقدم 2 +انجليزي تقارير مع الانجليزي حق التحضيري الاول والثاني
يعني لو تجمع ..تطلع... 15 ساعة من الخطة ... شوية ونتخصص انجليزي يارجل !!
والله لو حقين الهندسة الكهربائية , مايدرسو اانجليزي زي كدا ..

السؤال هل اتعلمنا ؟ ....
وحتى لو اعطونا بكل ترم مستوى من هنا اليــــــــن مانتخرج .
هل راح نتعلم ؟....الجواب الكلاسيكي : ممكن , بس في الحقيقة : لاااااء وستين الف لاااء
الانجليزي مو مادة تتدرس ,هيا لغة تكتسب , يعني ياتعلم نفسك او لاتنتظر شئ يجيك
اللي تتعلمه بالحصص راح تنساه بدون ماتمارسه , خصوصا ونحنا نقبع بمجتمع عربي
وفجاه نبي نهرج انجليزي بدون تعب ( كيف كدا )

بالنسبة للكلية ..فاشوف انها سوت اللي عليها, ايش تبغاهم يسو اكثر من كذا ؟
يعطونا سنة معهد او انجليزي , زي برا ؟ ...ماراح ينفع اطلاقا
جزء من حل المشكلة , هو ان المناهج كلها تكون انجليزي عشان تتعلم شوي + وتاخذ ع الامور
الباقي علينا , وع اجتهادنا
في اللي درس برا واللي اكتسب اللغه وهو صغير .. ,وفي اللي علم نفسه بنفسه
بصفه عامه ..اي شئ غيرك متعلمه , تقدر تجيبه باجتهادك

...
بالنسبة لتعلم اللغة الانجليزيه

تبغى تتعلم الكتابة , اقرأ
تبغى تتعلم الكلام , اسمع
تبغى تتكلم بدون ماتوقف , اعرف القواعد (الروابط بين الكلمات) واحفظ المصطلحات
ابدا بالمصطلحات اللي تتشابه بالايقاع
rhyme or beat
عشان تنحفظ بسهوله

مثلا
rhyme with ( again ) :- brain .... rain ... plain ... pain
rhyme with (acount ) .... amount , found
me ... free ...bee tree .. see .. degree ...
Vision ,mission , position , recission, decision, condition

تبي تتقن الاكسنت والنطق الصحيح , ركز على الاسترس وتقاسيم الكلمه
stress and syllables


طرق اخرى للتعلم ..
1- اتخيل مواقف ومحادثات ممكن تنحشر فيها , واكتبها ..احفظها
2- اتركك من محمد عبده واسمع ل Immortal Technique

وهكذا
حبه حبه وراح تتعلم وتصير نابغة لو تبغى
زي ماقلت الاخت الاء المعاهد ماتفيدك ,وانا اقولك و المدارس ما تعلمك
يانه تعليم ذاتي او انه تكتسبه من محيطك ( وبما ان الثانية غير متوفرة اطلاقا )
نرجع الى التعليم الذاتي .

نحنا الشي الوحيد اللي نسويه , نتفرج ....عشان كدا نقدر نتكلم بس مكسر
ومستحيل نقرا .....عشان كدا دائما الاملاء ضعيف
ومانهتم بشئ اسمه تقاسيم الكلمة .....وعشان كدا مستحيل تشوف واحد سعودي متعلم الاكسنت الصح
شايف كيف ؟

.
.

[alza3eem]

^^

اخيرا في طلاب يمدحو باللي سوته الكليه

دايما نحط الحق على الكليه

خمس اترام ناخذ انجليزي هذا مايكفي ؟؟؟

بس مننا الغلط حنا اللي مانهتم

ولازم نحسن من مستوانه بالانجليزي من خلال اللي قالوه الاء واكتوبر


بالتوفيق للجميع

[joony]

انا اوافق الاء واكتوبر الرأي ...

من ناحية القرامر اكتفينا من الي اخدناها 6 اترام ! وكل يوم بنتعلم كلمات جديده ونكتشف اللغه اكتر واكتر

بس المشكله هو السبيكنق الي مايتابع افلااااام ماحيمشي معاه المحادثه لانو اللسان وقتها تقيل مااتعود على الاكسنت وماشاءالله كل دكتوراتنا يامصريين ياهنود ... فشي طبيعي ازا الاكسنت انعدمت حقتنا !!!

بالنسبه ليا مااتابع افلام ابداااا بس مع برنامج " فلمها " على اليوتيوب حمستني الشغله وخلتني احفظ جمل تفيدني وتخدمني

دا الرابط حقو للفائده ...





وكمان مررررره لاتحط اللوم على الكليه ! اكتساب اللغه يبدأ منك انت وبمجهودك


وبالتوفيق

[الاء اللهيبي]

انا لغتي الانجليزي جيدة جدا و عمررري في حياااتي ما استفدت من كلاسات الانجلش ابداااا خصوصا في الجامعة

و السبب لاني امارس شي اسمو self learning

و اهم من كذا بكثيررر احب اللغة الانجليزية بجنون و اذا ما حبيتها راح تصعب عليك

هذا رايي !!

[Kapitano]

نكذب على بعض ولا كيف
انت تتعلم منهج كامل بلغة غير لغتنا
يعني لو أسال واحد عن مواد الاقتصاد ( جزئي أو كلي ) / مبادئ الادارة / تسويق / نظم !
اتحدى لو ألاقي واحد فاهمها كلها إللي ممشي نفسه هو التست بانك لو الأسئلة مقالية أقسم بالله بتشوف الرسوب على اصوله لأننا نتعلم منهج بلغة غير عن لغتنا وهذا غلط .
حتى الهندسة ما درسوا لغة مثلنا ممكن يدرسوا مصطلحات أو تعاريف بسيطة لكن مو منهج كامل وشرح وأسئلة ووو..etc
وأعرف واحد شخصيا من دفعة 08 درس المواد هذه وفاهمها وعارف كل مادة عن إيش تتكلم وعارف شرحها وكل شيء
هنا الفرق يا عزيزي فهم المادة مافي احد فاهمها تمام كلنا ماشيين بالبركة بإستثناء المحاسبة لأن المحاسبة مادة عملية ومسائل عشان كذا نشوفها سهلة

الله يوفق الجميع ,,

[ҳҲҳŔỜŔỜҳҲҳ]

^^^

مو الكل مو فاهمه

عن نفسي ما اقدر احفظ بدون ما افهم وعندي التست بانك مجرد اني أأكد ع نفسي اني ذاكرات يعني تقدر تقول مراجعه وتثبيت معلومات

بصراححه ما اقول انو دكتوراتنا وااااو وبريفكت بس يلا ابو مشي حالك بس الله يخلي قوقل اي شي مو فاهمتو ضغطت زرر وتوضحلي الصورة او حتى ادا تبي تفهم اكثر ابحث عن الشي بالعربي وتلقى ملخصات او شي قريب من اللي تبيه

وغير كدا موادنا اغلبها درسوها بالعربي ماف مانع انو تتصفح فالكتب حقتهم <<ادري ماف وقت بس دا للي حاب يستزيد وينمي خلفيته

طريقة دخولنا للكلية كانت مبنية ع حكاية الموزون او المعدل

والمفروض اللي كان ينعمل اختبار يحدد مستواك هل انت مؤهل انك تدرس فالكلية وفقا لمستوى انجليزيتك لانها اهي الاساس ف دراستنا كلها

غير كدا لو بتدرس ف اي جامعه برى قبل ماتدخل الجامعه لازم تدرس كورس انقليش وع حسب مستواك راح يتقرر عليك فترة دراسة الكورس من 6 شهور للسنه وف ناس اقل

طبعا بيأهلوهم للدراسه قبل مايبدأو فالجد


وكمان بالنسبة ليا انقليش التحضيري ابدا ما استفدت منو درسوني نورث استار المستوى الثاني مرتين فالترم الااول والثاني ليا >>عشان دخلت من الترم الثاني وماف تحديد مستوى ولا اي شي انظلمنا مرره:/

غير كدا الثلاث مقررات تبع الانقليش اللي بنأخدها جدا سخيفه ولا استفدنا منها شي غير تضييع الوقت والطفش ممكن بس استفدت منها ف حكايه ا لرايتنق
يعني الانقليش كان مجرد لعب ما استفدت منو

وبالنسبة لاعداد تقارير اللي بنأخدو الحيناقتراح عليهم يغيروو مسمى الكتاب من اعداد تقارير لاعداد ايميلات

مممم واخر شي احب اقول ان الانقليش لغة مكتسبة تتعلم من خلال الممارسه والاستماع والقراءه
زي ماقالت الاخت لويتا self learning

[_OCTOBER]

المشاركة الأصلية كتبت بواسطة Kapitano نكذب على بعض ولا كيف انت تتعلم منهج كامل بلغة غير لغتنا يعني لو أسال واحد عن مواد الاقتصاد ( جزئي أو كلي ) / مبادئ الادارة / تسويق / نظم ! اتحدى لو ألاقي واحد فاهمها كلها إللي ممشي نفسه هو التست بانك لو الأسئلة مقالية أقسم بالله بتشوف الرسوب على اصوله لأننا نتعلم منهج بلغة غير عن لغتنا وهذا غلط . حتى الهندسة ما درسوا لغة مثلنا ممكن يدرسوا مصطلحات أو تعاريف بسيطة لكن مو منهج كامل وشرح وأسئلة ووو..etc وأعرف واحد شخصيا من دفعة 08 درس المواد هذه وفاهمها وعارف كل مادة عن إيش تتكلم وعارف شرحها وكل شيء هنا الفرق يا عزيزي فهم المادة مافي احد فاهمها تمام كلنا ماشيين بالبركة بإستثناء المحاسبة لأن المحاسبة مادة عملية ومسائل عشان كذا نشوفها سهلة الله يوفق الجميع ,,

اهلين اخوي ..كيف نكذب عليك يعني ؟
يعني ولاعمرك شفت ناس تقدر تدرس انجليزي !

ايو انجح , وقد نجحت اصلا بالاسئلة التحليلية وباللغة البحته .
لاااء ومعاي 30 طالب كمان . والعكس صحيح انا من الناس اللي تخبص بالتست بانك !

ولكن مانكر انه البعض ينخرط لو شاف سؤال انجليزي ومايدري وش الطبخة .
وهذا ايضا مؤشر اخر ع الحاجة القوية - واقوى من اي وقت مضى - للدراسة باللغة الانجليزية

وتعميمك ذا , انه ولااحد فاهم اللي دارسه (عشان الانجليزي ).
اضيف له تعميم خاطئ مشابهة له , (وحتى لو الدراسة عربي) النسبة الكبيرة اللي كل سنة تتخرج اصلا ماتكون فاهمه اي حاجة, يعني تذاكر وتتخرج ومخها فاضي .
شايف كيف الظلم !!


اما سؤالك , ليه نتعلم بلغة غير لغتنا ؟
اجاوبه بسؤال , انتا تدرس ليه ؟ .. فين تبي تروح ... (سوق العمل)
( سوق العمل ) ..... ايش متطلباته ؟
ادرس بلغة بيئة العمل اللي راح اشتغل فيها , مو لغه ادرسها وبعدين اشتغل مع نفسي !
وبعدين لمن اوصل بالمقابلة الشخصية واتحشر ...اش اقول ؟
والله انا درست بلغة الام , و ماحد علمني انجليزي !!!

اذا اين الخطأ ؟ من سوق العمل , اللي يعتمد ع السوق العالميه واللي يتحدث بلغة الدول المنتجة والصناعية , واللي دولتنا للاسف تعتبر مستهلكة له ..واللي منه يجي دورنا نحن
ولا خطأ جامعتنا المسكينة اللي تدرسنا بس كدا , بدون اي هدف ( اسرفت بالتشبيه )
وسبب اخر
المناهج تدرس بلغة مؤلفينها , ومؤليفننا نايمين .
اجل كتاب ادرسه هذا الترم بالعربي , (محاسبة) اخر تحديث له قبل 12 سنة !!!
....
رابع شئ والاهم , انا دارس هندسة من دفعة 08
الدراسة من فين عربي ابغى افهم ؟ ...
الماتلاب , الفيزياء المستوى الاول والثاني + ال ie + الرياضيات الاول والثاني +الرسم الهندسي الاول والثاني
المادة الوحيدة اللي بالعربي هي الورش .
.
.
شكرا ع المساحة
والارزاق على الله .