بخصوص الإبتعاث.. مهم

[زمـــرد]

السلام عليكم
عندي سؤال ربنا يحفظكم
أنا درست سنة تحضيرية في جامعة الملك عبدالعزيز وحابة أكمل بجامعة بكندا او أستراليا أو أي بلد أوروبي.
هل فيه معادلة درجات أول سنة
ويعتبروه كنقل من جامعة داخلية إلى جامعة خارجية
فين ممكن أسأل وكيف الطريقة بالتفصيل؟
ولازم قبول من معهد أو جامعة عشان الابتعاث
شهادة الثانوية عدت الخمس سنوات وأنا حابة أكمل بكالوريس وما أبغى أضيع السنة اللي درستها هنا
فيه برامج للابتعاث غير برنامج الملك عبدالله ووزارة التعليم العالي؟
فتحت ملف مبتعث لكندا بس مو عارفة أيش النظام بالضبط.
إذا قدمت وجبت القبول فين أروح وأيش المطلوب؟
القبول من نفس معهد الجامعة اللي حابة انقل لها أو لا
وكيف أخد القبول من أي معهد أو لازم توافق عليه الوزارة والملحقية؟
كمان إذا فيه ابتعاث عن طريق جامعتنا العزيزة :)
بأعرف أسئلة كتيرة بس ربنا يوفقكم مرة محتاجة أكمل في الخارج:)

[Eva160]

وعليكم السلام ورحمة الله وبركاته

بالنسبه السنه التحضيريه اللي درستيها ، للاسف راح تعيدي من جديد لانو معادله المواد اللي درستيها في عبدالعزيز يعتبر ولاشي للجامعات خارج السعوديه . راح يطلبوا عيدي دي المواد من جديد زي الفيزياء دراستها في امريكا عدد الساعات 4 في السعوديه 3. وبعض المواد زي الحاسب ومهارات اتصالات اللي خارج السعوديه ماعندهم دي المواد ماراح ينحسب. اما ازا تحضيري أدبي وضعك راح يكون اصعب.

اما ازا حابه تعادلي المواد اللي درستيها راح تتعبي لانو الشركات خارج السعوديه في معادله المواد راح يطلبوا منك جيبي فهرس المواد اللي درستيها اللي يجي ابو 10 صفحات يشرح المواضيع اللي درستيها في الماده ومترجم من نفس الجامعه بالانجلش. ولازم تدفعي تقريبا مابين 20-40 دولار عشان معادله المواد اللي درستيها، وكمانه تعادلي المواد اللي درستيها في الثانويه.

جامعات خارج السعوديه راح يطلبوا منك شهادات من اولى ثانوي الى ثالث ثانوي بالانجليش، لازم تترجم من وزارة التعليم العالي اللي في الرياض ومختومه.

لما تقدمي للجامعات خارج السعوديه لازم يكون عندك شهادات احطاطيه اصل مو تصوير, وقتها انا عملت 5 بس. التصوير مايقبلوا، ازا تصوير لازم محكمه وتوقيع انو معاكي الاصل تقعدي تقريبا ساعه وتوقعي على حسب عدد الجامعات اللي بترسليها وراح تدفعي 20 دولار للواحد "انا اضطريت امر دي المرحله للجامعات الباقيه اللي ابى اقدم عليهم".

جامعة ملك عبدالعزيز عندهم ابتعاث للمعيدات فقط.

تيجيبي قبول جامعي لازم تتواصلي مع الجامعات خارج السعوديه ، وتشوفي من موقع الوزارة التعليم العالي ازا معترفين بها ولا, لازم يكون عندك ضمان مالي اكتر من 50 الف ريال ، لما تقدمي قبول جامعي اولغه ازا ما كنتي من ضمن الابتعاث.

لازم تتجهزي تختبري توفل او ايلتس بالانجليش، وادا كان دوله اوروبيه برضوا تتجهزي التوفل للدوله الاوروبيه.

نصيحه مني كملي مع عبدالعزيز. وان شاء الله لما تتخرجي تكملي ماستر في الخارج يكون وضعك أسهل بكتير.

ان شاء الله انو انا ماحطمتك ، لانو ماني عارفه اشاركك تجربتي وتجربة طلاب وطالبات اللي اعرفهم اللي مرروا في مرحله تحويل ولا اسكت. سامحيني

الله يوفقك

[زمـــرد]

أولا شكرا لك
:)


.


طيب إذا جبت قبول من معهد لغة أو جامعة معترف فيها تقبله الوزارة ولا لا؟
يتغاضوا عن تاريخ الشهادة؟

[Eva160]

المشاركة الأصلية كتبت بواسطة زمـــرد أولا شكرا لك :) . طيب إذا جبت قبول من معهد لغة أو جامعة معترف فيها تقبله الوزارة ولا لا؟ يتغاضوا عن تاريخ الشهادة؟

زي ماقلت لك تشوفي من موقع الوزارة التعليم العالي ازا معترفين بها ولا. لازم يكون عندك ضمان مالي اكتر من 50 الف ريال من بنك، لما تقدمي قبول جامعي اولغه ازا ما كنتي من ضمن الابتعاث. وبعدها توري الوزارة التعليم العالي ورقة القبول لانو راح يكون اجراءاتك زي اجراءات الطلاب والطالبات اللي بيدرسوا على حسابهم.

ايش قصدك من تاريخ الشهاده؟؟؟؟؟؟

[زمـــرد]

تاريخ الشهادة أكتر من خمس سنوات

[Eva160]

المشاركة الأصلية كتبت بواسطة زمـــرد تاريخ الشهادة أكتر من خمس سنوات

مااعتقد الوزاره راح يطالعوا على تاريخ شهادتك متى اتخرجتي من الثانويه ، او عمرك. لانو راح يكون اجراءاتك زي الطلاب والطالبات اللي بيدرسوا على حسابهم. الله اعلم.

لانو اعرف وحده تبى تكمل ماستر تمريض، جابت قبول جامعي وضمان مالي على حسابها قعدت تقريب مابين 3-4 اشهر عشان تنضم للابتعاث ، عمرها عدت فوق 26 واتخرجت تقريبا من الجامعه اكتر من 4 سنوات. الحمدلله ربنا وفقها

بس الجامعات خارج السعوديه راح يطلبوا منك تعبير ايش سويتي بعد مااتخرجتي من الثانويه، وسيره ذاتيه. لانو انا اتخرجت من الثانويه عام 2009 لما قدمت للجامعه ادرس ترم ربيع عام 2011، طلبوا مني اعبر ايش سويت بعد مااتخرجت من الثانويه


الله يوفقك