قروب للتصميم الداخلي

[leeloo]

السلام عليكم ورحمة الله وبركاته

صباح الخير ياحلوين ..

طبعا حابة اقولكم .. في كتير اتخصصوا تصميم داخلي ومو عارفين بالزبط ايش يعني او خايفين او شاكيين او مترددين ويبغوا يعرفوا معلومات زيادة

وفي كتير متخصصين بس احيانا يحتاجو سؤال معين او حاجة معينة .. وفي ماشالله مصممات متخرجات اكثر من رائعات عندهم علم ومعرفة وخبرة وذوق وفن راقي جدا

المهم مااطول عليكم انا عاملة قروب في البلاك بيري اسمو interior designers خاص بالتصميم الداخلي

واي وحدة حابة اني اضيفها تراسلني على الخاص .. بس رجاءا تكون انقبلت في التخصص يعني مو وحدة ماهي مقبولة وتجلس تسأل

وياريت المتخرجات كمان يشرفوني في القروب عشان يفيدونا

وجزاكم الله خير اتمنى اني مااكون طولت عليكم

[leeloo]

برضو ياحلوين البنات اللي اتخصصو ممكن لو يحتاجو الادوات والملازم ممكن نتبادلها واي استفسار اتفضلوا اسألوا وان شاالله اقدر اجاوبكم

[Areej.m.k]

مرحبا صبايا ......
انا انقبلت في التصميم وحابة اسئلكم عن الاختبار انا قريت انه يوم الاحد وانه لازم اكون مقدمة عليه من شهر رمضان
وانا ما كنت اعرف فهل يعني يمديني اسجل فيه السبت و اذا ما دخلته يعني حيحولوني ولا ايش راح يصير بالظبط مع انه تسكنت خلاص فمني فاهمة قانونهم بالظبط و اللي يعرف عن الاختبار انه يتكلم في ايه وايش اللي راح نرسمه ....
و اعطوني انطباعكم عن ذا التخصص يعني كويسه الدراسه فيه و موفرين اللي يساعد علي الدراسه و لا لا ؟؟
واتمنى ما تبخلو عني وعن غيري بمعلومة و شكرررررررا

[leeloo]

السلام عليكم ..اول شي سؤالي ؟؟يعني انتي اتسكنتي تصميم داخلي قبل ماتختبري والا كيف ؟؟المفروض نتيجة التسكين تظهر بعد دخولك للاختبار وبعد نجاحك وانتي تابعي على الاودس لانو ممكن يحصل اي تغير

تاني شي الاختبار سهل جدا ولاتقلقي وينقسم الاختبار ل 3 اجزاء الاول اسئلة عامة نظرية وفكرتك عن التصميم وايش يعني تصميم من وجهة نظرك وليش تبغي تدخلي القسم ..التاني ترسمي مجسمات ودا سهل لاتشيلي همو ابدا والثالث تلوين منظور يعني ل غرفة نوم او طعام بس على حسب الاختبار بيتغير كل سنة

[leeloo]

الشي الثالث :القسم جدا حلو وجدا ممتعة الدراسة ولكن !! كرف بطريقة مش طبيعية وتنسي الخرجات والتجمعات العائلية لو انتي تحوبي الخروج واللعب فماراح تقدري عليه وضغط شغل خصوصا وقت تسليم المشاريع

الشي الرابع :بالنسبة للمساعدة فأنا موجودة ممكن اساعدك بأي شي تحتاجية وكل البنات موجودين الدفعة اللي اكبر منك بيساعدوك وفي معيدات جدد من الدفع اللي قبلنا اتوظفوا ممكن يساعدوكي لاتقلقي ابدا

[Noonza]

لو سمحتي أنا انقبلت في التصميم قبل امس في الأودس واليوم دريت انه في اختبار وتسجيله انتهى برمضان أيش اسوي ؟ اروح الجامعة ولا كيف؟

[leeloo]

ياعسل انتي بتسألي نفس السؤال في كل المواضيع روحي ولازم تدخلي الاختبار لانو احتمال يغيروا التخصصات

[Noonza]

طيب شكرًا حبيبتي تسلمي لي

[leeloo]

الله يسلمك واي سؤال لاتتردي

[RoOoRi]

مرررررررررررره مشكوووووووووووره الله يعطيييك العافيه
بش وشسسمه ذا حآولت آرسل مسج عيآ لان مشاركآتي م وصلت للـ 100 وآنا آبي آدخل ف القروووب الحل ؟؟؟؟