سؤال عن اختبار التوفل iBT : الدرجة والوثيقة

[* أرجوان *]

السلام عليكم ورحمة الله وبركاته

أنا اختبرت اختبار التوفل على الانترنت iBT وطلعت نتيجتي 88 من 120
لكن في شروط التسجيل في الماجستير زي ما انتو عارفين يشترط أن يحصل الطالب على الأقل على
400 من 766

كيف أقدر أعرف درجتي؟؟ يعني مو المفروض انهم يكتبون الدرجة المطلوبة في كل نوع للتوفل؟؟

سؤالي الثاني:مو المفروض إن التسجيل في اختبار iBT يجي معاه وثيقة اختبار وحدة من ضمن رسوم الاختبار؟؟ أنا مني عارفة من وين أجيبها أو كيف أطلعها..يعني أعرف أطلع درجاتي بالتفصيل لكن الوثيقة اللي للطباعة ما طلعت...ايش أسوي؟؟

سؤال أخير:التقديم اللي يبدأ 17-3 لازم أروح للجامعة بنفسي أو ممكن بس على موقع الجامعة عالانترنت؟؟لأني مني من جدة

الله يجزيكم كل خير
الله يخليكم ردوا لاني ناوية أقدم هذا الشهر

[يمامة سلام]

وعليكم السلام والرحمة

التقديم حيكون عن طريق الانترنت (تقديم الكتروني)

شوفي الرابط هذا
هنا

وياليت تخبريني عن طريقة امتحان iBT
كيف الطريقة ومن وين

لانو اول مره اسمع فيه وبرضو انا من خارج جده

[* أرجوان *]

هلا يمامة...جزاك الله خير عالرد
اختبار التوفل iBT هو اختبار عن طريق الانترنت
تدخلين موقع الاختبار وتسوين لنفسك حساب فيه،وبعدين تشوفين أي تاريخ اختبار تبغين وأي مركز اختبار
رسوم الاختبار حوالي 700 ريال،تحويليها لهم بالبنك،وبعدين يجيك إيميل إن الحجز تم
يوم الاختبار تتوجهي للمقر اللي اخترتيه ويكون الاختبار بالكامل عالكمبيوتر
أنا من ينبع واختبرته في نيوهورايزن في جدة لإن ما عندنا في ينبع مراكز تسوي الاختبار
هذا رابط الموقع
هنا


أتمنى إني أكون أفدتك

[* أرجوان *]

يا جماعة الله يخليكم ويرحم والديكم ردوا
يعني معقولة أنا الوحيدة اللي اختبرت iBT

[مجرد محاول]

المشاركة الأصلية كتبت بواسطة * أرجوان * يا جماعة الله يخليكم ويرحم والديكم ردوا يعني معقولة أنا الوحيدة اللي اختبرت iBT

هلا أختي ..

على حسب معلوماتي أن المعتمد لدى جامعة الملك عبدالعزيز اثنان ( Teofel , Gee ) فقط

بإمكانك الاتصال على العمالدة وسؤالهم عن نوع اختبار وليتك تفيدينا هنا بعد الاتصال عليهم ؟

كل الأمنيات بالتوفيق .

[* أرجوان *]

جزاك الله كل خير يا أخ محاول
رح أتصل وأجرب مع اني دائما لما أتصل محد يرد

للمعلومية... اختبار التوفل نوعين:
iBT (على الانترنت)
PBT (على الورق)

[dr_love]

ماشاء الله تبارك الله درجتك عالية في الاختبار 88 تعادل حوالي 573

بالنسبة للوثيقة راح توصلك بعد حوالي شهر تقريباً من تاريخ الاختبار او اكثر بشوي

ولجدول الدرجات راجعي الرابط التالي
http://www.ets.org/Media/Tests/TOEFL...son_Tables.pdf
راح تلاقي الجدول في الصفحة السادسة
وعلى فكرة اعتقد الـIBT راح يكون معترف بيه في الجامعة لانه معترف به في جميع جامعات وشركات العالم حتى عندنا في السعودية الخطوط والشركات والبنوك تفاضل الطلبات اللي يكون مرفق بها درجة توفل عالية مع العلم ان تاريخ سريان الوثيقة هو سنتان من تاريخ الاختبار
وبالتوفيق

[* أرجوان *]

dr_love

جزاك الله كل خير
من جد من جد فرحت بردك لإني كنت فعلا حيرانة وشايلة هم
الله يوفقك دينا وآخرة :)

[never hide]

و انا كلامي من كلام دكتور لوف

معظم الجامعات تطلب هذا الاختبار لانو دولي فما اعتقد انهم راح يرفضوه

أرجوان بشكل عام الاختبار سهل ام صعب و كيف استعد له... عشان ناوية ادخلو ان شاء الله

ياريت تخبرينا اش باللي راح يحصل معاكي فيما بعد يارب يفرج همك و ييسر امرك ..

[* أرجوان *]

هلا فيك never hide
الله يوفقك وييسر لك أمرك إنتي كمان :)
بالنسبة للاختبار ما أقدر أحدد درجة الصعوبة لإنها تعتمد على مدى معرفة الشخص للغة ومدى استعداده للاختبار...
بس حسيت إنه مو صعب مرة،يعني هو يحتاج أساس وقاعدات صح بالاضافة إلى كلمات
وكمان لازم لااااااازم تذاكري من الكتب الخاصة بتعليم الاختبار،يعني مو بس دراسة الانجليزي
الكتب هذي تعلمك الاختبار من ايش يتكون بالتفصيل وطريقة الأسئلة واستراتيجيات الحل والنقاط اللي يركز عليها المصححين
أنا عندي فكرة بسيطة نوعا ما عن هذي الكتب،بأكتب موضوع مستقل عنها في هذا المنتدى بإذن الله بما اني شايفة إن كثير يسألون عن الاختبار
انتظري موضوعي :)