البيوكيميائيين الكيمياء الحيويه .. ابغاكم شويه اقلطو حياااكم > توجد قهوه بالداخل

[قلوبٌ تريد وربٌ يشآء]

السلام عليكم والرحمه

بدون مقدمات وفلسفات

انا طآلب علوم في كلية العلوم برآبغ

طبعآ احنا ما دخلنا تحظيري ولكن درسنا على طول في العلوم اول سنه كانت مواد عامه ندرس زي جيراننا التحضيري وثاني سنه اللي انتظرها حاليا هيا التخصص

^

وتكفون لحد يسألني كيف علوم بدون تحظيري لاني طفشت من ذا السؤال

سعالي للبيو كيميائيين

انا نآوي على تخصص كيمياء حيويه

فبما اني ولد

كيف تشوفون التخصص هذا من ناحية الدراسه وصعوبتها ومن ناحية المستقبل ومن بتآع كلو وتنصحوني بشو ؟؟؟

يعني كل شي يخص التخصص هذا

فديتكم لحد يمر من غير ما يفتي على راسي

احتاجكم والله احتاجكم واحبكم

ابغى كل واحد يجي ويقول اي شي يشوفه

وسوف اكون لكم من الشاكرين < حول ع الفصحى

جزيتم خيرا احبآئي ووفقكم الله


نسيت شي .. بالعافيه القهوه

اخوكم .. قلوب

[بيو كيميائية ^_^]

وعليكمـ السلامـ

ايوا عارفين سالفتكمـ من العامـ :)

شوف تقريبًا المجالات الوظيفية للعلوم نفس الشيء لكل التخصصات

عندكـ الكيمياء والكيمياء الحيوية تقدر تشتغل في سابكـ المصانع آرامكو

الكيمياء الحيوية هيئة الغذاء والدواء

أهم شيء تكون واثق إن الله راح يرزقكـ الوظيفة ويوميًا إدعي

وأهم شيء إنجليزي تعرف تتكلم وإن ماتعرف لازم تتطور نفسك عشان إذا قدمت لازم يشوفونك تعرف تتكلم

بالتوفيق

[بنت النجوم]

بالتوفيق ... طيب هالشي للبنات كمان ولابس العيال

[شـــذاوي]

انا ماعندي شي اقوله كثير
غير أني انا اول ترم لي في الحيوية

ومراااا احس أني مرتاحة فيه

وممتع طبعا لأني انا مرا حابه التخصص

يعني لو انت حاب التخصص راح تمشي فيه مهما كان صعوبته


موفق

[قلوبٌ تريد وربٌ يشآء]

بيو كيميآئه + شذآوي

يديكم ألف عآفيه ع الاضافه اللي افآدتني كثير

بنت النجوم
انتو مافي بس للأولاد


-

اممممم

عندي سؤال كمآن الله لا يهينكم

ذحين اذا تخرجت من الكلية بتخصص كيمياء حيويه انا سمعت ان المسمى الوظيفي لنا هو فني مختبر مو اختصاصي

هل الكلام هذا صحيح

وايش الفرق بين الفني والاختصاصي ولمين الاولويه في التوظيف .. وايش هيا مزايا الفني والاختصاصي

وهل استطيع احصل على مسمى اختصاصي في قسم الكيمياء الحيويه

اتمنى يكون فيه احد فاهم يوضح

أحبببببببببببببببببببكم آي لاف يو

[دروووووووب]

بسراحة من كثر ما اسمع ان الوظاايف محدووودهجدااا .. وكثير بنات جالسين في البيوووت
صرت ابداااا ما امدح لافي التخصص ولا في الكليه
يعني اخوي لو لقيت عندك فرصه انك تحول لاي كلية ثانيه افضل بكثيييييير من انك تكمل في مجال احتمال مافي وظايف

[قلوبٌ تريد وربٌ يشآء]

امممم

انا نآوي اكمل سنتين ماجستير كمان

بس حطمتيني والله يا دروب

يعني كل التخصصات ميح

[بيو كيميائية ^_^]

المشاركة الأصلية كتبت بواسطة بنت النجوم بالتوفيق ... طيب هالشي للبنات كمان ولابس العيال

آرامكو فيه بنات في الشرقية بس أنا قاعدة أبحث عن معلومات عنها أول ماأعرف راح أخبركمـ

سابكـ قاعدة تعمل دراسة عشان تفتح مجال للبنات يعني نقول إن شاء الله لما تتخرجي ينفتح لك المجال

المشاركة الأصلية كتبت بواسطة قلوبٌ تريد وربٌ يشآء - اممممم عندي سؤال كمآن الله لا يهينكم ذحين اذا تخرجت من الكلية بتخصص كيمياء حيويه انا سمعت ان المسمى الوظيفي لنا هو فني مختبر مو اختصاصي هل الكلام هذا صحيح وايش الفرق بين الفني والاختصاصي ولمين الاولويه في التوظيف .. وايش هيا مزايا الفني والاختصاصي وهل استطيع احصل على مسمى اختصاصي في قسم الكيمياء الحيويه اتمنى يكون فيه احد فاهم يوضح

شوف هو صراحةً إحنا مو معترف فينا عندهم

وإذا تبي تشتغل تاخذ سنة تدريب بـ12 ألف ريال وبعدين تختبر وبعدين تتوظف فني والأولوية للمختبرات

وتصير أخصائي لما تكون ماخذ ماستر

المشاركة الأصلية كتبت بواسطة دروووووووب بسراحة من كثر ما اسمع ان الوظاايف محدووودهجدااا .. وكثير بنات جالسين في البيوووت صرت ابداااا ما امدح لافي التخصص ولا في الكليه يعني اخوي لو لقيت عندك فرصه انك تحول لاي كلية ثانيه افضل بكثيييييير من انك تكمل في مجال احتمال مافي وظايف

دروب خلي عندكـ أمل وثقة بالله

شوفي أعرف بنات تخرجوا الترم اللي فات وإشتغلوا دحين ماشاء الله

وترا أنا أختي طب وجلست 9 شهور لين ماطلع اسمها وتوظفت

فهذهـِ كلها أرزاق وطول مالواحد واثق بربه الله بيعطيه

دومـ أدعي وربي بيكتب لك الخير

المشاركة الأصلية كتبت بواسطة قلوبٌ تريد وربٌ يشآء امممم انا نآوي اكمل سنتين ماجستير كمان بس حطمتيني والله يا دروب يعني كل التخصصات ميح

لا تتطحمـ ولا تهتمـ في الكلام المحبط لأن بيأثر عليكـ

وأنتوا الأولاد الفرصة الوظيفية أكبر مننا بس أهم شيء تبحث وماتستسلم

تقدر تصير معيد وتقدر تشتغل في سابكـ وهيئة الدواء والغذاء وكلهم رواتبهم عاليه

و كمل ماستر

وإذا تبي هاجر برا وإشتغل

والتخصصات ماهي ميح بالعكس تخصصنا برا مهم كثير وثاني تخصص مهم بعد الطب

[شـــذاوي]

انا نصيحتي كمل ماستر ويمكن على حظك في التخرج يكون مطلوب معيدين ف قسمكك
اهم شي التفاااااااااائل واطلب دعاء امكك ورضاها

وبالنسبة للتدريب انا اختي حاليا جالسه تتدرب ومارا مافيه اي اشكال وصعوبه
بس حاول يكون عندك توفل لانو في اختبار بعد التدريب ويعتمد ع مهارتك ف الأنقلش

ربي يوفقك ويوفقنا اجمعين

[zoro2020]

شوف انا خريح من هذا القسم

اذا تضمن حنجيب معدل فوق 3.75

كمل في القسم

تقدر تلاقي فرصة اعادة في اي جامعة او بعثه

اذا حتجيب اقل من كذا شوف تخصص ثاني

نصيحتي لك و اسال عن الدفعات اللي قبلك

اغلبنا يشتغل في شغلات مالها صلاح بالتخصص

و رواتب مشي حاالك

هيئة الغذاء و الدواء ما وظفوا احد لهم اكثر من سنه

بس واحد و بواسطه

سابك مقابلتهم يركزوا على الكيمياء الصناعيه و الانقلش >> سويت مقابلة

ارامكوا محد اعرفه اتصلوا عليه

المستشفيات لازم تدريب سنه و تدفع 12 الف و بعدها تكون فني

انت عندك فرصه تفكر و تقرر

و انتبه من كلام الدكاترة الله يسامحهم مدحوا في القسم و احنا اللي اكلناها