حملة مقاطعة كافتريات ومكائن الجامعة (الترم الثاني سنة 1433)

[السلطة4]

السلام عليكم ورحمة الله وبركاته
نحن طالبات من جامعة الملك عبد العزيز ونعمل من أجل تغيير الوضع الراهن لكافتيريات ومكائن الجامعة من ناحية الأسعار ومستوى نظافة الأطعمة والمكان والخدمات.
وهاذي حملة مقاطعة إن شاء الله كلنا نقاطع وحأنزل كل أسبوع أعداد البنات اللي قاطعوا في الجامعة لأني أقوم بجمع تواقيع البنات في الجامعة للمقاطعة..إنت وأنا وهي وهما لو قاطعنا حنغير الوضع! وأنا جدا متفائلة وحاليا جمعت عدد لا بأس به لطالبات في الجامعة قاطعوا..
وإنتي لما تقاطعي مو بس تقاطعي لنفسك إنتي حتساعدي على تغيير الوضع لكل البنات .. وإذا السلعة ما صار لها طلب حيبدؤا الناس المسؤولين يسألوا عن السبب وحيعدلوا الوضع.. و لكل البنات اللي يفكروا إنو الموضوع مو لدرجة دي يعتبر مشكلة لدرجة المقاطعة! أقولكم إنتي لا تفكري بنفسك بس !فكري في البنات اللي وضعهم مو زي وضعك وفكري في بنات السكن اللي غصبا عنهم يضطروا يشتروا من الجامعة والبقالة اللي عندهم غااااالية مره وما عندهم غير المكافأة والبنات اللي يجوا بباصات.. وغير كذا إنتي كيف تتحملي أحد ينصب عليك؟؟ هذا نصب عيني عينك ناس نصابة بس تبغ تجمع أعلى ربح في أقل وقت ويذلونا لأننا بنات ما نقدر نطلع ويذلونا لأنه هو ذا المتوفر وغصبا عننا نشتري!..
وحأقولكم قصة عن فرع جامعة الملك عبد العزيز بعسفان زي ما انتوا عارفين عسفان مافيها خدمات ولا بقالات قريبة من الجامعة ولا بوفيهات فالكفتريا تبع الجامعة أستغلت الوضع وزودت السعر على الطلاب وأخويه كان يدرس فيها تحضيري فعملوا الطلاب مقاطعة وصاروا يطلعوا من الجامعة ويحركوا سياراتهم ويروحوا للمحطة! في الخط السريع وكانوا يخسروا نفسهم بنزين ووقت وتعب بس أهم شيء """""ما يشتروووووا من نصاااااااااب""""
وتخيلوا أيش صار؟؟؟
بعد أسبوع أو أسبوعين الكافتريا نزلت أسعارها والعاملين فيها يقولوا للطلاب تعالوا أشتروا من عندنا لا تروحوا للمحطة

بنات بطلوا دلع وقبل ما تدخلوا للجامعة في بقالات وبوفيهات بالهبل يعني الطلاب طلعوا أقدع مننا..

تابعوا الموضوع حأنزل كل أسبوع أعداد المقاطعين وأنشروووووووووا الخبر وحأنشرووووا من قلبي

"كن أنت التغيير الذي تريد أن تراه في الجامعة"

[شبيهة البحر]

بصرااااحة يعطيكـ العافية...
ولو كنت إنتظام لكنت أول المقاطعين
فعلاً الأسعار مومعقولة في الجامعة .. يعني الواحد يحط في باله ربحية معينة بس مو للدرجة اللي تصير
مبالغ فيها وأنانية منهم وإستغلال
وكمان فيه كفتريات غالية وطعم اللي يسوه .. مو شي

الله يوفقكـ يـ أُخية ..

[السلطة4]

المشاركة الأصلية كتبت بواسطة شبيهة البحر بصرااااحة يعطيكـ العافية... ولو كنت إنتظام لكنت أول المقاطعين فعلاً الأسعار مومعقولة في الجامعة .. يعني الواحد يحط في باله ربحية معينة بس مو للدرجة اللي تصير مبالغ فيها وأنانية منهم وإستغلال وكمان فيه كفتريات غالية وطعم اللي يسوه .. مو شي الله يوفقكـ يـ أُخية ..

آمين يا رب مشكروة على ردك الرائع أنا أتفائل لما أعرف إنو في ناس زيك .. وإنت كمان قاطعيهم ولو تعرفي أي بنت إنتظام إنشري الخبر عشان نوقف هذا الظلم والإحتكار اللي حاصل في الجامعة

[bent al-wazeer]

اتحمست الصراحة للفكرة بس الله يعين عالجـــــــوع

[السلطة4]

المشاركة الأصلية كتبت بواسطة bent al-wazeer اتحمست الصراحة للفكرة بس الله يعين عالجـــــــوع

ليه يا حبيبتي محا يكون في لا جوع ولا شيء ..أنا قبل ما أدخل الجامعة أشتري سندوتش من البوفيه وعصير طازج ومويه وكمان جريدة بـ5 ريال ويمديكي تشتري باونتي وسنكرز ومحا تكمل 10 ريال
واحسبيها إذا اشتريتي في الجامعة كم حتطلع؟
الباونتي 4 ريال
سنكرز 4 ريال
هاذي لوحدها 8 ريال

[نسيم الوجود]

آنـآ مقآطعه من سنه حتى المويه بطلت ماشتري من عندهم ..اللهم شحن اشتري ^^

من بعد العصير الي اخذته من رآبيس ووجهي ع البيت صرنآ انآ و الكفترياآت متزآعلين خخخخ


الله يوفقك









نسيمــ

[صاحبة الاحساس]

الحمممد لله مقااطعتهمم وان صاار واشتريت فتكوون ممرة ووحدة فالششهر واضطرارية كماان ^_*
وولله الحممد لامت من الجووع ولا ششي
بالعكس افطر فالبيت واجيب معايا تصبيرة شووكليت او شيبس
والساعة 12 اكوون فبيتنا وآكل ما لذ وطاااااب
.. .. ..
والدنيااا سسهلة والحيااااة حلوووووة ^_*

الله يقويكمم ي رررب

ملاااحظة (( اذا الككل يششتكي من الكافتيريات وكثرت الموواضيع عن راابيس
الكلل معاارض ومؤؤيدللمقاطعة اجل اللي يتضاربوا عند رابيس عششان يششتروا من فين يجوووا
غررريبة احسسسهم يزززيدووا ممحد مقاااطع ابدد!!!!!!!

عموووما موووفقين ..

[السلطة4]

المشاركة الأصلية كتبت بواسطة نسيم الوجود آنـآ مقآطعه من سنه حتى المويه بطلت ماشتري من عندهم ..اللهم شحن اشتري ^^ من بعد العصير الي اخذته من رآبيس ووجهي ع البيت صرنآ انآ و الكفترياآت متزآعلين خخخخ الله يوفقك نسيمــ

:) الله يسعدك وياليت تنشري خبر المقاطعة لكل صحباتك واللي لسه يشتروا

حتى أنا قبل كنت أشتري المويه منهم لأنه هو الشيء الوحيد اللي سعره زي برا (بعض الكافتريات تبيع المويه اللي بنص بريال مصايب) بس بطلت أكسبهم شيء عشان البنات اللي في السكن أحزن عليهم غصبا عنهم يشتروا وأبغ أغير هذا الوضع (الإحتكار حرام حتى في الدين)

وأنا مقاطعتهم من الترم اللي فات وإلى الآن وحأخلي غيري كمان يقاطعوا بإذن الله

واشتري بطاقة الشحن من رابيس هي الكافتيريا الوحيدة اللي تبيعه بسعره والباقي نصابييين يبيعوا البطاقة بـ12 و 13 وكانوا زمااااان يبيعوها بـ11 لكنهم طمعوا

[السلطة4]

المشاركة الأصلية كتبت بواسطة صاحبة الاحساس الحمممد لله مقااطعتهمم وان صاار واشتريت فتكوون ممرة ووحدة فالششهر واضطرارية كماان ^_* وولله الحممد لامت من الجووع ولا ششي بالعكس افطر فالبيت واجيب معايا تصبيرة شووكليت او شيبس والساعة 12 اكوون فبيتنا وآكل ما لذ وطاااااب .. .. .. والدنيااا سسهلة والحيااااة حلوووووة ^_* الله يقويكمم ي رررب ملاااحظة (( اذا الككل يششتكي من الكافتيريات وكثرت الموواضيع عن راابيس الكلل معاارض ومؤؤيدللمقاطعة اجل اللي يتضاربوا عند رابيس عششان يششتروا من فين يجوووا غررريبة احسسسهم يزززيدووا ممحد مقاااطع ابدد!!!!!!! عموووما موووفقين ..

إن شاء الله الوضع يتغير بما إنو في ناس زينا تقاطع وتنشر للبنات إنهم يقاطعوا ..

[كيميائية العام]

والله يستاهلو مقاطعة زيادة في الاسعار وانحدار في النظافة وكمان اكلهم مو كويس
بس المشكلة في بنات العلوم بيضرو يجلسو لاوقات متاخرة فيضرو يشترو منهم ياريت يكون في حل