مافيه حل غير نحط لها السم في الأكل وبكذا نريح الطالبات

[سارونه]

(مافيه حل غير نحط لها السم بالأكل وبكذا نريح الطالبات)
هذي العبارة إلي سمعتها من وحده من طالبات الجامعة ..وبصراحة ما تنلام
لأنه هذي المشكلة الي بتكلم عنها .... يعانوا منها الطالبات داخل قسم الطالبات ، وما أدري ليش الجامعة ماهي عامله شي في هذا الموضوع.
وهي مشكلة تواجد عدد كبير من البسس (القطط) داخل قسم الطالبات وللأسف إنها بسس متشردة ومؤذيه جداً للطالبات ....
إحنا عندنا أماكن جميله وحدائق نحب عادةً الجلوس فيها ،ولاكن تواجد هذي البسس يضايقنا كثير ...وخاصةً....خاصةً....لو كان معانا أكل ..يعني جالسين نفطر..هذا غير انه أشكالها وسخه ، ومريضه ، ومتشردة،
وفي كثير من الأحيان هذي البسس بتهاجم الطالبات وتسبب لهم رعب كبير ...
و إلى الآن ما أعرف ايه السبب الي يمنع الجامعة من إخراج هذي البسس وتنظيف الجامعة منها ..
ولأدهى والأمر يا جماعه ....والي قاهرني فعلاً ..هو طبيبه عندنا في العيادة في الجامعة ، تخيلوا ايش تسوي كل صباح لما تدخل الجامعة....؟؟؟؟؟؟
تطلع من العيادة وتحط أكل مخصص للبسس ، أمام العيادة ....هذا غير المويه ..(للشرب طبعاً)يعني تدلعها بصراحة...
فيتجمع أكثر من 20 بسه .. عشان تفطر .... وبعدين تنطلق ....... تخيلوووووووا.
وفي معظم الأحيان تلاقوا هذي البسس داخله العيادة أو الكفتريات أو مباني الكليات وقاعات المحاضرات خصوصاً إذا كانت فاضيه .......وتخيلوا عاد الرعب اللي يحصل للبنات ....
فأيش الحل.؟؟؟؟؟؟؟؟؟
لأنه ممكن يجي يوم نلاقي أعداد البسس أكثر من أعداد الطالبات ..
فما أدري فين الجامعة من هذي المشكلة؟؟؟؟ ....فين الجامعة؟؟؟؟
- وأكيد الأخوات والأخوان في المنتدى ... وطالبات كلية الاقتصاد والإدارة خصوصاً يأيدوني في انه هذي مشكله لازم لها من حل ......
ولكم جزيل الشكر ... وعذراً على الإطالة .

[@haidi@]

ساااااااااااااارونة .........

والله انك صادقة في مو ضوع البسس المعاناة الكبرى بالنسبةللبنات والاكبر منها الدكتور الفاضية
شكلوا راح يكون مجاعة بسس في الجامعة
وين الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟

[السنيور ميدوو]

السلام عليكم ورحمة الله وبركاته

هم شكلهم قالو البسس في الجامعه اصرف من الطالبات .. على الاقل ما بيصرفو عليها مكافئات و طوابير .. و بعدين البس صار يطالب بحقوقه في ظل العولمة .. و طبعا الجامعه عندنا ما تطبق العولمة الا لما تكون غلط ..
.. انا بصراحه رأي ان تكتبو معروض موقع من جميع الطالبات و ترسلوه لإدارة الجامعه و خلو نسخه عندكم لو جا اسبوع و ما صار شي .........
........................كاااااااااااابووووووف ارسلوه لأي جريدة .... ترى جامعتنا ما تسوي شي الا بعد ما يجيها كلام في الجرايد .. يصلحو المشكلة و بعدها يطلع واحد منهم يقول لا ... احنا ما عندنا زي كدا و ماهذا الا نبااااح .. تفضلو شوفو بأعينكم .!!!!

بس اتمنى انو ما يكون الحل انكم تقومو و تمسكو البسس بنفسكم و ترموها برا الجامعه !!!

..... تحياتي للدكتورة البيطرية صاحبة العيادة البشرية في قسم الطالبات

[الحـ العيوف ـلم]

بالله اللى يقدر يمسك لي بسه صغيره ويعطينين هي له اللى يبي

[الفجرالبعيد]

ايه والله صادقه سارونه من جد البسس الي عندنا مؤذيه
الله يعيننا بس...........

[د/...كيـــــــف]

طيب جيبوا فيران ....اااااا


اقصد كلااااااااااااب ههههههههههههههههههه

طيب من وجه نظر الشرع الرأفه بالحيوان ويعني انه من الدين اننا نتعامل معاهم بلين وحكمه

واكيد تعرفوا قصه المرأة اللي دخلت النار بسبب هرة عذبتها وهذا طبعا حديث
وتعرفوا كذلك قصه الرجل اللي دخل الجنه بسبب كلب سقاه

هذا من وجه نظري

[ThE_HawK]

بالله اللى يقدر يمسك لي بسه صغيره ويعطينين هي له اللى يبي

[سارونه]

مشكوره اخت هايدي على مرورك الجميل ..... واكيد المعاناة مشتركه

[سارونه]

الظاهر أخ ميدو حنرسل للجريده على طول ..... لانه زي ماقلت جامعتنا ماتسوي شي غير لما يجيها كلام من الجرايد...
(تحياتي للدكتورة البيطرية صاحبة العيادة البشرية في قسم الطالبات)
والله انك صااااااااااااااااااااااااادق
ومشكور على تعليقك..

[سارونه]

الرسالة الأصلية كتبت بواسطة الحـ العيوف ـلم بالله اللى يقدر يمسك لي بسه صغيره ويعطينين هي له اللى يبي

إنتي لك اللي تبين بس تاأخذينه كلها....
ملاحظه مهمه ... ترى هدي البسس متشرده ..ومريضه ..وسخه ...... عندك فرصه إذا تبغي تغيري رأيك وتسيبيها.....
ومشكوره على مرورك الجميل ...