نصائح تتعلق بمادة القراءه lane 212

[مروره]

بسم الله الرحمن الرحيم

السلام عليكم ورحمة الله وبركاته ...

من فتره وانا حابه اكتب هذا الموضوع ....
وقررت الآن أكتبه على عجل....وسامحوني ع القصور
أريد أن يستفيد الجميع .....

أعلم أن هناك الكثير ممن يعانوا من هذه الماده ...ويوجد عدد لاباس به ممن حملها :(
انا عن نفسي نجحت ع الحافه :( ولله الحمد
وأود أن أقدم ما أستطيع تقديمه للجميع وإن كان .قد لايشكل أهميه أو فائده للبعض...
المنهج مو مستحيل ولا صعب ^_^..هو بس يحتاج منك تعرفي أساسيات المذاكره ...
هوا فقط بيوضح لك الخطوط العريضه للمذاكره والباقي عليك
طريقة مذاكرة الماده ...للمعلوميه ...انا أخذتها مع مس آلاء المحمدي واستنتاجاتي بناء على طريقة مس آلاء ...وما اعرف عن مس شادن او عن طريقتها شي
_أهم مافي الماده انها تحتوي على استراتيجيات ..والمهم فهم هذه الإستراتيجيات والتطبيق على القطع الموجوده في الكتاب ...._مهم تتعلمي كيف تطلعي main idea وهذه تتعلميها من الممارسه الكثيره لنفس الإستراتيجيه ...
في البدايه تحسي ايدك ثقيله ومو عارفه اش تكتبي ...بس مع الأيام تتحسني ...
فيه مهارات لاتقل أهميه عن المين ايديا كمان ..الأهم الممارسه للإستراتيجيات
والتمارين ليست إلا مساعده للتطبيق العملي للإستراتيجيات ....
_توجد كلمات اكاديميه في كل قطعه تحتها خط ...الافضل مذاكرتها ومعرفة معناها كي تساعدك فقط في فهم المعنى العام للقطعه ...
_لاتترجمي القطعه كلمه بكلمه لأنه هذا مضيعه للوقت ليس إلا ....
_خطأي إني حاولت أركز على القطع الموجوده في الكتاب وحاولت أركز على حل الأسئله المتعلقه بيها والكلمات كنت أرددها من بداية الترم لنهايته...وضيعت وقتي ...وفي الإختبار جات قطع خارجيه والأسئله كذلك (ولكن بنفس طريقة الكتاب)..
_بالنسبه لمرادفات الكلمات او عكسها أسالوا مس آلاء اش مطلوب منكم بالضبط ...لأنه عن نفسي حاولت أحفظ مرادف لأغلب الكلمات وفيه اشوية مرادفات موجوده في الكتاب الباقي حصلت عليه من موقع اعطتنا اياه وفي الإختبار طلبت مننا المرادفات بطريقه مااتوقعتها ...وهي أن تجيب لكل كلمه وتطلب تطلعي مرداف للكمله من السطر الثالث للسطر الخامس في القطعه الموجوده في الإختبار <<مثلا
أذكر إنها جابت 4 فقرات من هذه و2 منها بالأساس موجوده في الكتاب ....
_ركزوا مع المس واطلبوا منها تفهمكم اش تذاكروا بالضبط وكيف تذاكروا الكلمات الأكاديميه
واش الإستراتيجيات المهمه...تحسوا الموضوع في البدايه صعب ويمكن ماتفهموا بسرعه بس مع الأيام تبداي تتحسني وتفهمي
_حاولي تنمي قراءتك الخارجيه وتتعرفي على مصطلحات لأنه هذا شي حيفيدك في الإختبار وحيساعدك تفهمي المعنى العام للقطعه (بدون قراءتها ككل )بس تخرجي الإجابات الملطوبه وهذي مهاره تتعلميها أيضا ...
_راجعوا قسم الملخصات وادخلوا ع الموضوع المثبت اللي يحتوى على كل مايخص منهج college
وحتلاقوا أشياء كثير تفيدكم ....
_بعد الإنتهاء من المذاكره حتلاقوا في المنتدى أسئلة السنوات الماضيه لازم تتطلعوا عليها ...حتفيدكم كثير بإذن الله
ولا ننسى أولا وأخيرا الأخذ بأسباب النجاح ...
رضى الله والدعاء وبر الوالدين والصدقه بقدر ماتستطيع ومساعدة المحتاجين هنا في المنتدى وفي كل مكان بقدر ماتستطيع ....
والإجتهاد ولا ننسى أبدا الإجتهاد من بداية الترم ...لكل مجتهد نصيب ياجماعه ...
سبحان الله ربي مايضيع تعب أحد ...إذا اجتهدت وعملت بالأسباب حيكون النجاح حلفيك بإذن الله بتسخير من الله ........
المنهج اللي بيدك مايعلمك اللغه ..ولذلك محتاجه تقوي لغتك خارج المنهج ,,,
ملاحظه ...
لاتطلبوا من مس آلاء تتكلم بالعربي ترى ماترضى أبدا ^_^
الأفضل تركزوا معاها وهيا تتكلم وبس

وأي سؤال لكم حطوه في المنتدى من بدري ..لأنه لما تقرب الإختبار الكثير يكون مشغول بالمذاكره ومحد فاضي يجاوب :)

أخيرا ...أسال الله أن يوفقني وإياكم لنيل أعلى الدرجات في الدنيا والآخره .....
وأتأسف على الإطاله

[هيدرجينيا]

اجزلتي فالعطاء وكفيتي ووفيتي .. شكرا عزيزتي

[nour al3mr]

وعليكِ السلام ورحمة الله و بركــــــاته

الله يعطيكِ العافية مــروهـ و يبارك بعملك :)

[مروره]

الله يجزاكم خير ويوفقني وإياكم ...

رفع للفائده

[989898]

يارب انقل جامعة القنفذه وافتك من الدراسه في عبد العزيز وصعوبة مناهجها قولو امين
جزاك الله خير

[مروره]

وإياك يااارب
الله يكتب لك اللي فيه الخير يااارب :)

[lady jojo]

الله يجزيكيي خيـــــــــــرر يارب

[مروره]

وإيــــاكي يارب :)

[fahadal3bdallh]

للرفع

[محمد فرج]

المشاركة الأصلية كتبت بواسطة fahadal3bdallh للرفع

موضوع مهم . والله يعين الاختبار الصباااااااااااااااح والتركيزززززز بدا يتشتت ربي يوفق الجميع