ضروووووووري جدا. .. أرجو المساعده

[روكسان 22]

بنوتات الله يعافيكم عندي إستفسار بسيط ولاكن مهم جدا بالنسبه لي
هل يوجد ماجستير تربيه خاصه بجامعة الملك عبدالعزيز
أستنى ردوووووودكم. .إن شاء الله ما تطول عليا

[حربية]

أعتقد انه ايوا فيه ماجستير

لأني عند الأمن اسمعهم يقولون البنات احنا طالبات ماجستير ـ للي ما معاهم بطاقة جامعية ـ و كمان اشوف اعلانات مكتوب فيها على طالبات الماجستير ......

لكني رح اسأل لك بكرة ـ إن شاء الله ـ و اشوف اش وضعهم إلا لو ردت عليكي وحدة و عندها الخبر الأكيد

[روكسان 22]

أيوه يا قلبي أنا عارفه إنو في ماجستير بس الي أبغى أعرفو هوا في ماجستير تربيه خاصه ولا لا يعني أقصد ماجستير تخصص تربيه خاصه مو أقسام ثانيه الله يوفقك ويسهل عليك جميع أمورك أبغاك تسئلي وتردي لي الخبر الاكيد أنتظرك على أحر من الجمر ولله ماراح انساك من دعواتي.

[h.o]

انا اللي اعرفه انو الموجود حاليا ماجستير اصول التربية
ويارب يطلع فيه ماجستير تربية خاصة او يفتحوه قريب ان شاء الله

[حربية]

اللي ابغى اقوله ما ادري تعرفيه او لا

احنا في كلية الرحاب طالبات التربية الخاصة فقط لا غير ما معانا تخصصات ثانية

واللي يدرسون فيها بكالوريوس & دبلوم & ماجستير

فاهمتني ؟

فدراسة بنات الدبلوم والماجستير بتكون شي ثاني غير التربية الخاصة ؟!

[حربية]

ع اللي قالته الاخت انا ما اعرفه الصراحة بس رح اسأل ان شاء الله

اذا هو ماجستير اصول تربية او ماجستير تربية خاصة

[Trecy]

تلاقين في موقع الجامعه التخصصات المتاحه للماجستير ،، :(
السنه اللي فاتت اطلعت ع تخصصات الماجستير بس مافيها شي عدل :(
كل التخصصات قديممةة ،، والتربيه الخاصه موموجوده ،، فإذا فتحوها السنه ذي ما اعررف :(

[menaret]

حسب علمي موجود دبلوم التربية الخاصة الي يدرس بعد البكالوريس اي تخصص مسموح لهم بدراسته

[حربية]

سألت لك ي قلبي و للأسف والله ما في ماجستير تربية خاصة ولا حتى الدبلوم كلهم مو تربية خاصة .

الله يكتبلك الخير