ابغى ادرس عمارة بس انا بنت :/

[Koke-07]

المشاركة الأصلية كتبت بواسطة heba. السلام عليكم انا من يوم ماعرفت نفسي وانا حابة اكون مهندسة معمارية ونفسي حلمي هادا يتحقق في يوم من الايام وكم مرة عملت اختبار تحديد ميول يطلعلي هندسة معمار بس اهلي وصحباتي بيقولولي مو مناسب للبنات و وحدة صحبتي بتدرسو فجامعة عفت تقول انو مرة متعب لدرجة انها تجلس مواصلة يومين ع البحوث والواجبات حقتهم بس لانو ميولي فنية و انا رسامة اكيد حيناسبني تتوقعو ممكن يفتحو دا التخصص السنة الجاية او اللي بعدها ؟؟؟

بعتذر يا أختي على تأخر الرد ,,أنا دائماً مع التمسك بالطموح لأنه هو الي أكيد بننجح فيه . بصراحة عجبني إصرارك على عدم تخليك عن طموحك وحلمك , لكن الظروف ماتساعدنا أحياناً ولا أتوقع إنه محتمل يفتحو تخصص العمارة للبنات بجامعتنا الموقرة قريباً.

العمارة ما يعتمد على الرسم أكثر من الإبداع والتفكير المعماري والإحساس الفني .
أكيد حيخدمك الرسم وهذي موهبة قليل من يتقنها من هم معماريين .

وبما إن تخصص العمارة غير موجود إلى الآن بجامعتنا , وبرأي المتواضع فأفضل خيار لك يا أختي التصميم الداخلي لأنه قريب من العمارة وبيعتمد على الفن والرسم والإبداع . أو سجلي بجامعة عفت واتمنى قبل كذا تستفسري عن الوظيفة .

بكليتنا بندرس خمس سنين ( سنة عامة بالكلية +4 سنوات تخصصية ) وقبل كذا السنة التحضيرية .
ومثل ما سمعت حيلغو سنة .

استخيري وتوكل على الله . بالتوفيق