توقعاتكم بالنسبة لنسب تسكين الطب السنة هاذي

ساااااارونه · #1 01-06-2012, 09:09 AM

عنجد اكرره مواضيع التخميين
بما انو اللي جايبين 5بيدخلوو الهندسه
يعني انا احلم فيهااا :(

توها صحبتي تكلميني عن الهندسه وخايفه وكوابيس
وكنت اطمنها
شكلي انا ذحين اللي ابغى احد يطمني
:(

wajo0odah · 01-06-2012, 11:33 AM

الله يكون بعونكم وييسر لكم اموركم ويوفقكم
ويرزق كل واحد مبتغاه
ذكرتوني بحوستي انا وصحباتي السنه اللي فاتت
بس نصيحتي للي يبغون الطب لو ما انقبلتم بجامعه الملك عبدالعزيز
لا يجيكم احباط انا كنت اموت وادخل طب اسنان ولا انقبلت بالجامعه
ف شلت ملفي ورحت لكليه ابن سينا وعادلو لي المواد وصرت ثاني طب
اذا حطمت الجامعه احلامكم ترا في كليات ثانيه فاتحه ابوابها
صح اني دفعت الرسوم بس لما انقبلت بالمنحه على طول رجعو لي الفلوس
والحمدلله اني حولت ولاندمت ابدا الا افضل لي اشوف صحباتي بالجامعه متعذبين

Dr.MEEM · 01-06-2012, 12:10 PM

توقعاتي بالنسبة للبنات راح ترتفع النسبة عن السنة الي فاتت :)
كل الي اعرفهم ويبغون طب ماشاء الله معدلاتهم 5 و 4.9
ماابغى احطم بس ان شاء الله الكل ينقبل بالتخصص الي يبغاه

عاشقة التحدي · 02-06-2012, 04:34 PM

طيب التسجيل في ابن سينا يكون عبر موقع لهم؟؟او لازم تروحين لهم؟؟وايش الوثائق المطلوبة؟؟
وبالنسبة للمنحة هل هيا منحة موارد؟؟ولا منحة الملك؟؟والمنح من فين نعرفها؟؟يعني ايش الموقع الرسمي اللي نعرفها منو؟؟

wajo0odah · 03-06-2012, 03:56 AM

المشاركة الأصلية كتبت بواسطة عاشقة التحدي

طيب التسجيل في ابن سينا يكون عبر موقع لهم؟؟او لازم تروحين لهم؟؟وايش الوثائق المطلوبة؟؟
وبالنسبة للمنحة هل هيا منحة موارد؟؟ولا منحة الملك؟؟والمنح من فين نعرفها؟؟يعني ايش الموقع الرسمي اللي نعرفها منو؟؟

لا لازم تروحين للمقر
شهاده الثانويه + صوره منها
شهاده حسن السيره والسلوك+صوره منها
6 صوره 4 في 6
وبالنسبه للفلوس هم راح يفهمونك على طريقه الدفع وكيف ترجع لك الفلوس
الموارد تقديمها من الكليه تطلبين انك تبغين موارد اما منحه الملك تفتح برمضان وتسجلين
وبعدها تطلع النتايج في شهر 12
اكتبي بقوقل منحه خادم الحرمين الشريفين

Dr.Rawan · 03-06-2012, 02:12 AM

بالنسبه للارتفاع هي راح ترتفع
لكن كم هذا الي يصعب تخمينه
والناس الي يقولو بتنزل عشان الاحياء اشوف ناس كثير ما واجهو
مشكله في الاحياء وانا منهم الحمد لله << اتكلم عن البنات
بس في المقابل في ناس طاحت معدلاتهم بسببه
انا والله الي نكبني الاحصاء كيف ؟؟ ما ادري !! ماده من اول
ماشفتها حسيت انو انا وهي ما بنتفق نقرتين لعرض الصورة في صفحة مستقلة

كل درجاتي a+ الحمد لله الا الحصاء b << الحمد لله ع كل حال
وحسبت نسبتي الموزنه طلعت 93 بوينت مدري كم المهم انها ع نسبة
السنه الي فاتت بالضبط << طب بشري
فأتمنى انها تنزل ونقول يارب يكتبلنا الي فيه الخير ونتخصص الي نبيه نقرتين لعرض الصورة في صفحة مستقلة

ايه في معلومه ابي اقولها في بنات يقولو انا شايفه مستوى الدفعه دوافير
وبنات يقولو لا دكتورتنا تقول الي قبلكم افضل
المهم سبب الاختلاف والي فهمته من دكتورة الاحصاء << هذا الي فلحت تركز فيه في المحاضره نقرتين لعرض الصورة في صفحة مستقلة

انو لمن وزعونا في الشعب يجمعو البنات حسب مستواياتهم يعني الدوافير مع بعض وهكذا
فكل بنت تقول رايها ع حسب مستوى شعبتها << والله اعلم
سوري بربرت كثير نقرتين لعرض الصورة في صفحة مستقلة