طريقة التسجيل في الدورات التأهيلية .. بالصوووور

[فواكة]

مساء الخير

طبعا كلنا حايسين في طريقة التسجيل وانا من امس احاول ويطلع لي الطالب غير مسجل فى الإنتساب او التعليم عن بعد

لحد اليوم اللي ضبط معايا وسويت جدولي الحمدلله
والفضل لله ثم الأخت سياده خافقي جزاها الله خير
وضحت الطريقة في رد من ردودها وضبط معايا الحمدلله


فحبيت اوضح الطريقة بالصوور

اول شيء ندخل ع الاودس وحتطلع هذه الصفحة


نختار الايقونة اللي حطيت عندها رقم 1
.
.
.
بعدها حتفتح هذه الصفحة نختار تنفيذ



.
.
.
بعدها حتفتح هذه الصفحة
وهيا صفحة الحذف والاضافة اللي سويناها من قبل
نرجع نحذف المواد ونضيفها من اول وجديد
لكن انا ما حذفتها مع بعض لا
حذفتها مادة وارجع اضيفها من جديد وبعدها احذف المادة الثانية وواضيفها من جديد وكذا لحد ما خلصت من جميع المواد



.
.
.
بعد كذا نرجع نختار الايقونة الثانية هذه اللي حطيت عندها رقم 2

.
.
.

وحتفتح هذه الصفحة ونختار تنفيذ

.
.
.

وبعدها حتفتح هذه الصفحة
طبعا هذا جدولي لكن انتو اضغطو على اضافة دورة تاهيلية
واختارو موادكم
الرقم المرجعي حيكون مخالف للرقم اللي في الجدول بس عادي
اختارو المادة واضطو اضافة دورة تأهيلية
وارجعو اختارو المادة الثانية ونفس الشيء نضغط على اضافة دورة تأهيلية وكذاا لحد ما نخلص المواد





وبالتوفيييق للجميع

[المهاتما تسونامي]

انا ضبط معايا مواعيد حضور الدورات سنترا بس مو راضي يضبط معايا مع المواد الاختيارية
ايش السبب؟

[loyalty-lolo]

طيب انا الجدول دا من اول نازلي يحتاج اعمل من جديد ولا خلاااص

[H A N O O]

يعطيك العافية ياقلبي

بس بسألك اللي بالدورة التأهيلية الشعب غير والارقام المرجعية غير

كيف كذا !!!

[فواكة]

والله المواد الاختيارية ما اعرف
اني لسه ما اضفتها

[هتون الغامدي]

انا سويتها وزبط معاااااااايا

طلعتلي الثقافه استاذه رحاب على احمد بدوي

[ريمـا]

بنات طيب لو طلعت الاستاذه غير الي اختراتها

[تغاريد]

كيف اختار والارقام المرجعية مختلفة ..؟؟

[ذوق ~]

جزآآآآكي الله خير

الله يوفقك ياااارب

[رموز الأمل]

انا مو راضي ينضاف لي مادة يقلي none
ايش يعني؟