لأهل المختبرات

[امار]

الســــــــلام عليـــــكم ورحـــــــــمة الله وبركاته ...
كيفكم يا مختبراتين و يا مختبراتيات ؟ ان شا الله تمام
انا سرت اشوف الناس بدأت تتناقش في جداولها .. واحنا ايش وضعنا ؟
الجدول اجباري ولا اختياري ؟ يعني اعملو على كيف ولا على كيف الكلية ؟
ولازم تكون عندي خلفية عن المواد بالتفصيل .. من حيث السهولة والصعوبة والكمية و الاساتذة
فلو سمحتو نزلو لنا موضوع عن دا كله
و مشكورين

[a7la foOofoOo]

شوفي ياحلوة الجدول ينزل جاهز زي ماهوا ولا نقدر نعدل ولا شي .. وبالنسبه للمواد اوا ترم حتكون اغلبها مواد عامه حتاخخدو مادتين تخصص بس mt skell &instro

[no0ona17]

وعليكم السلام و حمة الله وبركاته
اهلن بيكي اختي في قسم المختبرات نورتونا و الله ^_^

المواد الي حتاخديها 5 غير الثاقفه و العربي
1-فسيولجي (علم وظائف الأعضاء) ... حيتكمو فيها عن سيستم ,, سيستم ,, كل سيستم تعطيكي هوا دكتوره حيجوكي 4 دكاتره ثلاث ارباعهم جدا رائعين و تفهميهم 100% و الماده كميتها متوسطه مهي كتيره و لا قليله ,, و كل الأجزاء فيها جدا سهله (لو فهمتيها كويس) و الاختبار كلو اختياري
2-بيو كمستري ,, اعطونا هي 3 دكاتره كلهم ممتازات ,, بس دي الماده لازم و بقوه تذاكريها اول بأول و لا حضيعي تعتبر شويا دسمه نوعا ما بس برضو افهميها كوييييييس عشان تقدري تربطي و فيها حفظ كتير
3-انتومي (علم التشريح) ,, مره سهله الماده بس كلها مصطلحات بس في البدايه حتتعبي عشان كلها حفظ لأسامي ,, بس الحفظ مو كتير و الكتاب مره بسيط و سهل و الاختبار اسهل
4-مهارات مختبريه ,, ماده حلوه فيها جزء رياضيات بس مره بسيط وحلو يعني تعرفي التخفيف ودي الاشياء و جزء تاني نظري اتعلمنا عن السيفتي و اشياء تانيه , الدكتور الي يدرسها يفهم كويس و انتي اسألي لو ما فهمتي لانو الماده مرررره مهمه لمستقبلك المختبراتي وكمية الماده يعتبر قليل
5-انسترومنتيشن (أجهزه) ,, مممممم (اجهزة المختبر يعني ) ,, الماده كميتها قليله بس فهمها شويا صعب و الدكاتره الي يعطوها بعضهم يفهمو كويس و بعض مره ما تفهمي منهم ,, بس انتي اسألي لمن ما تفهمي

و بالتوفيق و ان شا الله نحنا بنات سنه 3 حنكون تحت امركم و اي استفسار نحنا جاهزين و ان شا الله نفيدكم و عندنا اشياء حلوه كتير ليكم ^_^

[امار]

يعطيكم الف عافية .. الدوام للساعة كم ؟

[يااارب توفيقي]

دي المواد للترمين ولا ترم واحد

[a7la foOofoOo]

لا لا ترم واحد هههههههههههههه

الدوام كان اغلب الايام لمن 3 .. وفي ايام لمن 2 وساعات الدكتور يكون طيب ويخرجنا 1