تجمع. طالبات كلية الاقتصاد والادارة ...

[غرام الطفوله]

بنااااااات بعد كم يوووم راح يفتحوووون التخصصات
العلمي متاح لهم ادارة اعمال وادارة عامة
الادبي متااح لهم ادارة عامة وقانوووووون
اللي يتسكن ادارة عامة او ادارة اعمال
يدرس ترم مواد عامة وبعدين يسوون
تفاااااضل بين النسب وكل وحده تتسكن
ع حسب المعدل اما اللي يتخصصون
قانون ماعندهم ترم مواد عامة ع طول
يدرسون مواد التخصص ان شاء الله
فهمتوووووووووووووو علي

[D.me]

شوفو دا
http://www.skaau.com/vb/showthread.p...01#post5858301

[_Sora]

اول شي دا الموضوع
عبارة عن الدليل للتخصص ف كلية الاقتصاد و الادارة
http://forum.kau.edu.sa/vb/ssaie-cac...ecaaicne-7378/
^
للي مو عارفين ايش تبغى الكلية دي من الحياة يدخلو الرابط < نفس حالتي امس
خدو خلفية عن الاقسام و اللي شد انتباهكم امسكوه و اتعمقو فيه اكتر

..

قسم ادارة خدمات صحية و مستشفيات
(اكتر قسم شدني) لقيت فيه معلومات يمقن تغير فكرتكم عنو

استنتجت انو في قسم
ادارة و مستشفيات للانتساب و الانتظام (للتحضيري الاداري)
كتبهم كلها بالعربي كانت
و دحين سار القسم ادارة خدمات صحية و مستشفيات (للتحضيري العلمي)
الكتب كلها ب الانقليشي < قرات مواضيع للسنوات اللي راحت
يقولو الدكاترة مرة حبوبين و يساعدوهم ,, و المزاكرة من السلايدز تكون < اهم شي
^
الغرض من ذكر النقطة دي
الانتظام العلمي ينعدو ع الاصابع ع قولتهم
بالتالي اغلب مواضيع الكتب و الملخصات و الدكاترة... الخ
اللي رح تلقوها بتكون تبع الاداري او الانتساب
< ع حسب كلامهم قفل للاداري و الانتساب, سار بس للعلمي
المهم انتبو لا تلخبطو بينهم زي ما اتلخبطت انا

..

اول نبذة قرأتها عن القسم :)
جزاه الله خير صاحب الموضوع*

المشاركة الأصلية كتبت بواسطة سنوووبي عن هذا القسم : برنامج الإدارة الصحية يعتبر هذا القسم من أحدث الأقسام العلمية بالكلية وقد تم إستحداثه بناء على حاجة المجتمع لبعض التخصصات الصحية فتم تصميم البرنامج المتاح حالياً ويختص مجال الإدارة الصحية بتخطيط وجمع وإسترجاع ونقل المعلومات الصحية وذلك بهدف تحسين جودة الخدمات الصحية ، وهذا المجال يجمع بين العلوم الصحية وتقنية المعلومات والطرق الكمية وإدارة الخدمات الصحية ومع التطور الذي يشهده العالم اليوم في جميع المجالات وبخاصة في مجال المعلومات مما يبرز أهمية هذا التخصص. ويسعى هذا القسم إلى أن يصبح مركز تميز في مجالي الإدارة والمعلومات الصحية على مختلف المستويات واستقطاب نوعية مُثلى من الطلاب والطالبات وإجراء البحوث العلمية ليصبح رائداً وقائداً في مجال إدخال وإستخدام تقنيات وطرق التعليم الحديثة. إن برنامج الإدارة الصحية يمكن الطالب والطالبة من التأهيل أكاديمياً بمجال الإدارة الصحية عن طريق دراسة مجموعة من المقررات التي تهدف إلى إحاطة الدارس بكافة متطلبات الإدارة الصحية المؤهلة تأهيلاً عالياً ، وكيفية حل جميع المشكلات التي قد تعترض طريق الإدارة الصحية بالمرافق العامة ، وأنجع السُبل لتأمين كفاءة الأداء بالمنشئات الصحية. مجالات عمل خريجي قسم الإدارة الصحية يتيح قسم الإدارة الصحية لخريجيه فرص العمل التالية: مساعد مدير مستشفى بمختلف المستشفيات الحكومية والخاصة والتدرج بالمناصب الإدارية العليا بتلك القطاعات.[*] مدير للأقسام الإدارية الطبية بالمستشفيات الحكومية والخاصة.[*] مدير للمراكز الصحية سواء التابعة لوزارة الصحة أو بالقطاع الخاص

بقية الموضوع هنا http://www.skaau.com/vb/showthread.php?t=280905

الخطة الدراسية لقسم إدارة الخدمات الصحية والمستشفيات

يمقن ف الموضوع اللي فوق كانت مقربعة شويتين
هنا تلقوها مرتبة اكتر ,,
http://hsa.kau.edu.sa/Pages-%D8%A7%D...%A7%D8%AA.aspx
المادة الملونة ب الاخضر, تضغطو عليها عشان يعطوكم نبذة عنها < لا ي شيخة

بريك تايم

[_Sora]

المشاركة الأصلية كتبت بواسطة d.me شوفو دا http://www.skaau.com/vb/showthread.p...01#post5858301

دا يشمل كل الاقسام؟؟

[_Sora]

احس في حاجة مشبوهة
شوفو الخطة الدراسية لقسم ادارة الخدمات الصحية والمستشفيات
http://hsa.kau.edu.sa/Pages-%D8%A7%D...%A7%D8%AA.aspx
^
بعد مواد التحضيري, دخلو ع مواد التخصص طوالي
..
خلينا نتاكد من الهرجة مزبوط احسن :x

[نـونــي]

اهلن بصحباتي الي حشوفهم السنه الجيا
صراحه انا ما كنت ابغا القسم مره كنت ابغا هندسه بس الحمد لله
اللهم لا اسألك رد القضاء
صح ااني بدايت لمن دخلت الجامعه ما كنت حاطه في بالي الا محاسبه بس بعدين لمن جلست افكر قلت انو مو مره شي وكتير ناس داخلينو انا نفسي ادرس شي مو موجود كتير
بعد ما فتح الهندسه حطيت كل امنياتي فيه
انا مو مره انصدمت لاني كنت عارفه اني حأنقبل في اداره واقتصاد
وان شاء الله يارب احب القسم

[εïз » ÐR.Ӟβềềбђ º7]

سلام عليكم بنات
اللي كانت تبغى كلية العوم التطبيقيه وحطوها اقتصاد وادارة وش تسوي 
الحمدلله على كل حال 
بس حبيت اسالكم لو درست سنة فالكلية ذي هل اقدر احول لكلية العلوم التطبيقيه ؟
واذا الجواب لا اش تنصحوني ادخل قسم فالكلية هاذي لاني ما اعرف حاجه عنها 

ومبرروك عليكم جميعااا

[εïз » ÐR.Ӟβềềбђ º7]

بنات انا موزوني يسمح لي ادخل كليه العلوم هل اقدر ادخلها وبعدها احول على كلية العلوم التطبيقيه ؟

والا اقدر احول من اقتصاد واداره لكلية العلوم التطبيقيه 

معليش اذا تعبتكم

[elham12]

بما انو اختنا Sora_ كتبت تقريبا اغلب الاشياء جزاها الله خير

في الرابط حق جميع الاقسام تقدرو تاخدو فكره عن قسم المحاسبة

ودي الخطة الدراسية الجديده لقسم المحاسبة 😌

http://accounting.kau.edu.sa/Pages-%...%AF%D8%A9.aspx

[_Sora]

المشاركة الأصلية كتبت بواسطة نـونــي اهلن بصحباتي الي حشوفهم السنه الجيا صراحه انا ما كنت ابغا القسم مره كنت ابغا هندسه بس الحمد لله اللهم لا اسألك رد القضاء صح ااني بدايت لمن دخلت الجامعه ما كنت حاطه في بالي الا محاسبه بس بعدين لمن جلست افكر قلت انو مو مره شي وكتير ناس داخلينو انا نفسي ادرس شي مو موجود كتير بعد ما فتح الهندسه حطيت كل امنياتي فيه انا مو مره انصدمت لاني كنت عارفه اني حأنقبل في اداره واقتصاد وان شاء الله يارب احب القسم

اهلن بيكي نوونتي :))
لا تزعلي الخيرة فيما كتبه الله ان شاالله
انا كنت ابا طب اسنان بس ربنا أراد و ما دخلت
يلا مبروك عليكي الكلية القميلة
اقراي دليل التخصصات اللي حطيتو ف الكومننت اللي فوق
خدي فكرة عن كل الأقسام كلها ،، ان شاالله يفيدك :))
و نشوفك معانا بداية السنة ان شاالله ^.^

المشاركة الأصلية كتبت بواسطة εïз » Ðr.Ӟβềềбђ º7 سلام عليكم بنات اللي كانت تبغى كلية العوم التطبيقيه وحطوها اقتصاد وادارة وش تسوي  الحمدلله على كل حال  بس حبيت اسالكم لو درست سنة فالكلية ذي هل اقدر احول لكلية العلوم التطبيقيه ؟ واذا الجواب لا اش تنصحوني ادخل قسم فالكلية هاذي لاني ما اعرف حاجه عنها  ومبرروك عليكم جميعااا

وعليكم السلام اختي
والله لو عندي فكرة عن التحويل كان افدتك
جربي تروحي للجامعة و تستفسري منهم احسن :))
شوفي التعليق الخونفوراشي الطويل اللي فوق
وان شاالله يجاوب عن اسئلتك
لا تتسرعي ف قرارك ،، والله حلوة الكلية :")
صلي و استخيري يمقن خيرة ليكي
الله يبارك ف قلبك يآرب و مبروك عليكي كمان اختي

المشاركة الأصلية كتبت بواسطة elham12 بما انو اختنا sora_ كتبت تقريبا اغلب الاشياء جزاها الله خير في الرابط حق جميع الاقسام تقدرو تاخدو فكره عن قسم المحاسبة ودي الخطة الدراسية الجديده لقسم المحاسبة 😌 http://accounting.kau.edu.sa/pages-%...%af%d8%a9.aspx

و لكي ب المثل يآرب :))
حلو قسم المحاسبة ،، سمعت ناس كتير ب يدخلوه
ان شاالله تفيد البنات اللي ب يبحثو عنها