الأكل من يدي غير// طريقة عمل صلـــ ـWorcestershire sauceــــصة||~

[LeLou]

بسم الله الرحمن الرحيم.. السلام عليكم و رحمة الله و بركاته.. كيف حالكن يا سكاويات؟! // ثاني موضوع لي في هذا القسم << أدري طفشتكم .. اليوم جبت لكم طريقة عمل صوص (صلصة) تستخدميها في الطبخ.. للي تحب طعم أكلها يكون مميز و ما تبغى تستخدم صوص جاهز.. اسمه Worcestershire Sauce أو صلصة الورشستر<< دا تعريف للي ما تعرفها .. بصراحة،، سهلة و سريعة و ما تاخذ وقت،، و تعطي نكهة رهيبة في الأكل<< باختصار تستحق التجريب .. تنفع مع فاهيتا الدجاج،، و طاجن الدجاج،، و مع الأكل الصيني،، و أي شي تحبي تستخدميها فيه.. هي عمومًا تنباع جاهزة في السوبر ماركت.. معلومة خارجية: هو المفروض ينطق (وُستر) ما أدري ليش اتعرب ورشستر ؟! // نجي للمهم.. النتيجة النهائية:~ المقادير:~ 2 كوب خل.. ½ كوب دبس تمر أو دبس سكر.. ¼ كوب ماء.. 2 ملعقة طعام صلصة الصويا.. 1 حبة تمر هندي،، أو ربع كوب تمر هندي مركز.. 3 ملاعق طعام ملح.. ½ كوب سكر.. ½ ملعقة طعام بودرة الكاري،، أو بودرة بهارات الدجاج.. ¾ ملعقة طعام هيل مطحون،، أو 5 حبات هيل حبوب.. 1 ملعقة شآي فلفل أسود.. 1 عصاية قرفة طولها 3 سم تقريبًا.. 1 ملعقة طعام قرنفل حب.. 1 ملعقة طعام كزبرة مطحونة << الكزبرة الناشفة البهار و ليس أوراق الكزبرة الخضراء.. ½ ملعقة طعام إكليل جبل.. 1 بصلة مفرومة كبيرة الحجم.. 2 فص ثوم مفروم.. 1 قطعة زنجبيل طولها 1 سم تقريبًا مهروسة،، أو ¾ ملعقة طعام بودرة زنجبيل.. 2 حبة فلفل حار مقطع.. 1 ليمونة معصورة.. // طريقة التحضير:~ 1/ ضعي جميع المقادير معًا في قدر ما عدا السكر،، و ضعيها على نار هادئة،، و حركيها.. 2/ في هذا الأثناء،، قومي بإذابة السكر على نار هادئة،، و أضيفيه إلى الخليط مع التحريك.. 3/ انتظريه حتى يغلي،، و بعد الغليان أبقيه على النار لبضع دقائق مع التحريك من حين لآخر ثم أطفئي النار.. 4/ صفيه و ضعيه في حافظة زجاجية ذات غطاء محكم (يمكن استخدام علبة ورق عنب أو قارورة صوص أو عصير فارغة) و احفظيه في الثلاجة.. يبقى صالح للاستخدام لعدة أشهر.. // ملحوظات:~ 1/ في مكون ناقص هو عبارة عن سمكة اسمها Anchovy،، بالعربي أظن أنشوجة.. يقال أنها عامل مهم في الصوص و ما ينفع تحذفيها،، شكلها زي السردين،، تاخذي 3 حبات تقريبا و تقطعيها و تضيفيها للخليط.. و يمكن استبدالها بالسردين،، أنا حذفتها من الهرجة لأني مدري فين تنباع دا أولاً .. و ثانيًا أنا يغمى علي لو شفت سمكة قدامي فبالتالي مستحيل أمسكها أو أقطعها .. 2/ بالنسبة للمكونات،، هي صح كثيرة،، ممكن تحذفي بعضها لكن إللي ما ينحذف هو:~ التمر الهندي،، الدبس،، الخل و الليمون و الملح،، القرنفل،، الماء،، البصل.. دا إذا تبغيها على أصولها،، أنا حذفت التمر الهندي مرة و طلع تمام التمام.. و لا تقتصري عليها لأنه النكهة راح تكون ضعيفة،، أضيفي إللي تقدري عليه و المتوفر من المكونات المذكورة أعلاه.. 3/ بإمكانك تعملي نصف الكمية باختصار جميع المكونات للنصف و استخدام بصلة صغيرة.. // جميع الحقوق محفوظة لـ LeLou@skaau.com اللهم بارك لنا فيما تبقى من رمضان،، و اجعلنا فيه من المقبولين يا رب العالمين.. بالهناء و العافية||~

[حلاي من حلى روحي]

وعليكم السلام ورحمة الله وبركاته
ي حركتات ي LeLou وينك عن لها من زمان:(
بخير ولله الحمد:)..اخبارك؟
ماشاء الله عليك شرح بالتفصيل واهم شي بالـ سم *_^
يعطيك العافيه ي عسسل ربي يطعمك من واسع من فضله ولا يحرمك الاجر
دوووم هالنشاط ي رائعه
واكيد 5 ستارز للموضوع ويستحق اكثر=)

[مى جده]

مشاء الله حركات وانا احب الصلصات واحب ابتكر طرق من راسي بس ماتجي صح خخ بس تسلم اناملك ياعسل ومنجد يستحق التثبيت تسلم حلاوي على التثبيت تستاهلين ياقمرررر مشاء الله عليك اطباقك كلها اطباق شيف في فندق 5 نجوم

[صوت الفجر]

//

ياهلا والله بالشيفة LeLou
بصراحــــــــــة رووووعة رووووووعة من جد وينك عن لها من زمآآن

عندي استفسار انتِ قلتي من ضمن المقادير صلصة الصويا
استفساري ه صلصة الصويا الحلوهـ أو المالحــــه ؟


وآلف شكر مرهـ ثانية


..

[sara a7md]

صووص شكله مشهي
تسلم الايادي ياعسل

[LeLou]

المشاركة الأصلية كتبت بواسطة حلاي من حلى روحي وعليكم السلام ورحمة الله وبركاته ي حركتات ي lelou وينك عن لها من زمان:( بخير ولله الحمد:)..اخبارك؟ ماشاء الله عليك شرح بالتفصيل واهم شي بالـ سم *_^ يعطيك العافيه ي عسسل ربي يطعمك من واسع من فضله ولا يحرمك الاجر دوووم هالنشاط ي رائعه واكيد 5 ستارز للموضوع ويستحق اكثر=)

الحمد لله بخير..
تسلمي يا عزيزتي كلك ذوق،، آمين يا رب و لك بالمثل يا رب..
//

أقول لك حاجة تضحك..
أنا لما أطبخ ما أهتم بالمقادير أكب و بس،، و إذا شفت حاجة ناقصة أزود ..
أقدر بالفطرة يعني ..
و لما كتبت الموضوع حاولت أسوي تقديرات للي أحطه + راجعت المواقع إللي أخذت منها الطريقة زمان..
و لما قلتي لي عالــ سم،، رجعت قريت الموضوع لقيت خبايص ..
أول شي الفلفل الأسود ملعقة شاي و ليس ملعقة طعام حيطلع حار بزيادة ..
و ثاني شي الدبس 1/2 كوب،، الخمسة ملاعق دي حطيتها آخر مرة بس كانت الكمية مختلفة ..
أتمنى ما عليكِ أمر و لو ما في كلفة تصحيحيها ليا،، و أعتذر عالكركبة..
المشكلة ما أكتب هنا و يوم كتبت جبت العيد ..

شكرًا عزيزتي عالــ 5 ستارز،، و على إطراء الموضوع و الدعوة الحلوة||~

المشاركة الأصلية كتبت بواسطة مى جده مشاء الله حركات وانا احب الصلصات واحب ابتكر طرق من راسي بس ماتجي صح خخ بس تسلم اناملك ياعسل ومنجد يستحق التثبيت تسلم حلاوي على التثبيت تستاهلين ياقمرررر مشاء الله عليك اطباقك كلها اطباق شيف في فندق 5 نجوم

تسلمي حبيبتي،، أنا ما أقدر على دا المديح كله ..
شكرًا لك أخجلتي تواضعي،، و إن شاء الله يعجبك الصوص..
هو على فكرة لو ذقتيه طعمه مو مرة متقبل،، بس في الأكل شي ثاني,,
و لا تنسي تشوفي التعديلات أعلاه،، الله لا يفضح مسلم ..

المشاركة الأصلية كتبت بواسطة صوت الفجر // ياهلا والله بالشيفة lelou بصراحــــــــــة رووووعة رووووووعة من جد وينك عن لها من زمآآن عندي استفسار انتِ قلتي من ضمن المقادير صلصة الصويا استفساري ه صلصة الصويا الحلوهـ أو المالحــــه ؟ وآلف شكر مرهـ ثانية ..

يا أهلين فيك صوت,,
تسلمي عزيزتي،، إن شاء الله أصير أنط لكم هنا بين الحين و الآخر..
//

بالنسبة للصويا،، الحلوة..
و أتوقع المالحة كمان يمشي حالها،، بس المالحة ملوحتها مرة قوية،، و الخل أساسًا يعطي نكهة قوية..
عمومًا تقدري تحطي بدالها زيادة دبس..

العفو،، و إن شاء الله يعجبك الصوص||~

المشاركة الأصلية كتبت بواسطة sara a7md صووص شكله مشهي تسلم الايادي ياعسل

الله يسلمك،، و شكرًأ لتواجدك||~

[LeLou]

يعطيكِ العافية حلاوي عالتعديل..

تسلم لي عيونك ||~

[♥sαяỞnă♥]

ماشاءالله ..جاري التجربه
تسلم ايدك ي عسل

[LeLou]

♥sαяỞnă♥

الله يسلمك و إن شاء الله يعجبك ^_^

[Dr.Besho0o]

تســـلم يدك
و الشرح ما شاء الله روعة