لا عاد اتصالك على مفرق بني ياس.......

[mobarak0911]

ساعة شكيتي علي البعد وقل الاوناس

حز قلبي وزام الحزن بصدري يكيله

مارحت ادور حجز على طايرة ناس

ولا الهاني جواز السفر بيدي أشيله

وسلام الغلا موادع بوقت الأغلاس

ومشيت وكفوفـــها لربي ترتجي له

هذي رسالة غضب بشيف قرطاس

ما هـــوب عتب يالزين هاللي تشيلـه

لاعاد إتصـالك على مفرق بني ياس

ساعة كذبتي الوعد للي عنا لك بليلـه

الليله عيد ميلاد وبكره حفلة ريماس

ورفيقـتك قالت تزعل لو ما تجي له

عذرك نسيتي العزايم وزين الأرماس

أمحق عذر وأمحــــق حبيب نعني له

من بعد الغلا ولقـــــياك والناس جلاس

ما أخفيت حبـــك وعفاف قلبي دلـــيله

ما لقيتي خطا مني الا برود الإحساس

على قولك ثلاث سنين وكفوفي تزيله

كفوفي بشيمتها ما مســـت الأدنـــــاس

حبيتك بحشمه والشرف نــــــحتمي له

هذا اللي عرفتـــــــه عن الحب مقياس

مســـــــــــك علي ممنوع ومانتي حليله

وإن كان هذا لي تسميه برود إحســـاس

لاوالله الا بــــــارد إحساسي ولانـــي له

تســـــألني أغلى البشر عسى مابكم باس

عــــــــــودت بدري ولمحات عينك عليله

رجــــــعت بقلبي المحزون للهم حباس

لا يبــــــوح بالصده وجفاك وقلة الحيله

مابي عذر ترا العذر يحيي الهوجاس

هوجاس غدرك بالهوى وقلب يبي له

صده وبعد عن طاريك وباقي الناس

بارت ظنوني وأمست آمالي محيله

ماعاد فيها ولا باقي ساس ولا راس

ويالله عساي أنسى رفة عيون ظليله

[رغد محمد]

،’

جدًا جدًا جَميل , وَلِي عودَة مُتلَهِّفة للتَّعقِيب ,
وَ لَكِن لدَّي سُؤال , أمِن كِتاباتِكَ هذهِ أم لا .,؟!


سَعيدَة بِـ عودتك الطَّيبَة ,
دُمت.


،’

[mobarak0911]

هلا بك اختي المبدعه رغد محمد
والله ترددت كثيرا قبل انزل الموضوع لأسباب ابدي واحد منها
أنو من كتاباتي القديمه(قبل الزواج)هههههههه لو شافت الموضوع ام محمد شكلي بنام في السور 6 شهور
نعم. من كتاباتي
ويسعدني ردك ونقدك.
اخوك:
أبو محمد

[gold king]

مشكور ابو محمد على الطرح الراقي والجميل
رائعة جدا