في الصيدليه!!!

[mobarak0911]

السلام عليكم
اشتقنا لكم نبض الحروف


في الصيدليه!*
قصيده ولكن!!! كأنها سالفه!*
حبيت اشارككم فيها.*
و أتمنى تعجبكم! *
*


داخل الرياض جاي من البر و دق التليفون
هلا يمه قالت علاجي قضى مر عساك تلقاه

واقرب صيدليه تواليني وانا اوقف( أوووون)
وادخل و أردد اسم علاج امي قبل لا انساه

ويوم انتبهت الا انا وسط شلة بنات يضحكون
والتفت *يمين ويسار ويش طول الضحك وعناه

هي ثنكس وير لافينق ات سم ون ايلس قون
نيڤير نوز ذات وير لافينق ات هم. هه هه هاه

صحيح ان شكلي غلط ومن مثلي ما يُعرفون
على قولة اشلاهم كيم فروم انذر بلانت ناه*

بغيت أرد *وقلت اصبر يالله عساهم يستحون
ولا زادهم سكاتي الا هبال و قلت!! يا وجعّاه

وحارت بعيني عين اطراف اليمين ونظرة يكون
تبقى اكبر من التفاهات و فلسفة بنات الرعاه

قالت بصوت تهادى بين ضحكاتهم *بليز تكفون*
دون بي رود تو هم كوز هي لوكس لايك ذاه

قالت ليڤ هم تو مي! آي لايك وات هي دون
إن ( أ)منت يو سي هم إن بوكيت. قلت!!!! لعنٓه
*
وتفرقو بين الرفوف كلهم وبضحكهم ويعاينون
ووقفت نتاظرني وعينها تبتسم! *قلت !! هـاه*

قالت لا تواخذهم *صديقاتي تراهم يذكرون*
موقف صار بالجامعه و على دخلتك ذكرناه

وانا خبل! واقف كاني خشبه واتسمع ويقولون
لا خذيت علاج ولا حكيت ولا مشيت ولا كواه

قلبي لي بالمعاليق بين عروقي العوج مرهون
غير نبرة هدوء الصوت يوم سمعي داني جناه

قالت كان يو آي هاف يور.... ؟قلت! آز سون
خليني اخذ علاجي وعقبها بقول مافيني هناه

اكس كيوز مي! يس. آكتوس ثري. سيز انون
قالت كويس عندك بعض المبادئ هاوي اللغه؟

قلت: * عشقي ماهيب من قومك اللي يتفخون
الشفايف باللغه والا ادبهم *داري محدن رجاه

عشقي بدار الزين اليا اقبلت تمايل لها الكون
بالحياء خطواتها باطرافها لموت روحي *النجاه

ولا غرها تعليمها وعلمها بثلاث لغات او يكون
الرابعه الروسيه اللي اجهل بمنطقها و معناه

ومن عرفي لها وهي طالبه بالجامعه كما تكون
في نطقها وسمتها وعلمها مهما تزايد بمداه

مسمعتها تكلمت في بليز هني والا كيپ اون
مرحبا باللي لفا لا قالته تعاودت فيني الحياه

قالت او ماي قود قلت إي باي قود ان تبلشون
وشت آب والخلا ياضايعه لابوك لابو من*جناه

قالو غلط ليه الغلط! البنيه اللي صدرها حنون
واقول !!! سلقه ماهيب ثقه ومن حبها يا لعنباه


أبو محمد

[شهد علي]

اعجبتني القصيده بصراحه
بس الوكاد انها من نسسج خيالك ولا منقوله
لاني سمعت مثل نمط هالقصيده من لسان شاعر اخر بس للاسف ماذكر اسسمه هالحين
ياسر التويجري في احد المقابلات او راوي محمد الشرهان
والله اعلم
المهم تقبل مروري واستمر في ابداعك موفق يارب

[mobarak0911]

هلا بك اختي
اولا اشكر لك مرورك
والقصيده من كتابتي
وفي 90 % من الشعر تكون القصائد من نسج الخيال
ولكن يبقى هناك مسبب للكاتبه
اتمنى وصلت الفكره
واشكرك مره ثانيه
ابو محمد

[شهد علي]

وصلت المعلومه استمر في ابداعك
)^

[يارب رضاك والجنه]

رووووووووووعه أعجبتني ًً^^