استفسار بخصوص مواد (عمارة البيئة) la

[عبودي 1]

السلام عليكم
كل عام وانتم بخير ومبروك عالنقل
انا كتبت الموضوع عشان ابغا استفسر عن المواد اللي ممكن انزلها في هادا الترم وعن افضل دكاتره
يدرسوها للمعلوميه انا طالب 200 في قسم عمارة بيئة والمواد اللي اخدتها في الكليه هي :
La 121
la 141
la 222
--------
ar 190
ar 191
ar 210
ar 211
ar 240
----------
urp 130
urp 211
___________________
وحاليا اضفت الاستديو la 292 و نباتات عمارة البيئة la 251

ايش تنصحوني اضيف كمان ؟
ومعليش طولت عليكم

[REDLION]

يا هلا فيك

حلو انك نزلت مادة النبات LA251 لانها جدا مهمة وراح تفتح لك مادة ثانية للترم الجاي الي هي LA253 Planting Design

مادة النبات هي قريبة لمادة ال LA141 من ناحية انه الي يدرسها الدكتور عبدالله غزال وفي نفس الوقت المادة فيها محاضرتين

المحاضرة الأولى : تخرج برا تصور وتتعرف على نباتات وعلى نهاية المادة تكون عارف اكثر من 100 نبته باللغة اللاتينية وأسمائها نوعا ما سهلة وتتعرف على صفاتها
في البداية راح تشوف الوضع صعب ولكن راح يسهل مع الوقت وتعمل لها تسليم في عرض بوربوينت

المحاضرة الثانية : جزء نظري عن النبات وفيه كمية معلومات مطولة شوي

بالنسبة للاختبارات راح تكون عن الجزء النظري اختبارين او ثلاثة لها مواعيدها
واختبار برا عن أسماء النبات وعليه تقريبا 6-10 درجات واختبار في الغرفة حقت الدكتور انك تجلس وتتعرف عن النبات الموجود


من المواد الي انا اشوفها مهمة لك انك لازم تخلص خلال هذه السنة ( اللغة العربية والثقافة الاسلامية ) عشان ترتاح بعدين وعندك ترمين هذا والي بعده

في عندك مادة التربة والمياه للدكتور عبدالله غزال LA354 بس ما ابغاك تتنكب في الاختبارات لانه الاختبارات راح تكون قريبة من بعض ومافي وقت تذاكر

عندك مادة LA250 مع الدكتور رجب وهي من المواد العامة الي هي مادة المساحة وهي برضوا مقسمة لجزئين محاضرة نظري ومحاضرة عملي والمادة من ساعتين في المعدل

ومن مواد اللاندسكيب كمان في ( تقنية عمارة البيئة ) فيها 4 مستويات

LA242 المستوى الاول وينزل الترم الثاني بس

واما المستويات الباقية موجودة الان والاسهل فيهم هو المستوى الرابع LA445
ويتكلم عن تصميم المساحات المخصصة للسيارات وهو الجزء الاكبر وجزء بسيط للدراجات والمشاة

[عبودي 1]

يعطيك الف الف عافيه على شرحك الاكثر من وافي
انا الحمدلله نزلت LA 250 و urp 400 بالاضافه الى الاستديو ومادة النباتات
وبكدا 14 ساعه حلوه