يا أهل الخبرة ساعدووني *_* محتاره أحوّل للصيدلة ولا أكمل في تخصصي؟؟!!

[йά₫₫σσ]

السلام عليكم و رحمة الله ..

انا طالبة كيميا حيوي مستوى رابع .. محتاره بين اني اكمل في تخصصي و بعدين اخذ ماستر صيدلة ، أو إني أحول من ذحين للصيدلة و اكمل فيها ماستر و دكتوراه *_*

كثير قالولي إنو الكيميا الحيوي له مستقبل كبير برا *_* بس هنا محد يعترف فيه
و فيه من طالبات الصيدلة قالولي انو فرص التوظيف محدودة نوعا ما هنا (يعني المستشفيات ما ياخذوا إلا كم طالبة بس من الدفعة كلها) ، و فرص الأولاد أكثر من البنات .. < مااعرف إذا صح الكلام اللي سمعته ولا لا

أنا حابه القسمين والله *_* و مررره محتاره بينهم
اللي عنده خبرة أو خلفية عن موضوعي ممكن يساعدني أو ع الأقل أعرف إذا صح اللي سمعته ولا لا

و شكرا

[تركي4444]

والله انا عن نفسي اشوف الصيدلة تخصص مايتعوض حتى لو انو صعب وكذا لكن انا اعتبره تخصص من ذهب

اما بالنسبة للي يقولو انو الصيدلة مايوظفو بنات مادري يعني هل هم صار لهم موقف معين او انهم كلام بس

وحتى لو انو فعلا توظيفهم للبنات اقل من الاولاد لكن التخصص يبقى مرغوب اكثر من الكيمياء الحيوية خصوصا عندنا هنا في السعودية

فأنا افضل انك لو حابة الصيدلة حولي فيها من ذحين افضل من المشوار الطويل ووجع الراس

وكمان انتي استخير وحاولي تسألي اكبر عدد له من الناس خلفية بالموضوع

وان شاء الله اللي فيه الخير ربنا يكتبه لك


موفقة ان شاء الله

[йά₫₫σσ]

اهااا
جزاك الله خير ..

طيب عندي سؤال ..
ابغى اعرف ايش أقل معدل قبلت فيه كلية الصيدلة السنة اللي فاتت بالنسبة للبنات
لأني سمعت انهم قبلوا إلين 4.1

و لمن فتحت موقعهم عشان أتأكد مالقيت شي

[THE HILL]

اقل معدل اتوقع 4.6 او 4.5
بس التحويل نظامه يختلف لانهم لهم " معدلات محددة من الكلية نفسها "

[pharm.d .s]

الصراحة ماتفرق بنت ولا ولد في التوظيف يعني افتكر في واحد من المصانع الي قدمت عليها الي يشتغلوا هناك كلهم بنات :)
اما بالمستشفيات على حسب المطلوب يعني :)
رائي استخيري وكل مجال فية الجيد والسيء
بالنسبة للماستر مافي حاجة اسمها ماستر صيدله انا عن نفسي ماسمعت ولا قد قرأت
في تخصصات في الصيدله تقدري تكملي فيها ماستر او بي اتش دي :)
زي النواتج الطبيعية :)