عدد ساعات المواد الحره..!!!!

[i still feel ya]

السلام عليكم ورحمة الله وبركاته
مسائـكمـ // صبـاحكمـ ورد
ياجماعه بليز محتاجه حد يفهمني كيف اعرف ازا كنت تجاوزت يمالاء عدد الساعات الحره اللي عندي..؟؟؟
دحين انا من دفعة 2007//مستوى رابع لغات اوربيهـ
..
خلصت العربي الاتنين والحاسب الاتنين ومهارات الاتصال..والثقافه1.2 ودحين اضفت3
بيلز كيف اقدر احسب عدد الساعات..فهموني الله يدخلكم الجنه..

[بوليمر®]

دفعة 2007 مطلوب منهم 9 ساعات حرة ،، والظاهر انك لحد دحين ما اخذت ولا ساعة حرة

المواد الي ذكرتيها كلها متطلبات الجامعة والكلية تلقينها هنا على دا الرابط

http://art.kau.edu.sa/content.aspx?S...www.kau.edu.sa

[نتال]

شكررررا لك بوليمر

[i still feel ya]

مرحبا بوليمر...
الف شكر لكـ..بس معلش انا مره مو قادره استوعب.. بعد ازنكـ.. ياريت تقدر تفهمني ..بليزززز
دحين الساعات المسجله عندي 37 والمكتسبه 31
ودي الخطه حقتي..

دول المواد العامه او اللي درستهم في المستويين الا في الاول ومخلصتهم..
ELCA101
ELCA102
ARAB101
ARAB201
COMM101
ISLS101
ISLS201
CS100
IS102
^^^^^^^^^^
دحين المادتين دي..اتغير اسمهم ولا كيف..لاني اختبرت فيها كان اسمها كدا..وبعدين في الخطه طلعتلي اسماء جديده..اعمل ايه!!

بليز اي حد يفهمني انا مره والله مو مستوعبه شي...

[i still feel ya]

,وووي ياجماعه فينكم بليز والله مو فاهمه شي دحين الناس ماشيه صح وانا متبهدله...
الله يدخلكم الجنه حد يفهمني...

[assj]

عيني انا بعد متلخبطه بس الحمدلله لان صارت الامور واضحه عندي لان كل موادي الي باقيتلي قليله

نصيحتي لك اما تروحين الجامعه هالايام وتفهمين من مقر كليتك او انك ماتاخذي اي ماده حره او اختياريه هالفتره وتكتفي بموادك الاساسيه واخر سنه شيكي الي لك والي عليك

[i still feel ya]

,والـله مااعرف ايه الحل..
المصيبه انا من برا جده..
حتى الدوره احتمال مااحضرها وعجزت اتصل عليهم مافي احد يرد..الله يقرفهم..

[دكتور دولي]

الساعات المسجلة ..هي مجموع الساعات التي تنزل لك كل ترم ومن جدولك واضح أنك نزل لك 37 ساعة(من أول ترم الى الترم الماضي )
الساعات المكتسبة ..هي مجموع المواد أو الساعات التي اجتزتها أو نجحت فيها بالأصح وهي 31 ساعة ،، يعني كان عندك رسوب في 6 ساعات ..

يعني لو نزل لك الترم الأول 15 ساعة ..تكون هذه هي عدد الساعات المسجلة ،،
وقدر الله ورسبتي في مادة عدد ساعاتها 3 ساعات ... تكوني انت اجتزت ونجحت 12 ساعة من ال15 وتسمى ساعات مدروسة

بالنسبة للمواد الحرة والاختيارية ،،، عدد الساعات المطلوبة دراستها هي 15 ساعة
وهي موجودة في الخطة بمسمى اختياري 1 و اختياري 2 أو حرة 1 وووو..

هذه اجابة ما فهمتوا من سؤالك ..

وبالتوفيق ،،،

[i still feel ya]

وي ..
دوك اش الهرجه دي..عدد الساعات الحره 9 بس
انا بسال دحين كيف اعرفها المواد الحره ؟؟؟؟
ياجماعه حد يفهمني..

[دكتور دولي]

المشاركة الأصلية كتبت بواسطة i still feel ya وي .. دوك اش الهرجه دي..عدد الساعات الحره 9 بس انا بسال دحين كيف اعرفها المواد الحره ؟؟؟؟ ياجماعه حد يفهمني..

المواد الحرة ،، هي مواد تختريها من أي كلية بالجامعة وعدد ساعاتها من 6 الى 9 ساعات حسب دفعتك (( 06 / 07 ......))
كيف تعريفها ؟؟
تسأل الطلاب والطالبات عن أسهل مواد حرة وتضيفها إما عن طريق ارسال معاملة الكترونية متضمن طلب اضافة المادة الحرة التي اخترتيها ضمن الجدول (( طبعا ترسلي اسم المادة ورمزها )) ..
نفرض أنك اخترت مادة العلاقات العامة من كلية الإدارة وتبغي تنزليها كمادة حرة ..
ترسلي معاملة الكترونية تطلبي منهم اضافة العلاقات العامةpad461 لجدولك كمادة حرة
أو تجدين قائمة بالمواد الحرة المتوفرة حاليا في قائمة الحذف والاضافة باللون الأزرق ..(( يعني موجودة جاهزة في القائمة بس تعملي اضافة فقط ))