تقويم الاسنان يا اهل العلم والخبره

[بشـرى]

السلام عليكم ورحمه الله

ابغى ابدأ في الموضوع ع طوول وبدون مقدمات

انا ابغى اركب تقويم صح اسناني شويه طالعه بس مو بشكل بشع عادي يعني

اهم شي عندي انو انا متخيله اذا ركبت تقويم راح يصير وجهي اوسع وعندي خدود

احس انو التقدم الي في اسناني تسبب في نحف وجهي

وهذا اكثر شي محمسني انو انا متخيله وجهي يصير واسع << شكلي قلت قصه حياتي

سؤالي هو انو صح ممكن يصير وجهي اوسع ؟؟وانو تقدم الاسنان سبب في نحف الوجه ؟؟

واخر سؤال والمهم انا شفت تقويم نفس الحديد الي يتركب في الاسنان بس مره مره صغير وعجبني

هو يناسب كل الاسنان والا بس حاله معينه واذا يناسب الكل تتوقعون فيه منو الكرستالي الشفاف او لا ؟؟

وشكرا مررررررررررررررره زودها اسفه بس عشان تفهموني

انتظر ردكم ع احر من الجمر

[Dr~NanoOok]

دائما تحصل تغييرات في شكل الوجه بعد عمل تقويم الأسنان
وتختلف من شخص للآخر

وتعتمد أكثر على شكل تقوس الفكين
أما ترتيب الاأسنان وبروزها ما يؤثر بدرجة كبيرة وخاصة اذا الحالة بسيطة زي ما تقولي

مثل هذه الصور
ممكن يكون شكل الفك v-shape
or u-shape





وبالنسبة للحدايد brackets
ليها انواع واحجام

وما انصحك في الشفافة لأنها تتلون بعد فتره وصعب تنظيفها
ويصير شكلها مو حلو ابدا

[اجواني]

حتى انا بركب تقويم اش احسن مستشفى تنصحوني فيه ويكون سعرو حلو

[بشـرى]

المشاركة الأصلية كتبت بواسطة dr~nanoook دائما تحصل تغييرات في شكل الوجه بعد عمل تقويم الأسنان وتختلف من شخص للآخر وتعتمد أكثر على شكل تقوس الفكين أما ترتيب الاأسنان وبروزها ما يؤثر بدرجة كبيرة وخاصة اذا الحالة بسيطة زي ما تقولي مثل هذه الصور ممكن يكون شكل الفك v-shape or u-shape وبالنسبة للحدايد brackets ليها انواع واحجام وما انصحك في الشفافة لأنها تتلون بعد فتره وصعب تنظيفها ويصير شكلها مو حلو ابدا

ياااااااااعمري شكرا يا احلى دكتوره فرحتيني مره لان دايم صحباتي يقولوا انو مو واضح التقدم لكن اسناني مره مقوسه يمكن مع التقويم يصير شكل الفك اعرض ويغير شكل الوجه
الحين ارتحت انو بيصير في تغير

اما اللون صح انا خفت انو الشفاف ينعدم عشان كذا فكرت في الحدايد الي حجمها مره صغير

وشكرا شكرا الله يووووفقك وييسر لك امورك ودراستك

[بشـرى]

المشاركة الأصلية كتبت بواسطة اجواني حتى انا بركب تقويم اش احسن مستشفى تنصحوني فيه ويكون سعرو حلو

شوفي اي مستوصف مضمون وسمعته كويسه وقريب منك عشان انتي عارفه المواعيد ومقالب السواقين والاخوان

والفلووس دايم يكون حول ال9000 وال10000 او حسب اسنانك واستجابتها

وطبعا ح تدفعي كل شهر مبلغ بسيط مع كل شد اهم شي تتزبط اسنانك

انا اول مره سويت في عياده رخيصه وشوفي مره ما تعدل وح ارجع اركبه من جديد

عشان كذا اسنانك تستاهل تحطي فيها مبلغ كويس وتفرحي فيها بعدين وان شاء الله ما يأثر على الميزانيه كثير لانو مو دفع مره وحده كل مره تشدي ح تدفعي 400 او 500

وربي يفرحني ويفرحك بأسنان لولي ومرتبه

[بشـرى]

انا بالنسبه لي ح اسويه في التخصصي للطب الاسنان قدام عزيز مول

صراحه مرررررررررررررره مدحوه ليا وسمعته معروفه حلوه

والحمد لله قريب مني مو مره بعيد

[Dr~NanoOok]

انا جربت غسان فرعون مره ممتازين وادواتهم اللي يستعملوها ممتازة وذات جودة
لكن اسعارهم غالية

اعرف كمان عيادات المدار وبرضو يمدحوا فيها كتير

غالبًا الكشفيه تكون مجانية او بمبلغ رمزي عند بعض الدكاترة
تقدروا تروحوا وتشوفوا رايهم وتقدروا تحكموا عليهم