✿!{.. آراءكم في الدكتورات |{للطالبات}ﾟ¨ﾟ*

[فروته]

هذا الترم اخذت
مبادئ التسويق 260
الدكتورة : نعيمة بوقري
نظامية لابعد حد جدا تدقق على التحضير للدرس قبل الشرح تقدر جدا البنت الي تحضر وتشارك تهتم بالالتزام و الحضور والي تغيب كثير تدقق عليها ماتحب التهاون ، طيبة جدا واخلاقها كويسة ولكن شرحها ممل سرد سرد و انقليزيتها مش تمام بس ماترضى احد يتكلم عربي بالمحاضرة ، الاختبار موحد لكن تقول اشترو الكتاب ماتعطينا لا سلايدات ولا تيست بانك ، جبناه من النت ، الاختبارات كانت اثنين من 20 و الفاينل من 40 و برزنتيشن 10 و 5 مشاركة و 5 كويزات مفاجاه ، مهم جدا للي مضطر ياخذ عندها يحضر الدرس و يشارك لو بحرفين تتحسوها انكم مهتمين بس ترى مرة طيبة وما اعطتني حرمان مع اني تعديت الحد بالغيابات

احصاء اعمال 271
مع استاذة حنان باعقيل
شرحها خرابيط بمعنى الكلمه صوتها هادي و نايم حاولت اتابع معاها ماقدرت صراحة ، ما ركزت ع الغياب برضو ، المادة مافيها تيست بانك اغلب البنات اعتمدو على اللابات و شرحها الي في البلاك بورد وعلى اسئلة الاسايمنت حقتنا وحقت السنوات السابقة طلعوها من النت ، الاختبارات بالترم حقنا كانت حدث ولا حرج ما راعونا صراحة ، كانت 25 و 25 الميد و 5 اسايمنت و 5 مشروع و 40 فاينل

محاسبه 117
مع دكتورة منال محمد حمودة
الله يسعدها يارب فين ماكانت ويرزقها من واسع رزقه ، شرحها رائع و تدخل المعلومه براسك غصب المادة اساسا يبغالها مذاكره وممارسه يعني لا تعتمدو على مداكره قبل الاختبار بيومين بس ترى مادة جدا ممتعه و الاستاذة حببتني فيها زيادة ، كانت تسويلنا مراجعه قبل الاختبارات تقريبا المراجعه كانت هي الاختبار ماعدا الفاينل ماسوتلنا مراجعه واخر شيء ادتنا كلنا بونس 5 درجات ، الاختبارات كانت 20 الميد الاول 30 الثاني و 5 اسايمنت و 5 كويز و 40 فاينل

فقه السيرة النبوية (مادة حرة)
مع دكتورة داليا النزاوي
اولا ما انصح احد ينزلها لانها ساعتين مو 3 و بمسارنا نحتاج 6 ساعات حرة فما مادتين من 3 ساعات او 3 مواد من ساعتين ، انا غلطت و نزلتها ودحين احتاج مادتين اضافيه عشان اخلص من الحرة
نرجع للمادة ، المادة طبعا اختباراتها مو موحدة فكل استاذة واسلوبها ، الدكتوره هذي ماتحضر زي الناس ياكثر ماتغيب ولا تعطينا خبر انها مي جاية و فجاه قريب الاختبارات تضغطنا بالشرح ، اسئلتها تعتمد على الفوائد المستخلصة من الغزوات او الاحداث الي صايره ماتدقق بالتواريخ والاسماء كانت بالميد تيرم بس فجاه جابت اسماء وتواريخ بالفاينل سوتلنا مشروعين واحد نكتب اركان الصلاة والثاني نلخص كتاب من 500 صفحة ولمن اعترضلنا قالت لخصوه بقروبات يعني اذا اعترضتو اعتراض جماعي تستجيب ، طبعا رصد الدرجات عندها الميد الاول بعد شهر واسبوع اعطتنا الدرجات بعد ما ناحلناها تصحح اما الميد الثاني والمشاريع ولا عرفنا درجاتنا الا لمن نزلت درجة الفاينل حطت المجموع النهائي بدون تفاصيل فما نعرف كم جبنا


والله يوفق الجميع

[joony]

^
شريفه جدا ممتازه
عيشه مااعرفها

[ro7i Leek]

بنات انا جارتكم من قسم الادارة العامه

ونزلتلي مادة البحث والتدريب مع دكتورة نهال الجندي

بليييز قولولي كيف اسلوبها؟ والي تعرف ساعاتها المكتبيه لا تبخل علي :)

[joony]

^

دكتوره نهال

لا في الدرجات ماشاءاالله عليها

اخدت درجة توب وانا مااتوقعت النجاح اصلا في مادة محاسبة 117

الحمدلله بس وضحيلها انك مهتمه وبتسألي وتستفسري وهيا مابتقصر معاكي

[girl.k.s.a]

بسم الله الرحمن الرحيم

نرجع لموضوعنآ الجميل

رآح أتكلم عن الدكاترة اللي درسوني والموآد ورأيي طبعاً

نبدأ بالدكتور خآلد ميمني أنا درست عندو قبل كدآ ورآح أنزل لكم كلامي قبل وبعد

قبل :

المشاركة الأصلية كتبت بواسطة girl.k.s.a السمستر التآني الي قضيتو في كلية الاقتصآد والإدآرة ,, أخسسسسسسسسسسسسسسسس سمستر =( الحمدلله بس .. المهم إدآرة 220 أنا أخذتهآ مع د. خآلد الميميني الله يسعدو < بعد إيش خخخخ المهم هوآ كآن يعطي كل محآضرة هومورك هع بس صرآحه يفيدنآ في الدرجآت بإذن الله تكون الدرجآت حلوة +_+ الشرح تبعو مشي الحال أو يمكن أنا ما أعرف انقلش عشآن كدآ جآلسه متنحه في الكلاس أو أهرج مع سآمو خخخخخ ’’ اختباراتو مرااااااا تجنن أسئلة يحددهآ لنآ ونذآكرهآ وتجي تيبكل وكمآن الصح والخطأ أحيان مع التصحيح مو دايما على حسب المزآج هع والصح والخطأ في الموقع تبع الكتاب موجوده ’’ بس أحيآن يغير في كم سؤال يشقلبهآ ,, بس برضو الاختبارآت تبعو حلللللللللللوة أفضضضضضضضضضضضضل من سجآد حيدر يعطي 60 فقرة وأحسهآ صعبة مو وآضحه لو الشباب ربي يوفقهم وآحد وآحد ما صورو لنآ ..... ما كآن دحين نحنآ بخير ,, ربي يوفق كل طآلب وينجحو ويسعدووو ويجعلو مبسوط بالإجآزة والمعدل ويعوض الشباب البآقيين في السمستر الجآي .. والطآلبآت كمآن أكيييييييييييييد نفس الدعوآت =_= ,, ^

بعد :
أول شي المآدة : سلوك تنظيمي + موارد بشرية وكل مادة لها رأي خاص
السلوك التنظيمي /
كالعادة الدكتور يحكينآ شويآ عن الخبرات السابقة وينصحنآ إننآ نقرأ في الإدارة كتير ونطور لغتنا كمان
بالنسبة للشرح زي ما هوآ يقرأ السلايدآت وفي كم حاجة يناقشنا فيها أحياناً يعني عشان نشارك وعشان
الكلاس ما يكون ممل يقول أشياء مهمة ويقول حتجي في الاختبار صح أو خطأ أو يقول مقالي
أحيان تصيب وتجي وأحيان تخيب لكن الغالب يصيب ويجي في الاختبار من جد
الدرجات الحمدلله صار يصحح بدري ويجيبها بدري ما اقدر أحكم على الدرجات لأني مآ كونت
أذاكر مزبوط للأسف ودرجاتي مشي حالك ممكن البنات يفيدوكم من ناحية التصحيح
الأسئلة موحدة طبعاً المقالي اللي في الدوريات كآن سيء للأسف لكنو موحد يعني ما نعرف
مين بالضبط اللي حط السؤال !!! الاختبارات عليها 30 درجة و 30 في يد الدكتور ، للآن مآ نزلت
النتائج لكن أتوقع إنهآ طيبة أعطانا مشروع جماعي + كل نهاية شابتر نحل كيس ستدي
من الكتاب + المشاركة لأنو يحفظ الأسماء عندو
والفاينل 40 درجة كانت مدري كيف صرآحة بس في سؤال جانا هدية من الله وأتوقع
هوآ حطوآ لنآ لأنو في الدوريات كان يقول شدوآ حيلكم في ناس حترسب الدرجات مرا سيئة ، وهيا فعلا
سيئة جايبين 5 من 15 < مو أنا الحمدلله وحآول الله يسعدو إنو يكون مافي مقالي
عشان درجآتنآ لكن ما جآبوآ خبروآ الدكاترة التانيين حسبي الله بس
المهم قاعدة الدكتور اللي قالها إنو أنا أعطي الطلاب المنهج وهما يتصرفوآ ويذآكروآ باجتهادهم
يعني مو زي الباقيين يجروآ ورى الطلاب لالا عند د. خالد كل وآحد يجري ورى مصلحتو
اممممم السمستر هادا أتحسن عن أول الحمدلله لكن للأسف ما يرد على الايميلات بس على الجوال
والواجبات تبعنا ما كانت بتوصل عشان المشرفة الفالحة ما توصلها بنفسها
أعطي الدكتور 9 من 10 و والواحد عشان يعطي المنهج سريع يعني ممكن شابتر في كلاس
أحس ما ينفع لأنو حفظ لو أحد يبآ يرجع البيت يذآكر مآ حيقدر يحفظ 66 سلايد
الحضور والغياب يحاسب عليه كتير وما يحب أحد يتأخر عن الكلاس بـ ربع ساعة تقريباً
والبنات تحضيرهم عند المشرفة .. ننتظر النتائج ونحكم بالحكم الأخير


الموارد البشرية برضو د. خالد /
نفس الطريقة في توزيع الدرجآت 30 هوم وركز بدون مشروع لكن كآن في تقرير نهاية السمستر نكتبوآ
عن المؤتمر العلمي الأول وكان عليه 10 درجات حتى في السلوك كمآن
الشرح نفسوو نمشي شابتر كامل في كلاس عادي الوضع طبيعي متعودين
وبالنسبة للمشاركة مرآ قال أسماء الطالبات عشان يجآوبوآ لكن محد جاوب خخخخ
وبرضو يحفظ الطالبات اللي دآيمآ يشآركوآ وأحيآناً يقول للشباب لحد يجآوب عشآن نعطي الطالبات فرصة
المشاركة ، وأي شي يخص الاختبار ما يدري عنو أبداً الأسئلة تجي من د. سآمي خآن وأحيآن الدكتور
مآ يكون مركز ونآخذ أشياء زيادة ونذآكرهآ ومآ يجي منهآ ، بعد كدآ كلمنآهـ أي شي عند سآمي نبغآه
قآل موآفقين يعني تقريبا المادة كآنت في يد د. سآمي خان الحضور نفس السلوك
برضو ننتظر الدرجات ونحكم ..
ملاحظة : الدكتور مآ يحوب أحد يعمل حركآت عبيطة

تحليل كمي الأعمال مع د. غادة جمعة /
ليآ بآك
قانون تجاري مع د. أمل شلبي /
ليآ بآك

[Y2K]

1- تمويل عند الدكتور حسام الملكاوي : الدكتور بصراحة كشرح كان كويس و في الاختبارات ساعدنا و اعطانا القوانين في اول اختبار رغم انو الدكتور العيادي كان معارض الفكرة , الدكتور يحب الي يحضر معاه و يشارك راح يكرمه بالدرجات , اما قليل الحضور و المشاركة ما يساعده ابدا هذا الي انا حسيتو يعني الدكتور اعطيه 7 من 10

2- النظم عند الدكتور محمد يمين : النظم اكثر مادة كنت مستسهلها و اكتر مادة جبت فيها العيد بسبب اختبار البنات , الدكتور مزااجي لابعد الحدود احيانا طيب و احيانا يجي مو طايق احد , في الدرجات يساعد و يعطيك بورتفوليو تسلمو في نهاية السمستر و ما يعطيك الدرجة عليه لحالو يشوف حضورك كمان , متشدد في مسألة الحضور و الغياب , في النهائي ضحك علينا قال ذاكرو من التست بانك ما راح اسمح لقسم البنات يحطو الاسئلة و ذاكرنا التست بانك و لااستفدنا شي بصراحة مرة انقهرت من الحركة و كرهت الدكتور اعطيه 5 من 10

3- اعداد التقارير عند الدكتور الفلسطيني و الله نسيت اسمو هههههه : كانت شعبتنا تداوم احد و ثلاثاء 4 ساعات يومين اسبوعيا , الكتور طيب لابعد الحدود و يبغاك تتعلم , صراحة استفدت منه علمنا كيف نسوي برزنتيشن زي الاودام , و قلنا ما راح اعطي اي احد دي ان رغم ان في نااس كثير المفروض ياخذو دي ان و انا واحد منهم , و كان يعطينا دايما بونس بعد كل اختبار دوري , بس الكلاس حقو ممل جدا لانو باارد عشان كدا الغياب كتير اعطيه من 9 من 10

4- سيرة نبوية "مادة حرة" عند الدكتور محمد باعامر : دكتور باعامر يحب يمدح نفسو كتير يمكن نص الكلاس يجلس يمدح نفسو و ايش سوا طفشنا بصراحة .. بس من ناحية درجات و مساعدة طلاب و شرح كويس في الاختبار النهائي قال لكل طالب عندي 10 درجات زيادة من عندي هدية الدرجات موزعة على اختبارات دورية و نهائي و بحث عن احد الخلفاء الراشدين و اختباراتو سهلة الفاينل بس جاب لنا صح و خطأ و ضع دائرة ما جاب مقالي اعطيه من 8 من 10 , الدرجتين نقصت عشان مزاجيتو في الكلاس و هرجو الي مالو لزمة

[Basmah.t.b]

بنااااااات اللي حتتخصص محاسبة لا تاخذ محاسبة متوسطة عند الدكتور علي الذنيبات لأنه جدا جدا سيء ، حسبي الله ونعم الوكيل فيه

[joony]

^

اوافقك الرأي


:)

[Frish flower]

السلام عليكم ورحمة الله .

نبدأ بسم الله ...

محاسبة 213 (د. سحر الجبروني ) قمة في الروعة ، ماشاء الله عليها شرح مزبوووووط +قمة الاخلاق .

اقتصاد كلي 203 (أ/حنان الجشعم ) طيبة وشرحها عادي مو مرة ، الحلو فيها انها كريمة في الدرجات .وتعطي بونسات .

مبادئ ادارة الأعمال (د. رنا ديفيا ) مادة مررررة موحلوة ، الدكتورة مرة طيبة بس ماافهم شرحها .

انقلش متقدم 202 (أ.عيشة أحمد ) الاستاذة فله وطيبة وفرفوشة بس ماتهتم بدرجات البنات .



بالتوفيق يارب .

ياليت تخبرونا عن دكتورات السمستر الخامس ^_*

[عطر القصيد]

د\ديبــآ - سلوكـ تنظيمي ..
في الشرح ممتــازهـ جداً جداً ،طيوبهـ وأخلاقهــا زي العسل ، الدرجــات تعطيكـ حقكـ بالملي لاتزود ولاتنقص
د\غــآدة جمعهـ -تحليل كمي ..
شرحهــا سريع جداً اقدر اقول عليهـ جيدجداً ،طيوبـهـ ،الدرجـات اممممممم كريمــة شوي اسئلتـها " السهل الممتنع "
د\أمــل شلبي -قـآنون ..
شرحهــا ممتاز ،اخلاقهــا ع حسب نفسيتهـا إن كانت تمام تلاقيها بشوشهـ والعكس صحيح ،الدرجــآت بالملي ، اسئلتهـا سهلهـ بس يبيلها صياغة زينهـ (لأنه الأنقلش عندهـا ركيكـ ) بالتالي مانفهم السؤال وش يبي فنجيب العيد في الأختبار
د\سامي خـآن - موارد بشريهـ ..
الشرح سئ ،تعاملهـ معانا مو ذاكـ الزود كـان دايم يطنشنـا لما نكلمهـ ، اسئلتهـ متوسطة يعني موب سهلهـ ولا صعبهـ ( اللي يذاكر زين يحل إن شاء الله )


وبس ..موفقيـــن إن شاء الله ’