دفعة بنات التمريض الجديدة 2012 ^____^ مبارك عليكم ونورتونا

[ضحكة بريئه]

بسم الله الرحمن الرحيم

السلام عليكم ورحمة الله وبركاته

كيف حالكم ؟؟؟ان شاء الله بخير وبصحة وسلامه

مبارك عليكم التخصص ياأخصائيات تمريض المستقبل<3


والله يوفقكم يارب



............



دا الموضوع حطيته عشان تتعرفو ع بعض وكمانه عشان الي أكبر منكم يحطو تجاربهم الأشياء الي أتعلموها الي حتستفيدو منها

السنة الي فاتت الدفعة الي أكبر مننا الله يسعدهم نزلو موضوع لنا...

ماتتوقعو قد ايش فادنا وقربنا من بعض وأستفدنا وحبيت الشيء دا..أنوا يكمل معاكم


..............

تجربتي مع التمريض

الحمدالله يارب كنت تجربة حلوة كسنة ثانية صح أنها كانت أثقل سنة بجد أثقل سنة
ههههه لأنوا بيعوضو حق التحضيري ..بس مجملا من ناحية دكتورات التخصص كانو أغلبهم سهلين بالتعامل مرحبين ..أول يوم حيعملوكم تعريف كامل بالتمريض وتخصاصته الكثيرة ماشاء الله وحيعرفو بأنفسهم وبكل شيء..
التمريض محد يفهمو غير الي يجربو...وإذا كنتي من النوع الي يحب يساعد واجتماعيه مع الناس حتحبي التمريض بقوووة : )

مبروك عليكم حبايبي <3 وأهلا وسهلا نورتونا القسم <3

RN.sh.B

[صانعة المستحيل]

اهلااااااااااااا خيتووووو
الحمدالله على كل حال
مشكوووووووووووورة على هالمووضوع
ياليت خيتووو تحكينا عن تجربتك في أول سنة وكيف تأقلمتي وكذا
وياليت لو تقوليلينا تعرفي احد حول من التمريض للعلوم الطبية في أول أسبووع ؟ وكيف؟
وبس

[Ms.Glamor]

مبروووك عليكم التخصص ،،

وربي يوفقكم فدرآستكم ومسآركم العلمي

وآي آستفسآرآت مننآ حآضرين

[ضحكة بريئه]

المشاركة الأصلية كتبت بواسطة صانعة المستحيل اهلااااااااااااا خيتووووو الحمدالله على كل حال مشكوووووووووووورة على هالمووضوع ياليت خيتووو تحكينا عن تجربتك في أول سنة وكيف تأقلمتي وكذا وياليت لو تقوليلينا تعرفي احد حول من التمريض للعلوم الطبية في أول أسبووع ؟ وكيف؟ وبس

اهلا بيكي ياعسل

العفو لاشكر ع واجب
أحكي زيادة يعني
هههههههه
شوفي أنا من أول كانت عندي فكرة اش التمريض بالزبط اش تخصصاته اش طبيعة العمل فالحمدالله كنت متقبله للموضوع لكن لمن نزلت المستشفى وأتعاملت مع المرضى ودرست كم مادة من التخصص فهمت أكثر فسار الموضوع عشق ههههههه الحمدالله

شوفي التقبل والتأقلم يختلف من شخص للآخر فنصيحتي للي مترددة تقرأ عن التمريض بشكل عام تخصصاته مستقبله طبيعة العمل واصلا أول سنة حيقولوكم وحيكونو معاكم الدكتورات وبرضو الدفعة الي أكبر منكم فحتوضح الصورة وحتتعلمو أكتر وتقررو هل أنا موجود بيا المواصفات الي تأهلني أكون ممرضة ولا لا ... والله يوفقكم يارب : )

.......

أنا الي أعرفه أنوا فيه بنات حولو بس الكيفية واللهي ما أعرف يمديكي تسألي أول يوم
أو أي أحد هنا اذا عارف كيف يرد علينا

ونورتينا برضو : )

[ضحكة بريئه]

المشاركة الأصلية كتبت بواسطة ms.glamor مبروووك عليكم التخصص ،، وربي يوفقكم فدرآستكم ومسآركم العلمي وآي آستفسآرآت مننآ حآضرين

الله يسعدك يارب

[smart idea]

السلام عليكم ورحمة الله وبركاته ..
مشكورة شهودة ع الموضوع الجميل ."
،
وارحب بكل طالبات التمريض 2012 ..
..
انا حتكلم عن نفسي اول ما دخلت التمريض ،
كانت صدمة كبيرة اني ادخل تمريض ، اتحطمت ، كرهت كل شي ، افكر بأي طريقة احول من التخصص دا ،
..
ليه كنت كارهة التمريض ؟
لاني ما كنت اعرف ايش يعني تمريض ، لان مجتمعنا السيء ، عطانا فكرة مغلوطة عن اعظم مهنة عرفها التاريخ ..
،
بديت اقرا ايش هوا " التمريض " ، ايش مجالتو ، وبديت اتقبل الفكرة ."
؛
في سنة وحدة حبيت التمريض ، لا صرت اعشقو كمان ، وادافع عنو بشكل ما تتصورو ..
لاني درست فهمت ايش يعني تمريض ، ومستحيل احد يفهم التمريض قبل يدرسو ..
؛
اول سنة : كانت شوي صعبة ، وضغط مواد ، لكن الدكتورات مرة حبوبين ، واحياناً تدرسو اشيا تحسو تفاهه ندرسها ، لكن الحمد لله سنة حلوة كانت بحياتي ..
؛
شدو حيلكم ، نورتو الكلية ..
واعتذر عن الاطالة ..

: )

[جنوُوُنْ شآع‘ـرةً]

ممرحبا حبايبيً
اتمنى تفيدونا بموضوع التمريضضً
من جميع النواحيً دراسة ووظيفة وكل شي
وعندي سؤال اذا ابي اكمل ماستر دكتوراه او صيدله اقدر او لا ؟!

بليز سساعدونا عشان نقتنع بالتخصص

[طموح بنوتة]

يسلمووووووو ي عسوولة ع الموضوع الجميل حلو اجي القسم والاقي موضوع يحسسني بالتفاائل
زيادة الحمد لله
وشكرا لكل الأخوات المتفاعلات جزاكم الله خييير

[ضحكة بريئه]

المشاركة الأصلية كتبت بواسطة smart idea السلام عليكم ورحمة الله وبركاته .. مشكورة شهودة ع الموضوع الجميل ." ، وارحب بكل طالبات التمريض 2012 .. .. انا حتكلم عن نفسي اول ما دخلت التمريض ، كانت صدمة كبيرة اني ادخل تمريض ، اتحطمت ، كرهت كل شي ، افكر بأي طريقة احول من التخصص دا ، .. ليه كنت كارهة التمريض ؟ لاني ما كنت اعرف ايش يعني تمريض ، لان مجتمعنا السيء ، عطانا فكرة مغلوطة عن اعظم مهنة عرفها التاريخ .. ، بديت اقرا ايش هوا " التمريض " ، ايش مجالتو ، وبديت اتقبل الفكرة ." ؛ في سنة وحدة حبيت التمريض ، لا صرت اعشقو كمان ، وادافع عنو بشكل ما تتصورو .. لاني درست فهمت ايش يعني تمريض ، ومستحيل احد يفهم التمريض قبل يدرسو .. ؛ اول سنة : كانت شوي صعبة ، وضغط مواد ، لكن الدكتورات مرة حبوبين ، واحياناً تدرسو اشيا تحسو تفاهه ندرسها ، لكن الحمد لله سنة حلوة كانت بحياتي .. ؛ شدو حيلكم ، نورتو الكلية .. واعتذر عن الاطالة .. : )

شكرا ياعسل على المشاركة بتجربتك
نورتي

[Doaa T]

ضحكه برئيه ياا قمر والله مررررررررره تسلمي على الموضوع ومنجد حمستيني لتخصص ورغبتيني في انت وسمارت ايد جزاكم الله خير ..
وان شاء الله ربي يوفقكم ويوفقني معاكم في التمريض يارب ..
ممكن بس ادا ما اتعبكم تقولولي ايش تكزن وظيفتي بعدين لمن اتخرج وادا المواد حفظها كتير وكدا زي الطب ولاارحم وفيها فهم اكتر وكدا
وشكرا