هل يحق للموظف الخاص أستلام المرتب في الاختبارات ..؟

[shehab-02]

السلام عليكم ورحمة الله وبركاته

أخباااااركم مع الاختبارات !! الله يوفق الجميع أن شاء الله

حبيت بس أستفسر عن راتب الاجازة الجامعية
انا العام اخذت الاجازة اسبوعين أفادة من الجامعة ولمن جيت أستلم الراتب اتفاجأ بأن راتب مخصوم أسبوع وحاسبين اسبوع بحكم المواد الستة موزعة في فترات من الاسبوعين يعني الايام الي ماعندي اختبار اداوم تعجيز على كيف كيفكم حتى مذاكره مايبون

المهم بعد مناقرة ومشاكل اخذت حقي كامل بحجة انهم مابلغوني وقت ماقدمت على الاجازة واتفقت مع مدير شوؤن الموظفين باني الترم الجاي اخذ حقي كامل
جيت امس اقدم الاجازة حق الترم هاذا وقلتله بالله لاتخصموا راتبي زي ماتفقنا العام
رد عليا وقال اي اتفاق راح نحسب عليك اسبوع فقط قلتله وكلامك اول قال اذا احنا اتفقنا فانا اهبل
قلتله والله كلامك هاذا بختصار انه اهبل
قعد يتعذر بأنه هاذا نظام مكتب العمل اسبوع حسب المواد والمشكلة في كثير يستلمون رواتبه كامله بس ماحبيت اقارنهم معايا عشان مادخلهم معااي في المشكلة


هل صحيح نظام مكتب العمل انه يكون مرتب العمل لمواد الاختبار وليس مدة افادة الجامعة ؟؟
هل القطاع الحكومي يأخذ راتبه كامل ياشباب ..؟
وهل الي مثلي في القطاع الخاص اخذ راتبه كامل اسبوعين ؟؟

الي قاهرني حتى الدورة تأهيلية حرموني منها عشان دوامي مسائي طيب انت دوامك صباحي سهل لي اموري المفروض شوية تعاون لكن للأسف راسهم يابس


يليت الاجوبة ومشكورين

[كيفــي !!]

مرحبآ أخوووي بالنسبه للقطآع الحكومي يآخذون المرتب كآمل .. وإجازة الأختبارات مآتعيق الموظف بإجاراته الرسميه
الي إختباره بنفس المنطقه يداوم نص دوام إذا كآن مديره نآشب له ........ وأكثرهم يآخذ إجازة من بداية الأختبارات حتى نهآيته ,, يعني يآخذ إسبوعين ورآتبه كامل ,,, اربع مستويآت مرت علي وآنا آخذ إجازة وراتبي مآشي " وهذا أول مستوى لي بعد مآفصلت من عملي السآبق ــ,,

ومآ أقدر أفيدك بالقطاع الخآص ونظام مكتب العمل .. ما اعرف نظآمهم ،

[shehab-02]

شكراً على الرد يالغالي
والله بديت اشك انها مؤامرة الشركة ذي ههههههههههههههههه
وماضني في قانون من مكتب العمل يخالف مدة افادة الجامعة
شكل الموضوع طقطقة على الموظف الغلبان

حسبي الله ونعم الوكيل

[y-o-y-o]

السلام عليكم
ادري اني داخله عرض
بس في نظام العمل والعمال يحق للموظف في القطاع الخاص انه ياخد اجازه مدفوعه الراتب لمده 10 ايام
دور في موقع وزاره العمل على القرارات وحتلاقيها
وادخل في عينهم واذا مارضيو روح اشتكيهم في مكتب العمل

[عبدالرحمن101]

السلام عليكم ورحمة الله وبركاته

الجواب على استفسارك بحكم الخبره والمرمطه الي مريت فيها

اولا اذا كنت ماخذ اذن من عملك بانك راح تدرس انتساب ووافقو عليك ففي الحاله هذي تقدر تاخذ اجازه اختبارات والراتب ماشي
واذا كان اختبارك في منطقة غير المنطقة الي انت فيها اجازتك تكون من اول يوم لك فيه اختبار لاخر يوم ان شاء الله اسبوعين
اما اذا كان اختبارك في نفس المدينه فاجازت اليوم الي عليك اختيار فيه فقط وهنا نقدر نقول ترجع لمديرك

لان اجازة الاختبارات فيها امر ملكي يجبر رب العمل على اعطاء مرؤسيه اجازة اختبار بشرط عدم الحاق الضرر بالمنشاءة ( يعني يكون لك بديل اذا رحت )

والله اعلم

وعلى طاري اشتكي عليهم ...... راحوا الطيبين،،، لا حياة لمن تنادي من واقع تجربه

والله يوفقك ويسعدك

[ساحر البسمه]

عني انا شخصيا مارضي المدير يقول نعطيك اجازه اذا كان في مجال تخصصك اما في غير مجال تخصصك ممنوع الاجازه .. وقريت تعميم بالشي ذا ..


مع اني سنه تحضيري .. مادري كيف القوانين الي تطلع من روسهم ..

وموفقين ..

[shehab-02]

شاكر لكم ردودكم

يعني الدعوة مزاج على حسب المدير ..
بنحاول مع الادارة والله المستعان

[shehab-02]

لقيت قانون مكتب العمل

الباب السادس
شروط العمل وظروفه

الفصل الرابع
الاجازات

المادة الخامسة عشرة بعد المائة :
للعامل المنتسب الى مؤسسة تعليمية الحق في إجازة بأجر كامل لتأدية الامتحان عن سنة غير معادة تحدد بعدد أيام الامتحان الفعلية .

تباً لهم

[Miss lavender]

سوي استشارة في ملتقى كلية الحقوق .....الي درس مادة قانون العمل والتامينات رح يقدر يقلك وين حقك بسهولة

[الشاطر عباس]

حسب نظام العمل يحق للموظف اخذ إجازة أختبارات في الايام الفعليه للاختبار اما في حال لم يكون على الموظف اختبار يتم اخذ من رصيده السنوي اما يقوم في استقطاعها عن طريق الراتب في عدد الايام التي تم اخذها

على سبيل المثال السبت أختبار والاحد أختبار والاثنين مافي اختبار والثلاثاء اختبار

يتم أحتساب لك السبت والاحد والثلاثاء وتدفعه اجرها كامل
اما الثلاثاء يتم اخذها من رصيد إجازاتك السنويه اما في حال عدم توفر رصيد لديك يتم أستقطاعها من راتبك

تحياتي لك