اخواني واخواتي احذرووو!!!! على ذمة د/بندر فطاني

[اتحادي منتظم]

السلام عليكم ورحمة الله وبركاته
مساكم الله بالنور والسرور , للاسف لا اجيد المقدمات راح ادخل على طول في موضوعي . انا كل يوم اسمع واحد يجيني بخبر جديد عن التسكين وتحديد التخصصات وبالتحديد المعدلات!!!!للاسف كل يوم واسمع اشاعة مالها اساس ولا جزء من صحتها وكلها لتحطيمكم انتم ياللي تقرؤو موضوعي! نعم تحطيمكم ولا ابالغ في كلامي , لان هذآ الوآقع المر اللي حاصل امامنا ~ للاسف اليوم كنت مع احد اصدقائي وزملائي , فسئلتهم عن مستقبلهم وطموحاتهم , للآسف انصدمت بآجآبآت محبطة ~ اللي يقولي 80 طالب جابو معدل جي بي اى 5 من 5 ومافي امال وكل الاحلام تبخرت واللي يقولي 150 طالب!! واللي يقولي 200 طالب معددلاتهم كاملة ونصهم بالواسطه يعني يقصد 100 طالب معدلاتهم مو بمجهودهم,~ زبدة الكلام اللي يقولك كدا قله انت كذاب لان ربي اعطانا عقل نفكر فيه ومو اي كلام نسمعه نحطه في بالنا على انو صح وهو اصلن مالو اساس من الصحة وكله من وكالهيقوولوون!!!!! , انا اليوم بنفسي رحت لمديير عام وحدة السنه التحضيرية الدكتور بندر فطاني وآخبرته عن هذي الاقاويل والشائعات , وقال لي بالحرف الواحد ,, اقسم بالله ان كل هذا الكلام اللي تسمعه كلله غلط في غلط , وهؤلاء اشخاص هدفهم تدمييرك انت اللي تقراموضوعي واحباطك وتحطييمك واستسلامك هذا هدفهم انهم ينشرو شائعات,
وقالي ان هذا الكلام يتكرر كل سنة وللاسف كثير من الطلاب تتدمر احلامهم بسبب الاشاعات هذي!! باختصار نصيحة مني اللي يجي ويحطم فيك ويقلك دفععه دافورة قله ابلع العافية وسوي نفسك اهبل ولا كانك سمعته خلييه يتكلم مع نفسه ويفضفض في الهوا لانه مسكين همه ان يحطمك! عذرا على الاسلوب اللاذع والقوي لكن حررااااااام قدام عيني ناس معدلاتهم فوق 4.5 ويقولي انا فقدت املي ومن هذا الكلام , اتمنى انكم بس تستفيدو وكللل واحد يضغط على نفسو بآقصى ماعنده لان ما بقي من الترم اللي ايام قليله وتنتهي المعركه ويظهر كل شي على حقيقته!!!! اعتذر جددا جدا على الاطاله , وربي ييسر لنا ويبارك لنا ويوفقنا يارب ويبعدنا عنا الحاسدين ويحفظنا من كل شر , تحياتي/فييصل~ والسلام علييكم

[رهف عبدالعزيز]

الله يسعدك فيصل انت صادق كثير عندنا بنات يحطمون
ويخلونك تفقد الثقه في نفسك وبقدراتك زي الي يقولون 400 بنت جابت 5 من 5 واحلامنا تبخرت وماتستفيد شي الا انها تحطم ويمكن بهدف منها
والله العالم
اتمنى ياعيال ويابنات انكم تتقون الله في الي تقولونه حرام عليكم تحطمون احلامنا الي تعبنا عشانها
قل خيرا او اصمت .....

[mohammed al-jehani]

مشكور يا اخ فيصل ومن جد هذا الكلام الي صاير والمشكلة الي يقلك يزبط الكذبة و يقولك انا سألت مدري مين عشان تصدقه وللاسف هذا يروح يقول لهذا وتستمر الاشاعة
الله يوفق الجميع ويسهلهم امرهم وشدو حيلكم مابقي شي كلها غمضت عين و نخلص

[قياس ×]

المشكلة ان كنت اسمع هالكلام في البداية وطنشت ... لكن فيه من زملائي قالي في الاسبوع الارشادي قالوا 150 طالب من 5 من 5 !!


يعني حتى الاسبوع الارشادي فيه تحطيم للطلاب ؟؟؟؟؟ كويس اني ما حضرته ... شيء جدا غريب ..


لكن الحمدلله مستوى الطلاب قدام عيوننا ... وكلام الدكاترة مصداقيته اعلى بكثير ... ولا تنسون كلام oxo .


وللمعلومية احد اصحابي ما حالفه الحظ في الترم الاول وجاب نسبة 88 ووده بطب وجراحة ... رح لنفس العميد وقله نسبتي تدخلني ولا لا ... قاله فيه امل وشد حيلك وارفعها ... لا قاله معدلات عالية في الطب ولا شغل تحطيم مثل الاسبوع الارشادي .

مهما كانت نسبتك نازلة شد حيلك واتركك من كلام الحاسدين .


الله يوفقنا اجمعين وندخل التخصص الي نبغاه : )

[قياس ×]

على فكرة ... اشاعة طلاب 5 من 5 ... كانت في البداية اول ما سمعتها 200 طالب ... وبعدين اتغيرت الى 150 طالب هههه


عشان تعرفون انها مجرد اشاعات للتحطيم .

[Mohand.Gh]

انا الحمدلله من يوم ما يقولولي اشاعه زي كذا ما اصدق وكنت حاس انه كل سنه يقولون زي كذا

لاني اعرف واحد تخصص هندسه يقول كنتم زينا بالضبط وكنا نقول ما احد يقدر يدخل وزي كذا وبنتحطم وبنسحب ومن ذا الكلام

يقول يوم كنت ف التحضيري كنت احسب اني ما راح ادخل الهندسه وكل الطلاب دوافير ومدري ايش ولكن طلع العكس مع انه الادمي درجاته مو ذاك الزود معدله العام ( التراكمي ) الفصلين يعني كان 4 وهوه الحين الحمدلله داخل هندسه

عشان كذا نصيحه لا تسمعون لاحد


دعواتكم

[3zzouzz]

السنة التحضيرية ... سنة الاشاعات
وهذا الامر معروف !!

[قروشـ]

بارك الله فيك يا فيصل وشكر الله لك جهدك وسعيك في تطمين اخوانك الطلاب

[roleat99]

خمسة نجوووووم ي بطل ، دايم اسمع هالكلام الله يعديها على خير

[Lujain :)]

-


حقيقة والله =)

( رهف عبدالعزيز ) إن شاء الله ماتكوني تقصديني =)
حقيقة انا سامعه هالكلام من بداية الترم وكنت متوترة , مع ذلك سكت
بس لما شفت واحد من العيال قال عدد اللي جايبين 5 قلت خلاص اجل الكلام اللي سمعتو صح : )

يعني حرام مو كل شخص يقولك شي معناه إنو هو يبغى يحطمك !
ممكن يكون اساساً متحطم ويبغى احد يطمنه ..

بس في الأخير كلو قضاء وقدر , مهما سمعتو من كلام سواء كان كذب آو حقيقة
في النهاية حتدخل التخصص اللي مكتوب لك .

ربي يوفق الجميع .. وشكراً اتحادي ع النصيحه ..
* على فكرة الخط اللي مستخدمه مره صغير ويحول :p