الفيزياء والكيمياء .. أفيدوني

[gedo]

السلام عليكم

ياليت أحد يفيدني لأني مررررة محتارة،،،
أنا احب الفيزياء كتييير وأميل للكيمياء كمان لكن المشكلة في الفيزياء إني كل ما أسأل أحد عن تخصص الفيزياء يقولوا صعب وماراح تنجحي فيه الا بالدف وخصوصا في جامعة عزوز
يعني هل الفيزياء صعب لهذي الدرجة ؟
طيب ،، أنا ابغى اتخصص فيزياء بهدف أكون معيدة لأنه نسبة المعيدات بالفيزياء قليل ففرصتي أكبر بإذن الله...
الكيمياء ..
كييييف الكيمياء .. كيييف دراسته ؟؟..
طيب .. سواء كيمياء أو فيزياء لازم أطبق في المستشفى..
ماهي الوظائف المتاحة لكلا القسميين؟

أرجو الرد على اسئلتي وأسأل الله التوفيق لي ولكم ..

[LeLou]

السلام عليكم ياليت أحد يفيدني لأني مررررة محتارة،،، أنا احب الفيزياء كتييير وأميل للكيمياء كمان لكن المشكلة في الفيزياء إني كل ما أسأل أحد عن تخصص الفيزياء يقولوا صعب وماراح تنجحي فيه الا بالدف وخصوصا في جامعة عزوز يعني هل الفيزياء صعب لهذي الدرجة ؟ طيب ،، أنا ابغى اتخصص فيزياء بهدف أكون معيدة لأنه نسبة المعيدات بالفيزياء قليل ففرصتي أكبر بإذن الله...

و عليكم السلام و رحمة الله و بركاته..

بصي يا حلوة أنا حأتكلم عن قسم الفيزياء لأنه تخصصي و الحمد لله وصلت لمرحلة متقدمة فيه..

بصراحة التخصص مو سهل أبدًا - و لا أظن أنه يوجد تخصص سهل - يعني إنتي في الجامعة عديتي التحضيري أي تخصص راح تدخليه أتاكدي أنك حتواجهي نوع من الصعوبات..
و لو في أي جامعة ثانية أظنه راح يكون أسهل عليكِ،، لأنه جامعتنا مخففة و حاذفة مناهج بسبب نفور الطلاب من دا التخصص بحجة أنه صعب..

المشاكل الحقيقية إللي راح تواجهيها فعلاً في القسم:
أولاً: أنه راح تطلعي من عدد لا بأس به من الكورسات لا تفقهين شيئًا،، و لكن دا مو معناه أنك ما راح تقدري تعدي،، في ناس كثير بتعدي و بدرجات عالية كمان،، لكن مع الأسف بدون معلومات مفيدة..

ثانيًا: مستوى المناهج مو مرة عالي،، و أغلب الدكاترة بيشتكوا من الخطة و ما أعرف أيه..
لكنه في نفس الوقت مو في الحضيض الأسفل..
لذلك لازم تختاري مواد اختيارية تقوي حصيلتك العلمية،، و بعد ما تتخرجي تقرأي و تعوضي إللي ما فهمتيه و إللي ما هو موجود أصلاً..
لكني أسمع أنه مناهج الماجستير قوية و الله أعلم..

و إذا راح تشتغلي معيدة،، دا شي مرة كويس لأنك راح ترجعي تحاولي تفهمي إللي ما فهمتيه و راح تكون عندك فرص قوية لاكتساب الخبرات و تثبيت المعلومات..
و راح يمشي معاكِ الحال إن شاء الله،، أنا لما أنظر لدكتوراتي و أفكر أنهم درسوا في نفس الجامعة دي أكتشف أنه الواحد عنده أمل..
يعني لا تطالعي بس في السلبي،، الواحد لو عنده هدف مصمم عليه،، يتوكل على ربنا و يخلص النية و ربنا بإذنه و قدرته راح يكون معاه..

//

نصيحة أخيرة لك:: الفيزياء تخصص محتاج شغل،، حطي في بالك إنك لازم تشتغلي على نفسك و شغل قوي كمان،، لذلك إذا ما عندك دي الاستعدادية من بدري أنصحك فكري لك في تخصص ثاني..
و كمان يحتاج مهارات رياضية كويسة،، فلو إنت مو ماشية في الرياضيات ما أنصحك بيه أبدًا..
هو تخصص للي عندهم فضول الاكتشاف و يحبوا يعرفوا طريقة عمل الأشياء..

لا تنفجعي من كلامي بس أنا قلت لك الشي اللي أنا شايفته بعيني عشان تكوني عارفة الإيجابيات و السلبيات..
و أكبر إيجابية نظرتك في المعيدات،، بالفعل عندنا عجز في المعيدات و الدكتورات كمان،، و أنا كمان عندي نفس التفكير دا..
إذا اتخرجت بمعدل عالي راح يكون عندك فرصة كبيرة إن شاء الله..

أي استفسار يا حلوة احنا حاضرين..
استخيري أولاً و أخيرًا و ربنا يقدم اللي فيه الخير..
و تقبل الله صيامكم و قيامكم||~

[gedo]

مررررة شكرا ليلو فعلا أفدتيني كتيييير ...
وخلاص بإذن الرحمن مصممة على دخول القسم دا ومواجهة التحديات اللي فيه ...
وان شاء الله معييييدة وأحقق حلمي ...
بس ادا عندك نصيحة لي ،، بما انك ماشاء الله متخصصة فيزياء وواصله فيه مراحل متقدمة...
ياليييت تفيديني أكتتر ،،،
والله يوفقك وتصيري معيييدة
وثانكس مرة تانية..

[ميثان حلقي]

و عليكم السلام
اختي انا كنت مثلك تماما . كنت متعصب للفيزياء و الكيمياء مهارة عندي و انا محتار ايش ادخل بينهم
قلت في نفسي الا درجته احسن بدخلها جبت في الاثنين 80
على العموم
قسم الكيمياء قسم حلو بل ممتع كل ما تكوني متمكنة في الكيمياء
مسألة الاعادة حتى انا ابغاها بس الارزاق على رب العباد
كمثال قسم الفيزياء عندنا ما فيه الا طالب واحد مستواه ثامن يعني لو دخلت معيد قبل ما اتخرج
لكن الدراسة ميول قبل ما تكون وظيفة
معرف نظام البنات لكن كل الا اعرفه ان دكاترة شمال جدة يعطونا اكثر من محتوى المادة لتقوية حصيلة الطالب
عموما اختي ما اشوف في قسمي عيوب لا من اعضاء هيئة تدريس ولا من المواد لأني احسها متسلسلة بشكل مدروس
لو تخصصت كيمياء بسعادك بقد ما اقدر و لو تخصصت فيزياء كان الله في عونك

اي استفسار انا في الخدمة

ميثان حلقي

[gedo]

شكرا أخوي ميثان حلقي ..
والله اني أحترت أكثر >> الله المستعان ..
بس مادام كذا قسم الفيزياء أنا بإذن الله راح أدخله وأسوي كل اللي أقدر عليييه والتوفيق من الله وحده ..
لأن حتى أهلي بالبيت يقولولي لاتدخلين قسم الفيزياء هذا قسم صعب يا بنت أضمني مستقبلك ..
وهذا زادني اصرار بدخول القسم .. يعني أشوف الدكتورات والأستاذات اللي درسوني فيزياء بايش زايدين عني ..
راح أبذل كل جهدي وبتوفيق الله ثم دعواتكم باذن الله واصلة لطموحي ولأعلى كمان ،،
واسأل الله لي ولكم التوفيق ،، وسوري جدا على الاطاله ،،
واشكر كل من رد على موضوعي .